Դարյան Մատիչ

Դարյան Մատիչ; սլովեն.՝ Darijan Matič
Անձնական տվյալներ
Քաղաքացիությունը	Սլովենիա
Ծննդյան ամսաթիվ	մայիսի 28, 1983 (41 տարեկան)
Ծննդավայր	Լյուբլյանա, Սլովենիայի Սոցիալիստական Հանրապետություն, ՀՍՖՀ
Հասակ	175 սմ
Քաշ	75 կգ
Դիրք	կիսապաշտպան
Ակումբային տեղեկություններ
Ներկա ակումբ	Օլիմպիա (Լյուբլյանա)
Համար	8
Պատանեկան կարիերա
	Սլովան (Լյուբլյանա)
	Եժիցա
Մասնագիտական կարիերա*
Ազգային հավաքական
	* Մասնագիտական կարիերայում ընդգրկված են միայն առաջնության խաղերը և գոլերը:

Դարյան Մատիչ (սլովեն.՝ Darijan Matič, մայիսի 28, 1983(1983-05-28)^[1]^[2], Լյուբլյանա, Սլովենիայի Սոցիալիստական Հանրապետություն, ՀՍՖՀ), սլովենացի ֆուտբոլիստ, Լյուբլյանայի «Օլիմպիա» ակումբի կիսապաշտպան։

Կենսագրություն

Ակումբային կարիերա

Դարյան Մատիչը խաղացել է «Սլովան» (Լյուբլյանա) և «Եժիցա» ֆուտբոլային ակումբների երիտասարդական կազմերում։ 2001 թվականին սկսել է հանդես գալ «Տրիգլավ» ակումբում։ 2002/03 մրցաշրջանում նա մի կարճ ժամանակ խաղացել է «Լյուբլյանա» ակումբում, ապա վերադարձել «Տրիգլավ», որի կազմում խաղացել է մինչև 2004 թվականը։ «Կոպեր» ակումբի կազմում 12 խաղ անցկացնելուց հետո Դարյան Մատիչը տեղափոխվել է Լյուբլյանայի «Օլիմպիա»։

2005 թվականի հունվարին Դարյան Մատիչը տեղափոխվել է «Դոմժալե», որի կազմում անցկացրել է մեկուկես մրցաշրջան՝ 45 հանդիպումներում խփելով 7 գոլ։ 2006 թվականի հուլիսին սկսել է հանդես գալ Յարոսլավլի «Շիննիկ» ակումբում, որի կազմում իր դեբյուտը կատարել է հուլիսի 12-ին կայացած Մոսկվայի «Սպարտակի» դեմ խաղում^[3]։ 2006 թվականի մրցաշրջանում Յարոսլավլի ակումբը դուրս է մնացել Ռուսաստանի Պրեմիեր լիգայից, և Դարյան Մատիչը վարձավճարով տեղափոխվել է Նալչիկի «Սպարտակ»^[4]։ Նոր ակումբի կազմում սլովենացին իր նորամուտը նշել է 2007 թվականի ապրիլի 1-ին՝ մասնակցելով Սամարայի «Կռիլյա Սովետով» ակումբի դեմ խաղին^[5]։ 2008 թվականի հունվարին Դարյան Մատիչը վերադարձել է հայրենիք և սկսել խաղալ «Ինտերբլոկ» ակումբում, որի կազմում երկու անգամ դարձել է Սլովենիայի գավաթակիր (2007/08 և 2008/09 մրցաշրջաններ) և մեկ անգամ հաղթել Սլովենիայի սուպերգավաթի խաղարկությունում (2008 թվական)։

2009 թվականի հուլիսին Դարյան ՄԱտիչը տեղափոխվել է Բուխարեստի «Ռապիդ» ակումբ, որի կազմում հանդես է եկել մինչև հաջորդ տարվա հուլիս, երբ ավարտվել է պայմանագրի ժամկետը։ 2010 թվականի ամռանը նա պայմանագիր է կնքել իսրայելական «Բնեյ Սախնին» ակումբի հետ, իսկ 2011 թվականի ձմռանը տեղափոխվել է ուկրաինական «Կրիվբաս»։

Կարիերան հավաքականում

Սլովենիայի հավաքականի կազմում Դարյան Մատիչն առաջին անգամ խաղադաշտ է դուրս եկել 2006 թվականի հունիսի 4-ին՝ մասնակցելով Կոտ դ՛Իվուարի հավաքականի դեմ ընկերական խաղին։ Սլովենիայի հավաքականի կազմում Դարյան Մատիչն անցկացրել է ընդհանուր առմամբ 7 հանդիպում։

Մատիչի խաղերն ու գոլերը Սլովենիայի հավաքականի կազմում

№	Ամսաթիվ	Հակառակորդ	Հաշիվ	Մատիչի գոլերը	Մրցություն
1	4 հունիսի, 2006	Կոտ դ՛Իվուար	0:3	-	Ընկերական խաղ
2	26 մարտի, 2008	Հունգարիա	1:0	−	Ընկերական խաղ
3	26 մայիսի, 2008	Շվեդիա	0:1	−	Ընկերական խաղ
4	20 օգոստոսի, 2008	Խորվաթիա	2:3	−	Ընկերական խաղ
5	6 սեպտեմբերի, 2008	Լեհաստան	1:1	−	ԱԱ-2010 նախընտրական փուլ
6	10 սեպտեմբերի, 2008	Սլովակիա	2:1	−	ԱԱ-2010 նախընտրական փուլ
7	11 հոկտեմբերի, 2008	Հյուսիսային Իռլանդիա	2:0	-	ԱԱ-2010 նախընտրական փուլ