Իդա Շտրոյլի-Քնյուսլի
| Իդա Շտրոյլի-Քնյուսլի գերմ.՝ Ida Knüsli[1] | |
|---|---|
 | |
| Ծնվել է | փետրվարի 17, 1847 |
| Ծննդավայր | Վինտերտուր, Ցյուրիխ, Շվեյցարիա |
| Մահացել է | հունվարի 20, 1918 (70 տարեկան) |
| Վախճանի վայրը | Վինտերտուր, Ցյուրիխ, Շվեյցարիա |
| Քաղաքացիություն |  Շվեյցարիա |
| Կրոն | Շվեյցարիայի բողոքական եկեղեցի |
| Մասնագիտություն | սոցիալական աշխատող և կանանց իրավունքների պաշտպան |
Իդա Շտրոյլի-Քնյուսլի (գերմ.՝ Ida Sträuli-Knüsli, փետրվարի 17, 1847, Վինտերտուր, Ցյուրիխ, Շվեյցարիա - հունվարի 20, 1918, Վինտերտուր, Ցյուրիխ, Շվեյցարիա), շվեյցարացի կանանց իրավունքների պաշտպան, Վինտերտուրի կանանց ասոցիացիայի հիմնադիր և նախագահ։
Կենսագրություն
[խմբագրել | խմբագրել կոդը]Իդա Շտրոյլի-Քնյուսլին ծնվել է վինտերտուրցի նոտար, կանտոնային խորհրդական և Վինտերտուրի քաղաքային խորհրդական Հանս Քնյուսլի-Ունհոլցի ընտանիքում։ Ունեցել է երկու քույր և երեք եղբայր․ նրա ավագ եղբայրը երկաթուղային արդյունաբերող Հանս Քնյուսլին է[2]։
1869 թվականին ամուսնացել է Շտրոյլի (գերմ.՝ Seifenfabrik Sträuli) օճառի գործարանի հիմնադրի և Վինտերտուրի ժելատինի գործարանի համահիմնադիրի որդու՝ Յոհան Վերներ Ստրաուլիի հետ։ Իդա Շտրոյլի-Քնյուսլին աշխատել է հոր գրասենյակում և բախվել կանանց նկատմամբ իրավական խտրականության, ինչից հետո նա ներգրավվել է այս ոլորտում, ի թիվս այլ բաների, հիմնելով մանկապարտեզներ (գերմ.՝ Kinderkrippen und Kindergärten): 1888 թվականին հիմնադրել է Վինտերտուրի կանանց միությունը և նախագահել է այն 1899-1916 թվականներին։ 1889 թվականից սկսած կանանց ասոցիացիան Վինտերտուրում գործել է որպես աշխատանքի տեղավորման գրասենյակ և աղջիկների տուն՝ տնային աշխատողների համար։ 1891 թվականին Շտրոյլի-Քնյուսլին հիմնել է սպասավորների դպրոց, որը հետագայում դարձել է տնային տնտեսության դպրոց։
2003 թվականին Վինտերտուրի նորաստեղծ քաղաքային տարածքում նրա անունով փողոց է անվանակոչվել։
Ծանոթագրություններ
[խմբագրել | խմբագրել կոդը]- ↑ Historische Lexikon der Schweiz, Dictionnaire historique de la Suisse, Dizionario storico della Svizzera (գերմ.) — Bern: 1998.
- ↑ «Stammbaum Familie Knüsli» (PDF; 181 kB). Winterthur Glossar. Վերցված է 2016-08-21-ին.
Արտաքին հղումներ
[խմբագրել | խմբագրել կոդը]
| ||||||
