Կազան արենա

Կազան արենա
Տեսակ	ֆուտբոլային մարզադաշտ
Մարզաձև	ֆուտբոլ
Տեղագրություն	Կազան
Երկիր	Ռուսաստան
Հիմնադրված	հուլիս 2013
Բացված	2013
Կառուցող	Q4201980?
Ճարտարապետ	Populous
Սեփականատեր	Թաթարստան
Տարողություն	45 105
Տնային թիմ	Ռուբին ՖԱ
Ծածկույթի տեսակը	գազոն
Կայք	kazanarena.com
	Kazan Arena Վիքիպահեստում

«Կազան արենա», ունիվերսալ ֆուտբոլային մարզադաշտ, բազմաֆունկցիոնալ համալիր, որը գտնվում է Կազանում, Թաթարստան։ Ռուսաստանի մեծապարփակ մարզադաշտերից մեկն է՝ հաշվարկված 45379 մարդու համար^[1]։

ՈՒԵՖԱ-ի չորրորդ կարգի մարզադաշտ է։ Բացվել է 2013 թվականի հունիսի 14-ին^[2]։ Կազանի Ռուբին ֆուտբոլային ակումբի տնային մարզադաշտն է։

Մեծ իրադարձությունների և միջազգային միջոցառումների կենտրոն է՝ 27-րդ համաշխարհային ամառային ունիվերսիադա 2013 թվականին, ՖԻՖԱ-ի աշխարհի 16-րդ ջրային առաջնություն 2015 թվականին, Կոնֆեդերացիաների գավաթ 2017 թվականին և Ֆուտբոլի աշխարհի առաջնություն 2018 թվականին։

Գտնվելու վայր

Մարզադաշտը գտնվում է Կազանի Նովո-Սավինովսկի շրջանում, Խուսաին Յամաշևի պողոտայի և Չիստոպոլսկայի փողոցի միջև, Կազանկայի աջ ափի մոտ, «Ռիվիերա» ջրաշխարհի և «Օլիմպ» սպորտային համալիրի հարևանությամբ։ Մարզադաշտ կարելի է հասնել հանրային տրանսպորտով՝ բարձր արագություն (№ 5) և սովորական (№ 6) տրամվայ, տրոլեյբուսներ (№ 2, 13), ավտոբուսներ (№ 75, 45, 33, 62): Ապագայում մարզադաշտ կհասնի Կազանի մետրոպոլիտենի երկրորդը («Մարզադաշտ» կայարան) և երրորդ գիծը («Չիստոպոլկայա» կայարան)։

Նկարագրություն և առանձնահատկություններ

Մարզադաշտի տարածք՝ 28 հեկտար
Տարողություն՝ 45 379 հանդիսատես
Շինության տարածք՝ 73 330 մ²
Շենքի ընդհանուր տարածք՝135 967 մ²
Ավտոկայանատեղ՝ 6 285 տեղ (ներառյալ «Վերջին մղոն» գոտում գտնվող ավտոկայանատեղերը)
Ֆուտբոլի դաշտ՝ 9000 մ2, 105 մ х 68 մ
Մեդիաֆասադ Full HD՝ 3 700 մ²

Ճարտարապետություն

Շինարարության կառուցվածքի ջրային շուշանի տեսքով ճարտարապետական հայեցակարգը ձևավորվել է «Populous» ընկերությունը։ Այս ճարտարապետական բյուրոյին նախագծերից են հուշադրամը Լոնդոնի հայտնի Ուեմբլի և Էմիրեյթս մարզադաշտերը։ Մարզադաշտի յուրահատկությունը 120 մետր թռիչքն է և տանիքի լուսաթափանց նեցուկները` հենված ընդամենը 8 կետերի վրա։ Այս լուծման շնորհիվ կառույցը թվում է օդային` առանց կորցնելու հուսալիությունը։ Մարզադաշտի եզակի տանիքի մետաղական կառուցվածքները կշռում են 12 հազար տոննա։

Պատմություն

Շինարարություն

2010 թվականի մայիսի 5-ին Ռուսաստանի նախագահ Վլադիմիր Պուտինը դրեց նոր մարզադաշտի առաջին հիմնաքարը։ Օբյեկտը շահագործման հանձնվեց ռեկորդային ժամանակահատվածում, 36 ամիս անց, 2013 թվականի մայիսին։ «Կազան Արենան» դարձավ առաջին մազադաշտը, որ կառուցվել էր Ռուսաստանում ՖԻՖԱ 2018 ֆուտբոլի աշխարհի առաջնության անցկացման նպատակով։

Մեդիաճակատ

Մարզական օբյեկտում տեղակայված Եվրոպայի խոշորագույն մեդիաճակատն է 3700 քառակուսի մետր ընդհանուր մակերեսով։ «Կազան Արենայի» մեդիաճակատը եզակի գովազդատեղեկատվական միջոց է, որը թույլ է տալիս իրականացնել սոցիալական նշանակության իրադարձությունների և կինոցուցադրումների ուղիղ հեռարձակումներ։

Ունիվերսիադա

Մարզադաշտը դարձավ 2013 թվականի 27-րդ համաշխարհային ամառային Ունիվերսիադայի խոշորամասշտաբ և տեսարժան արարողության բացման և փակման միջոցառումների անցկացման վայր։ Բացման արարողությունը կայացավ 2013 թվականի հուլիսի 6-ին, որին մասնակցեցին ավելի քան 45 հազար հանդիսական։

27-րդ համաշխարհային ամառային Ունիվերսիադայի փակման արարողությունը կայացել է 2013 թվականի հուլիսի 17-ի գիշերվանից մինչև 18-ը։

Ամառային Ունիվերսիադայի ժամանակ հուլիսի 6-17-ը մարզադաշտում տեղակայվեցին ունիվերսիադայի հիմնական մեդիա մամուլի կենտրոնը, Միջազգային հաղորդակցության գլխավոր մամուլի կենտրոնի հետ, որտեղից հեռարձակում էին իրականացնում 12 շարժական հեռուստակայաններ։

Բացման և փակման արարողությունների ժամանակ մարզադաշտում տեղադրվել էին 467 տոննա ընդհանուր քաշով սարքավորումներ, ներառյալ հիմնական բեմահարթակը շատրվաններով, ամբարձիչ տրանսֆորմացիոն բազմահարկ բուրգով և տեսաէկրաններով։ Մարզադաշտի տանիքին տեղադրվել էր 6 տոննայանոց Ունիվերսադայի կրակի թասը։

Ֆուտբոլ

2014 թվականի օգոստոսի 17-ին մարզադաշտում անցկացվեց առաջին ֆուտբոլային հանդիպումը Ռուսաստանի առաջնության շրջանակներում։ Կազանի «Ռուբին» ֆուտբոլային ակումբը 4-րդ մրցափուլում ոչ ոքի խաղաց մոսկովյան «Լոկոմոտիվի» հետ (1:1)։ «Ռուբին» ֆուտբոլային ակումբը նոր մարզադաշտում իր առաջին հաղթանակը տարավ օգոստոսի 23-ին Ռուսաստանի առաջնության 5-րդ տուրի խաղում` հաղթելով այդ պահին գործող չեմպիոն ԲԿՄԱ-ին (2:1)։
2015 թվականի նոյռմբերի 5-ին մարզադաշտում կայացավ ՈՒԵՖԱ Եվրոպայի Լիգայի «Ռուբին»-«Լիվերպուլ» առաջին խաղը։
2016 թվականի մայիսի 2-ին մարզադաշտում կայացավ 2015/16 թ Ռուսաստանի Գավաթի «ԲԿՄԱ»-«Զենիթ» եզրափակիչ խաղը։
2016 թվականի մայիսի 21-ին 30-րդ տուրում «Ռուբինը» զիջեց «ԲԿՄԱ»-ին (0:1)։ «Կազան Արենա»- ում ԲԿՄԱ-ն հաղթեց 2016/17թվականի ֆուտբոլի Ռուսաստանի առաջնությունում։
2017 թվականի հունիսի 17-ից հուլիսի 2-ը «Կազան Արենա» մարզադաշտում անցկացվեց 2017 թվականի Կոնֆեդերացիայի Գավաթի ութերորդ մրցաշարի չորս խաղ, ՖԻՖԱ-ի հովանու ներքո ազգային հավաքականների միջև։
Հունիսի 18-ին Պորտուգալիայի և Մեքսիկայի հավաքականները ոչ ոքի խաղացին (2:2)։
Հունիսի 22-ին «Կազան Արենայում» հանդիպեցին Գերմանիայի և Չիլիի հավաքականները (1:1)։
Հունիսի 24-ին մարզադաշտում անցկացվեց Մեքսիկա-Ռուսաստան մրցախաղը (2:1)։
Հունիսի 28-ին մրցեցին Պորտուգալիայի և Չիլիի հավաքականները (0:3)։
Կոնֆեդերացիայի գավաթի չորս խաղերում «Կազանի արենա» մարզադաշտ է այցելել ավելի քան 150000 երկրպագու։
Հունիսի 14 - հուլիսի 15, 2018 թ. Կազան արենայում կանցկացվի 2018 թվականի աշխարհի 21-րդ գավաթի խաղարկության վեց խաղերը։
Հունիսի 16 Ֆրանսիա-Ավստրալիա
Հունիսի 20 Իրան-Իսպանիա
Հունիսի 24 Լեհաստան-Կոլումբիա
Հունիսի 27 Կորեա-Գերմանիա
Հունիսի 30 -1/8 եզրափակիչ
Հունիսի 6 - 1/4

Ջրային սպորտաձևերի Լողի միջազգային ֆեդերացիայի աշխարհի 16-րդ առաջնություն

«Կազան Արենան» աշխարհի միակ ֆուտբոլային մարզադաշտն է, որտեղ սահմանվել են լողի գծով 12 համաշխարհային ռեկորդ։ Համաշխարհային ջրային առաջնության պատմության մեջ առաջին անգամ մարզադաշտում տեղադրվեցին երկու 50 մետրանոց ժամանակավոր լողավազաններ, գլխավոր լողավազանը մրցումների, իսկ մյուսը մարզումների անցկացման համար։ Լողավազանների շուրջը կառուցվեց 14500 հանդիսատեսի համար նախատեսված ժամանակավոր տրիբունաներ։ Տրիբունաների տակ հարմարեցվեցին տեխնիկական տարածքներ և տեղադրվեցին սարքավորումներ։

Ջրային սպորտաձևերի առաջնության շրջանակներում անցկացվեցին սինխրոն լողի (2015 թվականի հուլիսի 25 -ից մինչև օգոստոսի 1-ը) և լողի մրցումներ (2015 թվականի օգոստոսի 2-ից 9-ը)։

Ջրային սպորտաձևերի Լողի միջազգային ֆեդերացիայի աշխարհի 2015 թվականի առաջնության անցկացումից հետո բոլոր ժամանակավոր կառուցվածքները ապամոնտաժվեցին։

Ջրային սպորտաձևերի Լողի միջազգային ֆեդերացիայի աշխարհի 16-րդ առաջնության նախապատրաստման և անցկացման հետ կապված մարզադաշտում ֆուտբոլային խաղեր չէին անցկացվում։

Ենթակառուցվածք

Մեդիա կենտրոն

Համաժողովների դահլիճ
72 սքայբոքս խաղադաշտերի համայնապատկերով
«Palladium» ռեստորան խաղադաշտի համայնապատկերով
«Ruby bar», «Sapphire lounge» սննդի գոտիներ
168 առևտրի կետեր սննդի սրահների մոտ
Kazan Arena Family
Harley - Davidson Kazan պաշտոնական դիլերային կենտրոն
Stadium Hotel «Sport&Family»
Կենդանիների բազմաֆունկցիոնալ կենտրոն

Սպորտային կլաստեր

«X-Fit Arena» ֆիթնես կենտրոն լողավազանով
«CrossFit Pioneer» սպորտային ակումբ
Դենիս Զարիպովի «Հաղթական նետում» կենտրոն
Սքվոշ-կորտ

Մանկական կլաստեր

«KidSpqace» մանկական տարածք
«Փայլատակ» մանկական գիտաժամանցային կենտրոն
«Baby Football» մանկական ֆուտբոլի հատված

Հրապարակի բազմաֆունկցիոնալություն

«Կազան Արենա » մարզադաշտում ամեն տարի անցկացվում է տարբեր բնույթի դաշնային և հանրապետական նշանակության մարզա մշակութային, միջոցառումներ տոնակատարություններ համերգներ փառատոներ, որոնց մասնակցում է մինչև մեկ միլիոն հանդիսատես։

2013 թվականից մինչև 2016 թվականը մարզադաշտի հարակից տարածքում գործել է Ժողովրդական սահադաշտը, որի այցելուների թիվը սեզոնի ընթացքում կազմել է մինչև 200000։

2015 թվականին ջրային սպորտաձևերի աշխարհի առաջնության ժամանակ մարզադաշտում հիմնադրվեց FINA մշակութային զբոսայգին, որտեղ այցելեցին ավելի քան 400000 մարդ։

2016 թվականին FINA զբոսայգու տեղում բացվեց Ռուսաստանում ամենախոշոր շարժվող դինոզավրերի այգին, որի աշխատանքի ընթացքում այցելուների թիվը հասավ մինչև հինգ հարյուր հազարի։

2017 թվականին «Կազան Արենա» մարզադաշտում առաջին անգամ անցկացվեց փոքր ձևաչափի «Arenaland» փառատոնը, որին մասնակցեցին Kadebostany, Therr Maitz, «Пицца» խմբերը։ Երկու օրվա ընթացքում (22, 23 հուլիսի) մարզադաշտ հաճախեց շուրջ 10 000 հանդիսական։ Փառատոնի ընթացքում գործում էին Art, Drive, It, Fun, Food, Fashion գոտիները։

ՖԻՖԱ Կոնֆեդերացիաների գավաթ 2017

Ամսաթիվ	Ժամ	Թիմ #1	Արդյունք	Թիմ #2	Ռաունդ	Հաճախելիություն
Հունիսի 18, 2017	18:00	Պորտուգալիա	2–2	Մեքսիկա	Խումբ A	34,372^[3]
Հունիսի 22, 2017	21:00	Գերմանիա	1–1	Չիլի	Խումբ B	38,222^[4]
Հունիսի 24, 2017	18:00	Մեքսիկա	2–1	Ռուսաստան	Խումբ A	41,585^[5]
Հունիսի 28, 2017	21:00	Պորտուգալիա	0–0 (0–3 p)	Չիլի	Կիսաեզրափակիչ	40,855^[6]

Ֆուտբոլի աշխարհի առաջնություն 2018

Ամսաթիվ	Ժամ	Թիմ #1	Արդյունք	Թիմ #2	Ռաունդ
Հունիսի 16, 2018	13:00	Ֆրանսիա	–	Ավստրալիա	Խումբ C
Հունիսի 20, 2018	21:00	Իրան	–	Իսպանիա	Խումբ B
Հունիսի 24, 2018	21:00	Լեհաստան	–	Կոլումբիա	Խումբ H
Հունիսի 27, 2018	17:00	Հարավային Կորեա	–	Գերմանիա	Խումբ F
Հունիսի 30, 2018	17:00	Winner Group C	–	Runner-up Group D	Ռաունդ 16
Հուլիսի 6, 2018	21:00	Winner Match 53	–	Winner Match 54	Կիսաեզրափակիչ

Պատկերասրահ

Մարզադաշտի ընդհանուր տեսքը
Գլխավոր մուտք
Մեդիա ֆասադ
Մարզադաշտի ընդհանուր տեսքը շինարարության ժամանակ
Ունիվերսիադայի 2013 թ. բացման հանդիսավոր արարողություն
Շինարարության ընթացք
Լողավազանները ջրային սպորտի աշխարհի առաջնության ժամանակ
Կազան արենա
Աշխարհի ջրային մարզաձևերի 2015 թ. առաջնության ժամանակ Կազանի արենայի համայնապատկեր