Ելենա Յուրկովսկայա
| Ելենա Յուրկովսկայա | ||
|---|---|---|
 | ||
| Անձնական տեղեկություն | ||
| Սեռ՝ | իգական | |
| Մասնագիտացում՝ | բիաթլոնիստ և վոլեյբոլիստուհի | |
| Երկիր՝ |  Ուկրաինա | |
| Ծննդյան ամսաթիվ՝ | սեպտեմբերի 27, 1983 (41 տարեկան) | |
| Ծննդավայր՝ | Կոլոմիա, Իվանո-Ֆրանկովսկի մարզ, Ուկրաինական ԽՍՀ, ԽՍՀՄ | |
Պարգևներ    և  | ||
Ելենա Յուրևնա Յուրկովսկայա (ուկրաիներեն՝ Юрковська Олена Юріївна, սեպտեմբերի 27, 1983, Կոլոմիա, Իվանո-Ֆրանկովսկի մարզ, Ուկրաինական ԽՍՀ, ԽՍՀՄ), ուկրաինացի մարզիկ, Պարալիմպիկ խաղերի բազմակի չեմպիոն, Ուկրաինայի հերոս[1]։
Կենսագրություն
[խմբագրել | խմբագրել կոդը]Ելենա Յուրկովսկայան ծնվել է 1983 թվականի սեպտեմբերի 27-ին, Ուկրաինական ԽՍՀ-ի Իվանո-Ֆրանկովսկի մարզի Կոլոմիա քաղաքում։
Երեք տարեկանում լուրջ հիվանդությունից հետո կորցրել է երկու ոտքը։ Ելենայի ծնողները տեղափոխվեցին Կիևի շրջանի Մակարով գյուղ, որտեղ 1998 թվականից աղջիկը սկսել է վոլեյբոլ և սեղանի թենիս խաղալ։ Այժմ նա ապրում է Վիշնևոյում։
Սպորտ
[խմբագրել | խմբագրել կոդը]2000 թվականից զբաղվում է ձմեռային մարզաձևերով` բիաթլոնով և դահուկավազքով։ 2002 թվականին առաջին անգամ հանդես է եկել Սոլթ Լեյք Սիթիի ձմեռային պարալիմպիկ խաղերում, որտեղ նվաճել է արծաթե և երեք բրոնզե մեդալ։ Մարզվում է Վալերի Նիկոլաևիչ Կազակովի (դահուկավազք) և Վասիլի Պետրովիչ Մուկշինի (բիաթլոն) մոտ։
2006 թվականի ապրիլի 3-ին Ուկրաինայի նախագահ Վիկտոր Յուշչենկոյի թիվ 287/2006 հրամանագրով ձմեռային պարալիմպիկ խաղերում բացառիկ սպորտային նվաճումների, ցուցաբերած քաջության, նվիրվածության, հաղթանակի և Ուկրաինայի սպորտային հեղինակությունը աշխարհում բարձրացնելու համար բիաթլոնի և դահուկավազքի պարալիմպիկ խաղերի բազմակի չեմպիոն և մրցանակակիր, 2006 թվականի Թուրինի ձմեռային պարալիմպիկ խաղերի լավագույն մարզիկ Ելենա Յուրևնա Յուրկովսկայային շնորհվել է Ուկրաինայի հերոսի կոչում, և նա պարգևատրվել է «Ոսկե աստղ» շքանշանով[2][3]։
Նույն օրը, դահուկավազքի և բիաթլոնի Ուկրաինայի թիմի ավագ մարզիչ Վալերի Կազակովին շնորհվել է պատվավոր կոչում` «Ուկրաինայի ֆիզիկական կուլտուրայի և սպորտի վաստակավոր գործիչ»։ Նույն թվականին Յուրկովսկայան արժանացել է «Sports Star Awords» մրցանակի, որը հանձնվում է միջազգային օլիմպիական կոմիտեի հովանու ներքո։ Յուրկովսկայային առաջադրել էր «Eurospora» սպորտային հեռուստաալիքը։ 2006 թվականին արժանացել է «Երրորդ հազարամյակի կին» Ուկրաինայի մրցանակին։ Նույն թվականին «2006 թվականի սպորտային տարվա հերոսները» միջոցառման ժամանակ պարգևատրվել է «ուժեղ ոգի» անվանակարգում։ 2010 թվականին արժանացել է «Երկրի հպարտություն» կոչմանը։
Սպորտային նվաճումներ
[խմբագրել | խմբագրել կոդը]Ձմեռային պարալիմպիկ խաղեր 2002
[խմբագրել | խմբագրել կոդը]
Արծաթ - բիաթլոն
Բրոնզ - դահուկավազք- Բրոնզ - դահուկավազք
- Բրոնզ - դահուկավազք
Ձմեռային պարալիմպիկ խաղեր 2006
[խմբագրել | խմբագրել կոդը]
Ոսկի - դահուկավազք, 5 կմ- Ոսկի - դահուկավազք, 2,5 կմ
- Ոսկի - բիաթլոն, 7,5 կմ
- Ոսկի - բիաթլոն, 10 կմ
- Արծաթ - դահուկավազք, 10 կմ
- Բրոնզ - դահուկավազք, էստաֆետա 3х2,5 կմ
Ձմեռային պարալիմպիկ խաղեր 2010
[խմբագրել | խմբագրել կոդը]- Ոսկի - բիաթլոն, 2,4 կմ անհատական մրցավազք
- Արծաթ - դահուկավազք, 1 կմ
- Արծաթ - բիաթլոն, 10 կմ
- Արծաթ - դահուկավազք, էստաֆետա 3x2,5 կմ
- Բրոնզ - դահուկավազք, 10 կմ
Ձմեռային պարալիմպիկ խաղեր 2014
[խմբագրել | խմբագրել կոդը]- Բրոնզ - բիաթլոն, 6 կմ
- Բրոնզ - բիաթլոն, 12,5
- Արծաթ - դահուկավազք, էստաֆետա
Պարգևներ
[խմբագրել | խմբագրել կոդը]- Ուկրաինայի հերոսի կոչում «Ոսկե աստղ» շքանշանի հանձնմամբ[2][3]
- Իշխանուհի Օլգայի I աստիճանի շքանշան (2014)[4], II աստիճանի շքանշան (2010)[5], III աստիճանի շքանշան (2002)[6]
Ծանոթագրություններ
[խմբագրել | խմբագրել կոդը]- ↑ ЮРКОВСЬКА ОЛЕНА ЮРІЇВНА Արխիվացված 2008-06-19 Wayback Machine (ուկր.)
- ↑ 2,0 2,1 Указ Президента України № 287/2006 від 3 квітня 2006 року «Про присвоєння О. Юрковській звання Герой України»(ուկր.)
- ↑ 3,0 3,1 Украинский портал «Кто есть кто» Արխիվացված 2008-06-19 Wayback Machine(ուկր.)
- ↑ «Указ Президента України № 676/2014 Про відзначення державними нагородами України з нагоди Дня Незалежності України» (ուկրաիներեն). www.president.gov.ua. 23 серпня 2014. Արխիվացված է օրիգինալից 2014 թ․ օգոստոսի 25-ին. Վերցված է 2014 թ․ օգոստոսի 24-ին.
- ↑ Указ Президента України № 443/2010 від 25 березня 2010 року «Про відзначення державними нагородами України спортсменів, тренерів та фахівців національної збірної команди України серед спортсменів-інвалідів на X зимових Паралімпійських іграх»(ուկր.)
- ↑ Указ Президента України № 278/2002 від 21 березня 2002 року «Про відзначення державними нагородами України членів збірної команди України на VIII зимових Параолімпійських та XIX літніх Дефлімпійських іграх»