Բազել ՖԱ
| Բազել ՖԱ | |||
| |||
| Ամբողջական անուն | Fussball Club Basel 1893 | ||
|---|---|---|---|
| Մականուն(ներ) | FCB Bebbi RotBlau | ||
| Հիմնադրում | 1893 | ||
| Երկիր |  Շվեյցարիա
| ||
| Մարզադաշտ | Սանկտ Յակոբ պարկ | ||
| Տարողունակություն | 38,512; 37,500 միջազգային խաղերի համար | ||
| Նախագահ | Բերնարդ Բուրգեներ | ||
| Մարզիչ | Ռաֆայել Վիկի | ||
| Կայք | |||
| Լիգա | Շվեյցարական Սուպերլիգա | ||
| 2023–24 | 8-ին | ||
| |||
ՖԱ Բազել 1893 (Fussball Club Basel 1893), առավել հայտնի է որպես Բազել ՖԱ կամ Բազել[1][2][3], շվեյցարական ֆուտբոլային ակումբ Բազելից։ Բազելը Շվեյցարիայի ամենահաջողակ ակումբներից է։ Այն հաղթել է Շվեյցարիայի առաջնությունը 20 անգամ, որը երկրորդ լավագույն արդյունքն է շվեյցարական ակումբների համար։
Բազելի ամենահաջողակ ժամանակաշրջաններից մեկը 1960-ական և 1970-ական թվականներն էին։ 1967 թ.-ից 1980 թ.-ը ընկած ժամանակահատվածում Բազելը 7 անգամ դարձել է Շվեյցարիայի չեմպիոն։ 1980-ականներին Բազելում սկսվեցին բարդ ժամանակներ։ Նրանք երկար ժամանակ չխաղացին եվրոպական առաջնություններում, իսկ 1987 թվականին դուրս մնացին երկրորդ դիվիզիոն։ 2000-ական թվականներին Բազելը վերադարձավ Շվեյցարիայի բարձրագույն դիվիզիոն՝ 2002 թվականին հաղթելով Շվեյցարիայի առաջնությունը 22 տարվա մեջ առաջին անգամ։ Հետագա 13 մրցաշրջաններում ակումբը հաղթեց առաջնությունը ևս 9 անգամ։ Բացի դրանից Բազելը նաև 12 անգամ հաղթել է Շվեյցարիայի գավաթը։
1999-2000 մրցաշրջանից հետո ամեն մրցաշրջանում Բազելը մասնակցել է եվրոպական առաջնություններին։ 2001-2002 մրցաշրջանում նրանք հասել են Ինտերտոտո գավաթի եզրափակիչ, սակայն այնտեղ պարտվել Աստոն Վիլլային։ 2002-2003 մրցաշրջանում նրանք հասան Չեմպիոնների Լիգայի երկրորդ խմբային փուլ։ 2005-2006 մրցաշրջանում հասան ՈՒԵՖԱ Գավաթի քառորդ եզրափակիչ։ Բազելը Չեմպիոնների Լիգայում ամենաշատ մրցաշրջաններ անցկացրած շվեյցարական թիմն է՝ 7 մրցաշրջաններով։ Այն նաև միակ շվեյցարական ակումբն է, որը որակավորվել է միանգամից Չեմպիոնների Լիգայի խմբային փուլ՝ առանց որակավորման փուլի։
2011-2012 մրցաշրջանում Չեմպիոնների Լիգայի խմբային փուլում Մանչեսթեր Յունայթեդին հաղթելուց հետո Բազելը դուրս եկավ 1/8 եզրափակիչ։ Այստեղ նրանք խաղացին Բավարիայի հետ՝ առաջին խաղում հաղթելով 1-0 հաշվով, իսկ երկրորդ խաղում՝ պարտվելով 0-7 հաշվով։ 2012-2013 մրցաշրջանում Բազելը դուրս եկավ Եվրոպայի Լիգայի կիսաեզրափակիչ, որտեղ պարտվեց Լոնդոնի Չելսիին։ 2014-2015 մրցաշրջանում Բազելը հաղթահարեց Չեմպիոնների Լիգայի խմբային փուլը՝ առաջ անցնելով Լիվերպուլից, սակայն 1/8 եզրափակչում պարտվեց Պորտուին։
Նվաճումներ
[խմբագրել | խմբագրել կոդը]Ազգային
[խմբագրել | խմբագրել կոդը]- Շվեյցարիայի առաջնություն
- Հաղթող (20). 1952–53, 1966–67, 1968–69, 1969–70, 1971–72, 1972–73, 1976–77, 1979–80, 2001–02, 2003–04, 2004–05, 2007–08, 2009–10, 2010–11, 2011–12, 2012–13, 2013–14, 2014–15, 2015–16, 2016–17
- Շվեյցարիայի գավաթ
- Հաղթող (12). 1932–33, 1946–47, 1962–63, 1966–67, 1974–75, 2001–02, 2002–03, 2006–07, 2007–08, 2009–10, 2011–12, 2016–17
- Շվեյցարիայի լիգայի գավաթ
- Հաղթող (1). 1972
Միջազգային
[խմբագրել | խմբագրել կոդը]- ՈՒԵՖԱ Չեմպիոնների Լիգա
- Քառորդ եզրափակիչ. 1973–74
- 1/8 եզրափակիչ. 2011–12, 2014–15
- ՈՒԵՖԱ Եվրոպայի Լիգա
- Կիսաեզրափակիչ. 2012–13
- Քառորդ եզրափակիչ. 2013–14
- Ալպերի գավաթ
- Հաղթող (3). 1969, 1970, 1981
Ծանոթագրություններ
[խմբագրել | խմբագրել կոդը]- ↑ «Liverpool v FC Basle». The Guardian. 2002 թ․ սեպտեմբերի 26. Վերցված է 2014 թ․ օգոստոսի 24-ին.
- ↑ «FC Basle fan Roger Federer predicts 2–1 defeat for Chelsea». Sunday Express. 2014 թ․ ապրիլի 24. Վերցված է 2014 թ․ օգոստոսի 24-ին.
- ↑ «FC Basle vs Chelsea: live». The Telegraph. 2013 թ․ ապրիլի 25. Վերցված է 2014 թ․ օգոստոսի 24-ին.
Արտաքին հղումներ
[խմբագրել | խմբագրել կոդը]- Բազելի պաշտոնական կայքը Արխիվացված 2017-06-27 Wayback Machine
- Բազելի պաշտոնական Ֆեյսբուքի էջը
- Բազելի պաշտոնական ՅուԹյուբի էջը
- Բազելի պաշտոնական Տվիտերի էջը
- Բազելի պաշտոնական Ինստագրամի էջը
- Բազելը transfermarkt-ում
- Բազելը futbol24.com-ում
- Բազելը soccerway.com կայքում
 | Վիքիպահեստն ունի նյութեր, որոնք վերաբերում են «Բազել ՖԱ» հոդվածին։ |
| ||||||||||||||
