Գրեշեմի պալատ
 | |
|---|---|
 | |
| Տեսակ | պալատ և հյուրանոց |
| Երկիր | .svg){kind=small} Հունգարիա |
| Տեղագրություն | Բուդապեշտի V շրջան |
| Ճարտարապետական ոճ | ճարտարապետական մոդեռն |
| Սեփականատեր | Gresham Life Assurance Company? |
| Սպասարկող | Four Seasons Hotels and Resorts? |
| Ճարտարապետ | Zsigmond Quittner?, József Vágó? և László Vágó? |
 | |
 | |
| Պաշտոնական կայք | |
Գրեշեմի պալատ (հունգ.՝ Gresham-palota), շինություն Բուդապեշտում։ Կառուցվել է 20-րդ դարի սկզբին մոդեռն ոճով որպես գրասենյակային-բնակելի շինություն։ Ներկայումս Four Seasons Hotels and Resorts հյուրանոցային ցանցի լյուքս դասի հյուրանոցներից է։
Պալատը կոչվել է Թոմաս Գրեշեմի անունով, որը եղել է 16-րդ դարի անգլիացի վաճառական ու ֆինանսիստ է, Լոնդոնի թագավորական սակարանի հիմնադիրը։
Պատմություն
[խմբագրել | խմբագրել կոդը]Պալատը տեղակայված է Դանուբի ափին՝ Իշտվան Սեչենյիի հրապարակում՝ Սեչենյիի շղթայակապ կամրջի արևելյան մասի դիմաց։ Սկզբնական շրջանում այստեղ եղել է Նակոյի տունը՝ 1827 թվականին նեոդասական ոճով կառուցված մի առանձնատուն։ 1880 թվականին այն ձեռք է բերել կյանքի ապահովագրման Gresham Life Assurance Company ընկերությունը։ Հետագայում որոշվել է այդտեղ ներկայացուցչական շենք կառուցել, որը տարածքի շտաբ-բնակարանը կլինի։ Շինությունը նախագծելու պատվերը ստացել են ճարտարապետներ Ժիգմոնդ Քվիթերը և Յոզեֆ Վագոն։ Շինարարությունը սկսվել է 1904 թվականին և ավարտվել 1906 թվականին (բացումը կայացել է 1907 թվականին)[1]։
Շենքի բացման պահին, բացի գրասենյակներից, շենքում նախատեսված են եղել բնակելի հատվածներ ապահովագրական ընկերության ղեկավարության համար։ Երբ Կարմիր բանակը գրավել է Բուդապեշտը, շենքը դարձել է զորանոց։ Հունգարիայի ժողովրդական հանրապետության տարիներին այն եղել է բազմաբնակարան բնակելի շենք։ 1990-ական թվականներին՝ կոմունիստական ռեժիմի անկումից հետո, նոր կառավարությունը շենքը նվիրել է Բուդապեշտ քաղաքին։
1998 թվականին ներդրողը քաղաքի իշխանություններից շինությունը վերակառուցելու և այն շքեղ հյուրանոց դարձնելու իրավունք է ստացել․ հյուրանոցը կառավարման է հանձնվել «Four Seasons» հյուրանոցային ցանցին[2]։
2001 թվականի նոր ներդրողը դարձյալ վերակառուցել է պալատը՝ վերականգնելով այնպիսի դետալներ, ինչպիսիք են տոնական աստիճանը, վիտրաժները, խճանկարները, դեկորատիվ ճաղասյուները և ձմեռային այգին։ Հյուրանոցը վերաբացվել է 2004 թվականին[3]։
Պատկերասրահ
[խմբագրել | խմբագրել կոդը]-
Շինությունը 1910 թվականին -
Թոմաս Գրեշեմի կիսանդրին կառույցի ճակատամասին, քանդակագործ՝ Էդուարդ Տելչ -
Կողային երկու աշտարակներից մեկը -
Տոնական աստիճանի դեկորատիվ ճաղասյուները -
Սրահի ինտերիեր -
Առաստաղի ցանցկեն ճաղասյուներ
.jpg)
_2.jpg)
_3.jpg)
Ծանոթագրություններ
[խմբագրել | խմբագրել կոդը]- ↑ «Gresham Palace Budapest». Palace Hotels of the world. Արխիվացված է օրիգինալից 2019 թ․ հունվարի 10-ին. Վերցված է 2019 թ․ հունվարի 4-ին.
- ↑ «Four Seasons». Hotelmanagement Network. Վերցված է 2019 թ․ հունվարի 4-ին.
- ↑ «Gresham palace — Gresham palota». archINFORM. Վերցված է 2019 թ․ հունվարի 4-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Գրեշեմի պալատ կատեգորիայում։ |