Էլեոնորա Ֆորենցա (իտալ.՝ Eleonora Forenza, նոյեմբերի 10, 1976(1976-11-10), Բարի, Իտալիա), իտալացի քաղաքական գործիչ, Կոմունիստական վերածնունդ կուսակցության՝ մշակույթի և հաղորդակցության հարցերով խոսնակ, 2014 թվականից Եվրոպական խորհրդարանի անդամ Եվրոպական միավորված ձախեր ֆրակցիայից։ Femministe Nove կոլեկտիվի և Գրամշիի միջազգային ընկերության հոգաբարձուների խորհրդի անդամ։
Էլեոնորան ծնվել և մեծացել է Բարիում։ 2002 թվականին գերազանցությամբ ավարտել է Բարիի համալսարանի գրականության ֆակուլտետը։ Նույն համալսարանում դոկտորական աստիճան է ստացել իտալերեն լեզվի ուսումնասիրության համար։ 2016 թվականին Նեապոլի "L'Orientale" համալսարանում դոկտորական աստիճան է ստացել նաև Կնոջ պատմության և գենդերային նույնականության ոլորտում ֆեմինիզմի և Իտալիայի կոմունիստական կուսակցության մասին թեզի պաշտպանության համար։ Էլեոնորա Ֆորենցան Հռոմի Տրի համալսարանում եղել է քաղաքական մտքի պատմության հետազոտող[1]։
Իտալիա
