Թելման Զուրաբյան

Վիքիպեդիայում կան հոդվածներ Զուրաբյան ազգանունով այլ մարդկանց մասին։

Թելման Սուրենի Զուրաբյան
Ծնվել է	1934, դեկտեմբերի 7
Ծննդավայր	Թիֆլիս
Մահացել է	1979, նոյեմբերի 3
Մահվան վայր	Մոսկվա
Գերեզման	Երևան
Քաղաքացիություն	ԽՍՀՄ
Ազգություն	հայ
Կրթություն	Մոսկվայի ինժեներա-շինարարական ինստիտուտ
Մասնագիտություն	լրագրող, գրող և արվեստագետ
Անդամություն	Հայաստանի նկարիչների միություն և ԽՍՀՄ ժուռնալիստների միություն

Թելման Սուրենի Զուրաբյան (հունվարի 15, 1934(1934-01-15), դեկտեմբերի 7, 1934(1934-12-07) կամ 1934, Թիֆլիս, ԱԽՖՍՀ, ԽՍՀՄ - նոյեմբերի 3, 1979(1979-11-03) կամ 1979, Մոսկվա, ԽՍՀՄ, թաղված է Երևանում), հայ արվեստաբան, լրագրող։

Կենսագրություն

Թելման Զուրաբյանը ծնվել է Թբիլիսիում, ինժեներ-շինարար Սուրեն Իվանի Զուրաբյանի ընտանիքում։ 1960 թվականին ավարտել է Մոսկվայի շինարարական ինստիտուտը։ Զբաղվել է մայր հայրենիքից դուրս ապրող (մասնավորապես մոսկվայաբնակ) երևելի հայերի գործունեության (Մարիետա Շահինյան, Հ. Բաբաջանյան, Հ. Բաղրամյան, Տ. Պետրոսյան և ուրիշներ) և Հայաստանի հետ նրանց կապերի լուսաբանմամբ։ Հավաքել, մոռացությունից փրկել, ի մի է բերել նաև հանրությանը քիչ ծանոթ հայ, հատկապես «Թիֆլիսյան դպրոցի», արվեստագետների ստեղծագործությունները։ «Երջանկության ալիքները» Թիֆլիսում տարբեր ժամանակներում ապրած նկարիչների, նաև Կարապետ Գրիգորյանցի մասին պատմող արժեքավոր գործ է։

Եղել է ԽՍՀՄ Ժուռնալիստների, ՀԽՍՀ Նկարիչների միությունների անդամ։

Երկեր

• Волны счастья. Зурабян Тельман Суренович, Ереван, Советакан грох, 1981, 296 с.
• Տարբեր ժամանակների գույներ, 1970։
• Несмолкаемое эхо, Зурабян Тельман Суренович, Ереван, Айастан, 197, 244 стр. .
• Անլռելի արձագանք, 1976։
• Торос Рослин, Зурабян Тельман Суренович , Ереван, Советакан грох, 1978, 344 с.
• Թորոս Ռոսլին, ռուսերեն՝ 1979, հայերեն՝ 1986:
• Երջանկության ալիքներ, 1981։
• Волны счастья: [ Эссе ], Зурабян Тельман Суренович, Баяндур А, [ред.]. Ереван, Сов. грох, 1981.