Գառնուկ Շոնը։ Ֆերմերի լամաները
 | |
|---|---|
 | |
| Տեսակ | television special? |
| Ժանր | կատակերգություն և ընտանեկան ֆիլմ |
| Հիմնված է | Բարաշեկ Շոն |
| Պրոդյուսեր | Նիք Փարք |
| Երկիր | .svg){kind=small} Միացյալ Թագավորություն |
| Ընկերություն | Աարդման անիմեյշն |
| Դիստրիբյուտոր | BBC և Նեթֆլիքս |
| Տևողություն | 28 րոպե |
| Պրիկվել | Շոն գառնուկը |
| Սիկվել | Բարաշեկ Շոն Ֆերմագեդոն |
| Թվական | 2015 |
«Գառնուկ Շոնը։ Ֆերմերի լամաները» (անգլ.՝ «Shaun the Sheep: The Farmer's Llamas»), 2015 թվականի բրիտանական կարճամետրաժ մուլտֆիլմ։ Ռեժիսորը Ջեյ Գրեյսն է։ Հիմնված է Նիք Փարքի «Գառնուկ Շոնը» մուլտսերիալի վրա (2007-2014)։ Մուլտֆիլմի պրեմիերան ԱՄՆ-ում կայացել է նոյեմբերի 13-ին[1], իսկ Մեծ Բրիտանիայում՝ դեկտեմբերի 26-ին` Նվերների օրը, «BBC One» հեռուստանկերությունով[2]։ DVD-ով թողարկվել է 2016 թվականի փետրվարի 8-ին[3]։
Սյուժե
[խմբագրել | խմբագրել կոդը]Ֆերմերն ու Բիտցերը գնում են շուկա, որտեղ պետք է ներկայացնեն իրենց տորթը։ Պատահաբար այդտեղ է հայտնվում նաև գառնուկ Շոնը։ Շուկայում նա ծանոթանում է երեք լամաների հետ, որոնց վաճառելու նպատակով շուկա էր բերել մի հնդկացի կին։ Աճուրդի ժամանակ Շոնն այնպես է անում, որ ֆերմերը գնի այդ լամաներին։
Ամբողջ խումբը վերադառնում է ֆերմա։ Ֆերմերը հրաժարվում է զբաղվել լամաներով, որովհետև նրանք բացարձակապես անկառավարելի էին։ Լամաների ամբողջ պատասխանատվությունն ընկնում է շան վրա։ Սկզբում ոչխարներին դուր են գալիս նոր կենդանիները, և նրանք միասին ֆուտբոլ են խաղում։ Բայց աստիճանաբար նրանց հարաբերությունները վատանում են։ Լամաները իրենց շատ վատ էին պահում․ ուրախանում էին, զվարճանում և ավերում ֆերման։ Դրանից հետո լամաները սկսում են չարաճճիություններ անել նաև տանը։ Ֆերմերին փակում են պահարանի մեջ, իսկ Բիտցերին թողնում են դռան հետևում։ Շոնին և Բիտցերին հաջողվում է լամաներին փակել վանդակի մեջ, բայց նրանք կարողանում են կոտրել երկաթե դուռը։ Ապա նաև Շոնին վտարում են տանիք՝ հուսալով, որ կայծակի միջոցով կազատվեն նրանից։ Սակայն Շոնին փրկում է փոքրիկ Տիմին, ով կարողանում է հնարամտորեն լամաներին տրանսի մեջ գցել դատարկ շշերի օգնությամբ։
Ֆերմերը գնում է շուկա, որտեղ աճուրդի ժամանակ վաճառում է ատելի լամաներին, բայց պատահաբար գնում է ռնգեղջյուր։ Մուլտֆիլմն ավարտվում է ֆերմերի ճիչով։
Գրախոսություն
[խմբագրել | խմբագրել կոդը]«Common Sense Media» ընկերությունից Մելիսա Կամաչոն մոլտֆիլմը գնահատել է չորս միավորով (5-ից)՝ ասելով. «Շոնի բոլոր տարիքի երկրպագուները այս արկածը կարող են համարել հրաշալի լրացում «Aardman»-ի խնայատուփում»[4]։
Էդ Պաուերը «The Daily Telegraph»-ից նույնպես մուլտֆիլմը գնահատել է չորս միավորով (5-ից)։ Նա նշել է, որ «երեխաները, իհարկե, կսիրեն մուլտֆիլմի յուրաքանչյուր վայրկյանը․ Նվերների օրվա երեկոյան ցուցադրվող մուլտֆիլմը, իրականացրել է իր առջև դրված խնդիրը»[5]։
Էդ Լյուն «Toon Zone»-ից նշել է, որ թեև մուլտֆիլմը ամբողջ ընթացքում պահպանել է իր նկատմամբ հետաքրքրությունը և արժանացել ծիծաղի, սակայն սյուժեն այստեղ ավելին չէ, քան սովորական յոթ րոպեանոց սերիայում[6]։
Ծանոթագրություններ
[խմբագրել | խմբագրել կոդը]- ↑ Now Streaming on Amazon Prime: Shaun The Sheep: The Farmer's Llamas
- ↑ BBC Christmas line-up 2015: Sherlock, Doctor Who, Call the Midwife, Strictly Come Dancing, David Attenborough
- ↑ Shaun the Sheep The Farmer's Llamas [DVD]: Amazon.co.uk: Jay Grace, Paul Kewley, John Woolley: DVD & Blu-ray
- ↑ Shaun the Sheep: The Farmer’s Llamas TV Review
- ↑ Shaun the Sheep: The Farmer's Llamas, review: 'riotous and irreverent' - Telegraph
- ↑ «Review: "Shaun the Sheep: The Farmer's Llamas" - Wild, Wooly Slapstick - ToonZone News». Արխիվացված է օրիգինալից 2016 թ․ մայիսի 30-ին. Վերցված է 2018 թ․ նոյեմբերի 16-ին.
Արտաքին հղումներ
[խմբագրել | խմբագրել կոդը]- «Барашек Шон: Фермерский бедлам» մուլտֆիլմը «BBC» կայքում