Արսեն Խառատյան
 |
Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
- Վիքիպեդիայում կան հոդվածներ Խառատյան ազգանունով այլ մարդկանց մասին։
| Արսեն Խառատյան | |
|---|---|
 | |
| Ծնվել է | մայիսի 26, 1982 (42 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան |
| Մասնագիտություն | լրագրող, հասարակական գործիչ և քաղաքական գործիչ |
| Ծնողներ | հայր՝ Զավեն Խառատյան, մայր՝ Հրանուշ Խառատյան |
| Կուսակցություն | Քաղաքացիական պայմանագիր |
Արսեն Զավենի Խառատյան (մայիսի 26, 1982, Երևան, Հայկական ԽՍՀ, ԽՍՀՄ), հայ լրագրող, կոնֆլիկտաբան, հասարակական-քաղաքական գործիչ, «Քաղաքացիական պայմանագիր» միավորման հիմնադիրներից[1]։
Կենսագրություն
[խմբագրել | խմբագրել կոդը]Ծնվել է 1982 թվականի մայիսի 26-ին, Հայկական ԽՍՀ մայրաքաղաք Երևանում, ազգագրագետներ Զավեն և Հրանուշ Խառատյանների ընտանիքում։ Ավարտել է Երևանի թիվ 88 միջնակարգ դպրոցը, ապա Երևանի պետական համալսարանի Արևելագիտության ֆակուլտետի բակալավրիատը, այնուհետև մագիստրատուրան՝ արաբագիտության գծով։ 2001-2002 թվականներին արաբերեն լեզու և գրականություն է ուսանել Դամասկոսի Ոչ արաբախոսների համար արաբերենի դասավանդման ինստիտուտում։ 2004 թվականին մի խումբ համախոհների հետ նախաձեռնել է «Հանուն գիտության զարգացման» ուսանողական շարժումը՝ ուղղված ՀՀ Զինապարտության մասին օրենքում փոփոխությունների դեմ։ 2007 թվականին ընկերների հետ հիմնել է «Սկսել ա»[2], իսկ 2008-ին «Հիմա» երիտասարդական քաղաքացիական նախաձեռնությունները։ 2008 թվականի մարտի 1-ի դեպքերից հետո իշխանությունների դեմ ուղղված քաղաքացիական պայքարի ակտիվիստներից էր։ 2008 թավականի մայիսի 28-ին, ներկայանալով որպես լրագրողներ, անահայտ անձինք ժամադրել և ծեծի են ենթարկել Արսեն Խառատյանին[3], այնուհետև դիմել փախուստի։ Դեպքից երկու ամիս անց մեկնել է ԱՄՆ և կնոջ հետ միասին հաստատվել Վաշինգտոնում։ 2010-12 թվականներին եղել է կոնֆլիկտաբանության մագիստրատուրայի ուսանող ԱՄՆ Ջորջ Մեյսոնի համալսարանում։ 2009-2014 թվականներին աշխատել է Ամերիկայի ձայնի Հայկական ծառայությունում որպես լրագրող[4]։ 2014 թվականից բնակվում է Վրաստանի մայրաքաղաք Թբիլիսիում, որտեղ հիմնել և ղեկավարում է «Ալիք մեդիա» հայալեզու լրատվականը[5]։ 2018 թվականի մարտ-ապրիլ ամիսներին ակտիվորեն մասնակցել է Թավշյա հեղափոխությանը։ Հայերենից զատ տիրապետում է անգլերեն, ռուսերեն, արաբերեն, ֆրանսերեն և վրացերեն լեզուներին։ Ամուսնացած է, ունի երկու երեխա։
Կրթություն
[խմբագրել | խմբագրել կոդը]- 1998 թվականին ավարտել է Երևանի թիվ 88 միջնակարգ դպրոցը։
- 2003 թվականին ավարտել է Երևանի պետական համալսարանի արևելագիտության ֆակուլտետի արաբագիտության բաժնի բակալավրիատի ծրագիրը, իսկ 2005 թ.՝ մագիստրատուրան։
- 2001-2002 թթ. արաբերեն լեզու և գրականություն է ուսանել է Դամասկոսի Ոչ արաբախոսների համար արաբերենի դասավանդման ինստիտուտում։
- 2005-2008 թթ. եղել է Երևանի պետական համալսարանի Սոցիոլոգիայի ֆակուլտետի ասպիրանտ։
- 2009-2014 թթ. սովորել է ԱՄՆ Ջորջ Մեյսոնի համալսարանի կոնֆլիկտաբանության մագիստարտուրայում։
Աշխատանքային գործունեություն
[խմբագրել | խմբագրել կոդը]- 2014-2018թթ. «Ալիք մեդիա» լրատվականի գլխավոր խմբագիր, Թբիլիսի, Վրաստան։
- 2009-2014թթ. Ամերիկայի ձայնի Հայկական ծառայության լրագրող, Վաշինգտոն, Ամերիկայի միացյալ նահանգներ։
- 2003-2008թթ. Գերմանիայի տեխնիկական համագործակցության ՀՀ Աղքատության հաղթահարման ռազմավարական ծրագրի (ԱՀՌԾ) աջակցության ծրագրի Հաղորդակցության և հանրային մասնակցության ղեկավար։
- 2002-2008թթ. տուրիստական էքսկուրսավար, «Սաթի-Հայաստան» և «Birthright Armenia» կազմակերպություններ։
- 2001թ. հեռուստալրագրող А1+ հեռուստաընկերությունում։
Ծանոթագրություններ
[խմբագրել | խմբագրել կոդը]- ↑ «1in.am».
- ↑ «ֆիլմ».(չաշխատող հղում)
- ↑ «www.a1plus.am».
- ↑ http://hkdepo.am/hy/expert/9.
{{cite web}}: Missing or empty|title=(օգնություն) - ↑ «AliQ Media -». AliQ Media (ամերիկյան անգլերեն). Վերցված է 2018 թ․ մայիսի 28-ին.