Թամար Թումանյան
- Վիքիպեդիայում կան հոդվածներ Թումանյան ազգանունով այլ մարդկանց մասին։
| Թամար Թումանյան | |
|---|---|
 | |
| Ծնվել է | մայիսի 10, 1907 |
| Ծննդավայր | Թիֆլիս, Ռուսական կայսրություն |
| Մահացել է | նոյեմբերի 11, 1989 (82 տարեկան) |
| Վախճանի վայր | Երևան, Հայկական ԽՍՀ, ԽՍՀՄ |
| Կրթություն | ՀԱՊՀ և Գայանյան օրիորդաց դպրոց |
| Աշխատավայր | Հովհաննես Թումանյանի տուն-թանգարան |
| Պարգևներ |  և  |
| Անդամություն | Հայաստանի ճարտարապետների միություն |
Թամար Հովհաննեսի Թումանյան (մայիսի 10, 1907, Թիֆլիս, Ռուսական կայսրություն - նոյեմբերի 11, 1989, Երևան, Հայկական ԽՍՀ, ԽՍՀՄ), հայ ճարտարապետ։ ՀԽՍՀ մշակույթի վաստակավոր գործիչ (1977)։ Հայաստանի ճարտարապետների միության անդամ (1935)։
Հովհաննես Թումանյանի դուստրը։
Կենսագրություն
[խմբագրել | խմբագրել կոդը]Թամար Թումանյանը ծնվել է Թիֆլիսում 1907 թվականին, բանաստեղծ, արձակագիր Հովհաննես Թումանյանի ընտանիքում։ Նախնական կրթությունն ստացել է Թիֆլիսի Գայանյան օրիորդաց դպրոցում։ 1931 թվականին ավարտել է Երևանի պոլիտեխնիկական ինստիտուտը։ 1933 թվականից Ալեքսանդր Թամանյանի արվեստանոցում աշխատել է ճարտարապետ, 1945-1949 թվականներին եղել է Հայաստանի ճարտարապետների միության քարտուղար, 1947-1951 թվականներին՝ Հայաստանի ճարտարապետական ֆոնդի վարչության նախագահ, 1966-1989 թվականներին՝ Հովհաննես Թումանյանի տուն-թանգարանի տնօրեն[1], որտեղ ստեղծել է «Վերնատան» հուշասենյակը[2], «Լոռվա ձոր» համայնապատկերը, որի դիտումն ուղեկցվում է Արմեն Տիգրանյանի «Անուշ» օպերայով[3]։
Ստեղծագործություններ
[խմբագրել | խմբագրել կոդը]Թամար Թումանյանի նախագծերով կառուցվել են շենքեր և շինություններ Երևանում և այլ քաղաքներում։
- Քանաքեռ ԳԷՍ-ի բնակելի շենք, Երևան
- №447 գործարանի բնակելի շենք, Երևան
- №447 գործարանի հանրակացարան, Երևան
- Օթերևութաբանական վարչության շենք, Երևան
- Հյուրանոց Սիսիանում
Մասնակցել է Երևանում կառավարության ընդունելությունների տան և Ալեքսանդր Սպենդիարյանի անվան օպերայի և բալետի թատրոնի նախագծերի մշակման աշխատանքներին։
Ծանոթագրություններ
[խմբագրել | խմբագրել կոդը]- ↑ «Հովհաննես Թումանյանի թանգարան». www.toumanian.am. Արխիվացված է օրիգինալից 2017 թ․ մայիսի 10-ին. Վերցված է 2017 թ․ մայիսի 10-ին.
- ↑ «Թամար Թումանյան». urbanista.am. Վերցված է 2022 թ․ օգոստոսի 24-ին.
- ↑ «Zarkfoundation - Թամար Թումանյան». zarkfoundation.com.
- Մայիսի 10 ծնունդներ
- 1907 ծնունդներ
- Թբիլիսի քաղաքում ծնվածներ
- Նոյեմբերի 11 մահեր
- 1989 մահեր
- Երևան քաղաքում մահացածներ
- ՀՊՃՀ շրջանավարտներ
- Պատվո շքանշանի ասպետներ (ԽՍՀՄ)
- ՀԽՍՀ մշակույթի վաստակավոր գործիչներ
- Անձինք այբբենական կարգով
- Ճարտարապետներ այբբենական կարգով
- Հայ կին ճարտարապետներ
- Հայաստանի ճարտարապետների միության անդամներ