Լևոն Ջանփոլադյան

Լևոն Ջանփոլադյան
Ծնվել է	հուլիսի 1, 1912; Երևան, Կովկասի փոխարքայություն, Ռուսական կայսրություն
Մահացել է	հոկտեմբերի 5, 1997 (85 տարեկան); Երևան, Հայաստան
Գերեզման	Թոխմախի գերեզմանատուն
Քաղաքացիություն	Ռուսական կայսրություն, ԽՍՀՄ և Հայաստան
Ազգություն	հայ
Մասնագիտություն	գինեգործ
Հաստատություն(ներ)	Երևանի կոնյակի գործարան
Անդամակցություն	ՀՀ ԳԱԱ
Ալմա մատեր	Մոսկվայի Կ. Ա. Տիմիրյազևի անվան գյուղատնտեսական ակադեմիա (1936)
Կոչում	ակադեմիկոս
Գիտական աստիճան	տեխնիկական գիտությունների դոկտոր (1967)
Պարգևներ	և Հայաստանի գիտության վաստակավոր գործիչ
Կուսակցություն	ԽՄԿԿ

Վիքիպեդիայում կան հոդվածներ Ջանփոլադյան ազգանունով այլ մարդկանց մասին։

Լևոն Միքայելի Ջանփոլադյան (հուլիսի 1, 1912(1912-07-01)^[1], Երևան, Կովկասի փոխարքայություն, Ռուսական կայսրություն^[1] - հոկտեմբերի 5, 1997(1997-10-05), Երևան, Հայաստան), հայ խորհրդայի գինեգործ-տեխնոլոգ։ Տեխնիկական գիտությունների դոկտոր (1967 թ.), պրոֆեսոր (1977 թ.), ՀԽՍՀ ԳԱ ակադեմիկոս^[2] (1994 թ., թղթակից անդամ, 1971 թ.), ՀԽՍՀ գիտության և տեխնիկայի վաստակավոր գործիչ (1967 թ.), ՀԽՍՀ գիտատեխնիկական ընկերությունների պատվավոր անդամ։ ԽՄԿԿ անդամ 1947 թվականից։

Կենսագրություն

Ավարտել է Մոսկվայի Տիմիրյազևի անվան գյուղատնտեսական ակադեմիան (1936 թ.)։ Աշխատել է գինու և կոնյակի արդյունաբերության «Արարատ» տրեստում որպես գիտական լաբորատորիայի վարիչ (1941-1943 թթ.), ՀԽՍՀ սննդի արդյունաբերության ժողկոմի տեղակալ (1943-1946 թթ.), ապա՝ մինիստր (1946-1947 թթ.), 1948 թվականից՝ խաղողագործության, գինեգործության և պտղաբուծության հայկական ԳՀԻ-ի գինու և կոնյակի տեխնոլոգիայի բաժնի վարիչ, 1965 թվականից՝ ՀԽՍՀ սննդի արդյունաբերության մինիստրի առաջին տեղակալ^[3]։

Գիտնական աշխատանքներ

Լևոն Միքայելի Ջանփոլադյանի գիտական աշխատանքները վերաբերում են գինու, կոնյակի արտադրության զարգացման հարցերին։ Մշակել է կոնյակի հասունացման, շիթային ռեակտորի միջոցով գինու վերամշակման (Կատեգորյա Խաչատրյանի հետ), գինեթթվակրի (գինեթթվի կալցիումական աղ) ստացման, մադերայի տիպի «Հայկական» գինու (Ն. Կազումովի հետ) տեխնոլոգիաները^[4]։

Աշխատություններ

Виноделие Венгрии.- Ереван, 1959, 32 с․
Очерки развития отечественного коньячного производства.- Ереван, 1966, 149 с․^[5]

Պարգևներ

Պարգևատրվել է Աշխատանքային կարմիր դրոշի, «Պատվո նշան» շքանշաններով։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան, հատոր 9 (հայ.) — հատոր 9. — էջ 748.
↑ «ՀՀ գիտությունների ազգային ակադեմիայի իսկական անդամներ». Վերցված է 2023 թ․ մայիսի 16-ին.
↑ «ДЖАНПОЛАДЯН Левон Михайлович». sortov.net (ռուսերեն). Վերցված է 2017 թ․ հունիսի 7-ին.
↑ «ՀՀ ԳԱԱ ակադեմիկոսների կենսամատենագիտություններ». greenstone.flib.sci.am. Վերցված է 2023 թ․ մայիսի 16-ին.
↑ «ՀՀ ԳԱԱ հիմնարար գիտական գրադարանի էլ․ քարտարան- Լևոն Ջանփոլադյան». Վերցված է 2023 թ․ մայիսի 16-ին.

Վիքիդարանն ունի նյութեր, որոնք վերաբերում են «Լևոն Ջանփոլադյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 478)։

[_e32f224dee434671-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան, հատոր 9 (հայ.) — հատոր 9. — էջ 748.

[2] «ՀՀ գիտությունների ազգային ակադեմիայի իսկական անդամներ». Վերցված է 2023 թ․ մայիսի 16-ին.

[3] «ДЖАНПОЛАДЯН Левон Михайлович». sortov.net (ռուսերեն). Վերցված է 2017 թ․ հունիսի 7-ին.

[4] «ՀՀ ԳԱԱ ակադեմիկոսների կենսամատենագիտություններ». greenstone.flib.sci.am. Վերցված է 2023 թ․ մայիսի 16-ին.

[5] «ՀՀ ԳԱԱ հիմնարար գիտական գրադարանի էլ․ քարտարան- Լևոն Ջանփոլադյան». Վերցված է 2023 թ․ մայիսի 16-ին.

[1]

[2]

[3]

[4]

[5]