Կրասնոարմեյսկայա փողոց (Դոնի Ռոստով)
| Կրասնոարմեյսկայա փողոց ռուս.՝ Улица Красноармейская | |
|---|---|
 | |
| Երկիր |  Ռուսաստան |
| Գտնվում է | Դոնի Ռոստով |
| Երկարություն | 4 ± 1 կմ |
| Սկիզբ | Սիվերսի պողոտա |
| Ավարտ | Տեատրալնի պողոտա |
| Նախկին անվանում | Սկոբելևի փողոց |
| Անվանվել է | ԽՍՀՄ Զինված ուժեր |
| Գուգլ Քարտեզներում | |
Կրասնոարմեյսկայա փողոց (ռուս.՝ Улица Красноармейская), Ռուսաստանի Դաշնության Դոնի Ռոստով քաղաքի հիմնական փողոցներից մեկը[1]։
Պատմություն
[խմբագրել | խմբագրել կոդը]Գտնվում է Դոնի Ռոստով քաղաքի կենտրոնում և համարվում է նրա ամենահին փողոցներից մեկը[2]։ Նախկինում կոչվել է Սկոբելևի փողոց (ի պատիվ ռուս գեներալ Միխայիլ Սկոբելևի)։
.jpg)
Փողոցը սկիզբ է առնում է Սիվերսի պողոտայից և ընթանում է Բոլշայա Սադովայա փողոցին զուգահեռ մինչև Տեատրալնի պողոտա։ Փողոցն ուղիղ է, չորսից վեց երթևեկելի շերտերով։ Հատում է Դոնի Ռոստովի բազմաթիվ նրբանցքներ ու պողոտաներ, որոնց թվում են Բուդյոննու, Վորոշիլովի և Կիրովի պողոտաները, Խալտուրինի, Սեմաշկոյի, Գազետնի նրբանցքները և ուրիշներ։
Կրասնոարմեյսկայա փողոցը Դոնի Ռոստովի ծանրաբեռնված փողոցներից մեկն է, քանի որ այստեղով են անցնում շատ միջքաղաքային ավտոբուսային երթուղիներ, որոնք գալիս են Շոլոխովի պողոտայից։ Իսկ Սիվերսի պողոտայում, որտեղից սկսվում է Կրասնոարմեյսկայա փողոցը, գտնվում են քաղաքի ավտոբուսային և երկաթուղային կայարանները։
Փողոցում գտնվում են
[խմբագրել | խմբագրել կոդը]- Ռոստովի նախկին գլխավոր մզկիթը
- Ասլանիդի եղբայրների ծխախոտի ֆաբրիկայի շենքը
- «Ռոստով» հյուրանոցը
- Աչքի հիվանդությունների կլինիկայի շենքը
- Պիոներական 1-ին հավաքի անվան պուրակը
- Ցանցային առևտրի կենտրոններ և բանկերի գրասենյակներ
Պատկերասրահ
[խմբագրել | խմբագրել կոդը]- Օբյեկտներ Կրասնոարմեյսկայա փողոցում
-
ԽՍՀՄ 50-ամյակին նվիրված խճանկար թիվ 33 շենքի պատին -
Միջնակարգ մեխանիկատեխնիկական ուսումնարանի շենք -
Քաղաքային զորանոցների շենք -
Լ. Ե. Պանչենկոյի եկամտաբեր տուն
.jpg)
