Ծովինար Համբարձումյան
- Վիքիպեդիայում կան հոդվածներ Համբարձումյան ազգանունով այլ մարդկանց մասին։
Ծովինար Համբարձումյան | |
Իտալիայի Հանրապետությունում Հայաստանի արտակարգ և լիազոր դեսպան | |
Ծննդյան օր՝ | հուլիսի 5, 1971 |
---|---|
Ծննդավայր՝ | Երևան |
Ծովինար Սուրենի Համբարձումյան (հուլիսի 5, 1971, Երևան), քաղաքական գործիչ, թուրքագետ, Իտալիայի Հանրապետությունում Հայաստանի արտակարգ և լիազոր դեսպան[1]։
Կենսագրություն
[խմբագրել | խմբագրել կոդը]Կրթություն
[խմբագրել | խմբագրել կոդը]Ծնվել է Երևանում, 1989-1994 թվականներին սովորել է Երևանի պետական համալսարանի Արևելագիտության ֆակուլտետի արևելյան լեզուներ և գրականություն բաժնում։ 2005-2006 թվականներին սովորել է Եվրոպայի խորհրդի Քաղաքական դասընթացների երևանյան դպրոցում (ՔԴԵԴ)։ 2008 թվականին սովորել է ՆԱՏՕ-ի՝ Հռոմում տեղակայված պաշտպանական քոլեջում և ստացել Անվտանգային գիտությունների մագիստրոսի աստիճան։
Աշխատանքային գործունեություն
[խմբագրել | խմբագրել կոդը]1992-1995 թվականներին որպես թուրքագիտության ուսուցչուհի աշխատել է Էջմիածնի Ներսիսյան վարժարանում։ 1995-1996 թվականներին եղել է Հայաստանի Հանրապետության նախագահի աշխատակազմի վերլուծության բաժնի փորձագետ, իսկ 1996-1998 թվականներին՝ Հայաստանի նախագահի գլխավոր խորհրդականի աշխատակազմի 1-ին կարգի մասնագետ, ապա՝ առաջատար մասնագետ։ 1998 թվականին եղել է Հայաստանի նախագահի աշխատակազմի վերլուծական ծառայության առաջատար մասնագետ։ Նույն թվականին նշանակվել է Հայաստանի նախագահի մամուլի քարտուղարի գրասենյակի գլխավոր մասնագետ։ 2002-2018 թվականներին զբաղեցրել է Հայաստանի նախագահ աշխատակազմի արտաքին կապերի վարչության գլխավոր մասնագետի, խորհրդատուի, վարչության պետի պաշտոնները[2]։ 2008 թվականից որպես միջազգային դիտորդ, ընդգրկվել է ԵԱՀԿ/ԺՀՄԻԳ առաքելություններում, ուսումնասիրել և գնահատել է տարբեր երկրներում ընտրական գործընթացները։ 2018 թվականին նշանակվել է Հայաստանի վարչապետի աշխատակազմի արտաքին կապերի վարչության պետ[3]։ Ունի 2-րդ դասի պետական խորհրդականի դասային աստիճան։
2020 թվականի հունիսի 3-ին Հայաստանի նախագահ Արմեն Սարգսյանի հրամանագրով Ծովինար Համբարձումյանը նշանակել Իտալիայի Հանրապետությունում Հայաստանի արտակարգ և լիազոր դեսպան։
Պարգևներ
[խմբագրել | խմբագրել կոդը]- Հայաստանի Նախագահի շնորհակալագիր (2007)
- Երախտագիտության մեդալ (2017)
Աշխատություններ
[խմբագրել | խմբագրել կոդը]- «Կարո՞ղ է ժողովրդավարությունն անվտանգություն բերել Հարավային Կովկաս» հետազոտական մենագրություն, ՆԱՏՕ-ի Պաշտպանական քոլեջում (90 էջ, Հռոմ, 2010թ.)
- «Կանանց տնտեսական և սոցիալական իրավունքների իրացման և մոնիտորինգի մեխանիզմները. քաղված դասեր», Եվրոպայի խորհրդի քաղաքական դպրոցների ասոցիացիայի պաշտոնական կայքէջ (9 էջ, 2018թ․)
Ծանոթագրություններ
[խմբագրել | խմբագրել կոդը]- ↑ «Ծովինար Համբարձումյանը նշանակվել է Իտալիայում Հայաստանի դեսպան». Hetq.am. Վերցված է 2020 թ․ հունիսի 3-ին.
- ↑ «Ծովինար Համբարձումյանը նշանակվել է Իտալիայում Հայաստանի դեսպան». «Ազատ Եվրոպա/Ազատություն» ռադիոկայան. Վերցված է 2020 թ․ հունիսի 4-ին.
- ↑ «Pashinyan-Merkel meeting kicks off in Berlin». RAG Mamoul | Online Armenian News (ամերիկյան անգլերեն). 2020 թ․ փետրվարի 13. Վերցված է 2020 թ․ հունիսի 3-ին.
Նախորդող Վիկտորյա Բաղդասարյան |
Իտալիայի Հանրապետությունում Հայաստանի արտակարգ և լիազոր դեսպան։ Ծովինար Համբարձումյան 2020 - |
Հաջորդող - |
|