Բուլղար լեռներ, Բոլկար, Բուլգար, Բուլղարդաղ, Բուղադաղ, Բուղլարդաղ, Պուլկարտաղ, Պուլղար լերինք, Պուղլարտաղ, Տորոսի պար, լեռներ Կիլիկիայում, նրա լեռնային մասում։ Կազմում է Կիլիկյան Տավրոսի համակարգի երեք գլխավոր գոտիներից մեկը և տարածվում է Լարանտայի ու Էրեկլիի միջև, Տարսոնի շրջանի հյուսիսարևմտյան մասում։ Գագաթներից մեկը կոչվում է Բուլղար։ Անվանումն ստացել է միջին դարերում բյուզանդացիների կողմից այստեղ բռնագաղթված բուլղարներից։ Պարունակում է արծաթի և կապարի պաշարներ[1]։ Հայտնի է Ակդաղ[2] լեռը արևելքում, Հաճնի հյուսիսային մասում[3], Գեչի Բելի լեռը[4] և Սարոս գետի հովտում գտնվող Արփա-Ուչուրումու անունով վայրը, որտեղ կան կապարի հանքավայրեր[5]։
Անվան այլ կիրառումների համար տե՛ս՝ Բուլղար (այլ կիրառումներ)
Թուրքիա
