Արսեն Սհոյան
| Արսեն Սհոյան | |
|---|---|
.jpg) | |
| Ծնվել է | մարտի 20, 1972 (52 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Moscow State University of Food Production? (1994), ՌԴ կառավարությանը կից ֆինանսական համալսարան (1996) և Երևանի պետական համալսարան (2002) |
| Մասնագիտություն | դիվանագետ |
 Arsen Shoyan Վիքիպահեստում | |
Արսեն Ալիկի Սհոյան (մարտի 20, 1972, Երևան, Հայկական ԽՍՀ, ԽՍՀՄ), հայ դիվանագետ։
Կենսագրություն[խմբագրել | խմբագրել կոդը]
1989-1994 թվականներին սովորել է Մոսկվայի սննդի արդյունաբերության պետական ինստիտուտում, 1994-1996 թվականներին` Ռուսաստանի Դաշնության կառավարությանը կից ժողտնտեսագիտական ակադեմիայում, 1998-2002 թվականներին` Երևանի պետական համալսարանում, 2000 թվականին՝ Հարվարդի համալսարանի կոնֆլիկտների կառավարման կենտրոնում։
1988-1994 թվականներին որպես տնտեսագետ աշխատել է Լոռենե կոպերատիվում, 1994-1996 թվականներին եղել է հայցորդ ՌԴ կառավարությանը կից ժողտնտեսագիտական ակադեմիայում։ 1996-1998 թվականներին աշխատել է ՀՀ կառավարության աշխատակազմում, 1996-1997 թվականներին` Ղեկավար-նախարարի օգնական, 1997-1998 թվականներին` օպերատիվ հարցերով նախարարի օգնական։ 1998 թվականին աշխատանքի է անցել ՀՀ Նախագահի աշխատակազմում, 1998-1999 թվականներին եղել է ՀՀ Նախագահի ռեֆերենտ, 1999-2003 թվականներին` տնտեսագիտական վարչության պետի տեղակալ, 2003-2007 թվականներին` տնտեսագիտական վարչության պետ, 2007- 2011 թվականներին՝ Փորձագիտական-վերլուծական վարչության պետ։
Հայաստանի Հանրապետության Նախագահի 2011 թվականի հունվարի 25-ի հրամանագրով նշանակվել է Բուլղարիայի Հանրապետությունում Հայաստանի Հանրապետության արտակարգ և լիազոր դեսպան[1][2]։
ՀՀ Նախագահի 03.03.2014 թվականի հրամանագրով շնորհվել է Հայաստանի Հանրապետության արտակարգ դեսպանորդ և լիազոր նախարարի դիվանագիտական աստիճան[3]։
2016 թվականի մարտի 14-ին ՀՀ Նախագահի հրամանագրով ազատվել է Բուլղարիայի Հանրապետությունում Հայաստանի Հանրապետության արտակարգ և լիազոր դեսպանի պաշտոնից[4]։
2016-2019 թվականներին եղել է ՀՀ ԱԳՆ մշակույթի և հումանիտար համագործակցության վարչության պետ։
Տիրապետում է հայերենին, ռուսերենին, բուլղարերենին, անգլերենին։
Դիվանագիտական աստիճան[խմբագրել | խմբագրել կոդը]
- ՀՀ արտակարգ դեսպանորդ և լիազոր նախարար
Պարգևներ[խմբագրել | խմբագրել կոդը]
- Բուլղարիայի Հանրապետության «Ստարա Պլանինա» առաջին աստիճանի շքանշան
- «Մոսկվա քաղաքի հետ միջազգային համագործակցության զարգացման համար» մեդալ
Ընտանիք[խմբագրել | խմբագրել կոդը]
Ամուսնացած է, ունի որդի և դուստր։
| Նախորդող Սերգեյ Մանասարյան |
Բուլղարիայի Հանրապետությունում ՀՀ արտակարգ և լիազոր դեսպան Արսեն Սհոյան 25 հունվարի 2011 - 14 մարտի 2016 |
Հաջորդող Արմեն Սարգսյան |
| ||||||||||
Ծանոթագրություններ[խմբագրել | խմբագրել կոդը]
- ↑ Ա. Սհոյանին Բուլղարիայի Հանրապետությունում ՀՀ արտակարգ և լիազոր դեսպան նշանակելու մասին
- ↑ «Diplomatic Spectrum - His Excellency Mr Arsen Shoyan, Ambassador Extraordinary and Plenipotentiary of the Republic of Armenia in Bulgaria:». diplomaticspectrum.com. Վերցված է 2019 թ․ հուլիսի 22-ին.
- ↑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ԱՍՏԻՃԱՆՆԵՐ ՇՆՈՐՀԵԼՈՒ ՄԱՍԻՆ
- ↑ Ա. ՍՀՈՅԱՆԻՆ ԲՈՒԼՂԱՐԻԱՅԻ ՀԱՆՐԱՊԵՏՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ