Բորիս Եֆիմովիչ Նեմցով (անգլ.՝ Борис Ефимович Немцов, հոկտեմբերի 9, 1959, Սոչի, ՌԽՖՍՀ, ԽՍՀՄ — փետրվարի 27, 2015[10], Մոսկվա, Ռուսաստան), ռուս քաղաքական և պետական գործիչ, Յարոսլավլի տարածքային դումայի պատգամավոր, «Սոլիդարնոստ» միավորման ղեկավարներից, «РПР-ПАРНАС» կուսակցության համանախագահ, Ռուսաստանյան ընդդիմության համակարգող խորհրդի անդամ։ 1997—1998 թթ.՝ ՌԴ կառավարության առաջին տեղակալ։ Եղել է Պետդումայի նախագահի տեղակալ, բազմիցս ընտրվել է պատգամավոր և սենատոր։
1991—1997 թթ. եղել է Նիժեգորոդյան տարածաշրջանի առաջին նահանգապետ, եղել է ՌԴ վառելիքի և էներգետիկայի նախարար։ 1997—1998 թթ.՝ ՌԴ Անվտանգության խորհրդի անդամ։
2015 թվականի փետրվարի 28-ի երեկոյան 23։ 40–ին[11] Նեմցովին սպանել են Մոսկվայի կենտրոնում՝ Նոր Զամոսկվորեցի կամրջի վրա։ Նրա ուղղությամբ արձակվել է 6 կրակոց (որոշ նախնական տվյալներով առնվազն 7), որից դիպել է 4–ը, մեջքից։ Ըստ նախնական տվյալների կրակողները եղել են Ֆորդ մակնիշի[12] սպիտակ ավտոմեքենայով[13][14]։ Առանց պետհամարանիշների ավտոմեքենան դանդաղ մոտեցել է Նեմցովին, ով այդ ժամանակ զբոսնելիս է եղել ընկերուհու՝ ուկրաինական մոդել Աննա Դուրիցկայայի հետ։ Զույգը Վասիլի Երանելու տաճարի կողմից քայլելով հասել է Մոսկվա գետի կամրջի մոտ։ Մեքենայից դուրս եկած անհայտ տղամարդը մոտեցել է զույգին ու կրակ արձակել, այնուհետև հեռացել նույն ավտոմեքենայով[12]։
Սպանությունը տեղի է ունեցել «Գարուն» խորագիրը կրող ցույցի նախօրեին։ Դրա փոխարեն քաղաքային իշխանությունները թույլատրել են անցկացնել սգո երթ[11]։
ԽՍՀՄ և 
Ռուսաստան
