Ժոնաթան Լաքոտ

Ժոնաթան Լաքոտ;
	; Ժոնաթան Լաքոտ (2018)
Ծնվել է	սեպտեմբերի 15, 1972 (52 տարեկան)
Ծննդավայր	Փարիզ
Քաղաքացիություն	Ֆրանսիա
Կրթություն	Փարիզի քաղաքական հետազոտությունների ինստիտուտ և Արևելյան լեզուների և քաղաքակրթությունների ազգային ինստիտուտ
Մասնագիտություն	դիվանագետ
Զբաղեցրած պաշտոններ	Հայաստանում Ֆրանսիայի դեսպան
Պարգևներ և ; մրցանակներ
	Jonathan Lacôte Վիքիպահեստում

Ջոնաթան Լաքոտ (ֆր.՝ Jonathan Lacôte, սեպտեմբերի 15, 1972(1972-09-15), Փարիզ^[1]), ֆրանսիացի դիվանագետ։ 2017-2021 թվականներին եղել է Հայաստանում Ֆրանսիայի դեսպան^[2]։

Կենսագրություն

Ջոնաթան Լաքոտը նախնական կրթություն ստացել է Բրայթոնում (Միացյալ Թագավորություն), Նանտում և Փարիզում (Կոնդորսե լիցեյ)։ 1993 թվականին ավարտել է Փարիզի Քաղաքական հետազոտությունների ինստիտուտը, 1997 թվականին Արևելյան լեզուների և քաղաքակրթությունների ազգային ինստիտուտից (INALCO) ստացել է հունգարերենի և էստոներենի բակալավրի աստիճան։

Աշխատանքային գործունեություն

Աշխատանքային գործունեությունը սկսել է 1997 թվականին, երբ Ֆրանսիայի արտաքին գործերի նախարարությունից արժանացել է խորհրդականի մրցույթի դափնեկրի կոչման (Արևելքի հարցերով)։ 1998-2001 թվականներին պաշտոնավարել է Եվրամիության ընդհանուր արտաքին և անվտանգության քաղաքականության ծառայությունում (ԱԳՆ, Փարիզ), 2001-2003 թվականներին Բելգրադում եղել է Ֆրանսիայի դեսպանության քաղաքական խորհրդական, 2003-2005 թվականներին՝ Ֆրանսիայի դիվանագիտական առաքելության ղեկավար Պոդգորիցայում, 2005-2007 թվականներին՝ Ֆրանսիայի դեսպանության քաղաքական խորհրդական Բեռլինում, 2007-2010 թվականներին՝ Եվրոպական հարցերի պետքարտուղարի աշխատակազմի խորհրդական, այնուհետև՝ տնօրեն (Փարիզ), 2011-2014 թվականներին՝ Ֆրանսիայի արտաքին գործերի նախարարության կադրերի բաժնի պետի տեղակալ, 2014-2017 թվականներին՝ Անգլիայում Ֆրանսիայի դեսպանության նախարար-խորհրդական (Լոնդոն)։ 2017 թվականի սեպտեմբերի 11-ին Ֆրանսիայի նախագահ Էմանուել Մակրոնի հրամանագրով նշանակվել է Հայաստանում Ֆրանսիայի դեսպան^[2]։

Տիրապետում է յոթ օտար լեզուների՝ գերմաներեն, անգլերեն, իսպաներեն, էստոներեն, հունգարերեն, ռուսերեն, սերբախորվաթերեն^[3]։

Ծանոթագրություններ

↑ ^1,0 ^1,1 ^1,2 Who's Who in France (ֆր.) — Paris: 1953. — ISSN 0083-9531; 2275-0908
↑ ^2,0 ^2,1 Ժոնաթան Լաքոտ, Հայաստանում Ֆրանսիայի դեսպան
↑ Հայաստանում Ֆրանսիայի նոր դեսպանը յոթ լեզու գիտի

Արտաքին հղումներ

Նախորդող
Ժան-Ֆրանսուա Շարպանտիե

Հայաստանում Ֆանսիայի դեսպան
Ժոնաթան Լաքոտ
2017, սեպտեմբերի 11

Հաջորդող
Անն Լույո

[_3b6a44685754fa71-1] 1,0 ^1,1 ^1,2 Who's Who in France (ֆր.) — Paris: 1953. — ISSN 0083-9531; 2275-0908

[am.ambafrance-2] 2,0 ^2,1 Ժոնաթան Լաքոտ, Հայաստանում Ֆրանսիայի դեսպան

[3] Հայաստանում Ֆրանսիայի նոր դեսպանը յոթ լեզու գիտի

[1]

[2]

[3]