Երևանյան թմբուկներ
| Երևանյան թմբուկներ | |
|---|---|
 Երևանյան թմբուկների անդամները | |
| Հիմնական տվյալներ | |
| Երկիր | Երևան, Հայաստան |
| Գործունեություն | 2009–այժմ |
| Կայք | yerevandrums.com |
Երևանյան թմբուկներ, երաժշտական խումբ, որը հիմնված է Երևանում։ Խմբի հիմնադիրն ու ներկայիս ղեկավարն է Պավել Սարգսյանը[1]։ Խմբի ներկայիս գեղարվեստական ղեկավարն է Մելինե Պետրոսյանը։ «Երևանյան թմբուկներ»-ը հիմնվել է 2009 թվականին՝ Երևանի 2791-ամյակի տոնակատարության ժամանակ։ Խմբի հիմնադիրներն են Պավել Սարգսյանը, Գագիկ Բեգլարյանը և Ռուբեն Ջաղինյանը։ Ներկայումս խմբի կազմում ընդգրկված են Երևանի երաժշտական և պետական դպրոցներից ընտրված 2 գեղարվեստական ղեկավար և 14 թմբկահար։ Թմբկահարները 15-25 տարեկան պատանի աղջիկներ են, որոնք երաժշտական կրթություն ունեն։ Երաժիշտները խորեոգրաֆիկ և երաժշտական պատրաստություն են ստացել համաշխարհային մակարդակի մասնագետներ Ալեքսանդր Խարկովի և Սերգեյ Բրավարնյուկի կողմից։
Մասնակցությունը միջոցառումներին[խմբագրել | խմբագրել կոդը]
- 2009 թվականից ի վեր «Երևանյան թմբուկներ»-ը մասնակցում են Երևան քաղաքի և Հայաստանի անկախության օրվա հետ կապված գրեթե բոլոր միջոցառումներին։ Վերջին տարիներին խումբը ներկայացրել է նաև Հայաստանը Դելֆյան խաղերում, Արամ Խաչատրյանի անվան միջազգային մրցույթում, «Երիտասարդ Եվրասիա» համաժողովում և այլն[2][3]։
- 2014 և 2017 թվականներին «Երևանյան թմբուկներ»-ը Հայաստանի Զինված ուժերի Գլխավոր շտաբի նվագախմբի հետ հանդես են եկել Մոսկվայի «Սպասսկայա աշտարակ» ռազմա-երաժշտական փառատոններում[4]։ 2015 թվականի ապրիլի 19-ից 25-ը խումբը մասնակցել է հարվածային գործիքների միջազգային փառատոնին Կահիրեում։
- Երևանի 2800-ամյակին և Հայաստանի առաջին հանրապետության 100-ամյակի շրջանակում 2018 թվականին «Երևանյան թմբուկներ»-ն կատարել են եվրոպական շրջագայություններ։ Երևանյան թմբուկները երթեր և ելույթներ են ունեցել Բրյուսելում, Փարիզում և Միլանում։
- 2018 թվականին «Երևանյան թմբուկներ»-ը Հունաստանում մասնակցել են Աթենքի ռազմա-երաժշտական փառատոնին։
- 2019 թվականին «Երևանյան թմբուկներ»-ը Հայաստանի Զինված ուժերի Գլխավոր շտաբի նվագախմբի և ՀՀ ԶՈՒ պատվո պահակային վաշտ հետ հանդես են եկել Աբու Դաբիում 2019 թվականի միջազգային պաշտպանական-ցուցահանդեսային համաժողովին։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ ««ԵՐԵՎԱՆՅԱՆ ԹՄԲՈՒԿՆԵՐ» ԹՄԲԿԱՀԱՐՆԵՐԻ ԽՈՒՄԲ». spyur.am. Արխիվացված է օրիգինալից 2020 թ․ հոկտեմբերի 13-ին. Վերցված է 13․10․2020-ին.
- ↑ Logic, Code. «Yerevan Drums - About us». www.yerevandrums.am. Արխիվացված է օրիգինալից 2018 թ․ ապրիլի 5-ին. Վերցված է 2020 թ․ հոկտեմբերի 13-ին.
- ↑ «Deem Booking». www.deemcommunications.com. Արխիվացված է օրիգինալից 2018 թ․ հուլիսի 10-ին. Վերցված է 2020 թ․ հոկտեմբերի 13-ին.
- ↑ «The Drummers Group "Yerevan drums" — [EN] Spasskaya bashnya». spasstower.ru.