Արունաչալամ Մուրուգանանտամ

Արունաչալամ Մուրուգանանտամ; Arunachalam Muruganantham
Ծնվել է	հոկտեմբերի 12, 1962 (62 տարեկան)
Ծննդավայր	Կոիմբատուր, Մադրաս, Հնդկաստան
Քաղաքացիություն	Հնդկաստան
Մասնագիտություն	գյուտարար և գործարար
Ամուսին	Շանտի
Ծնողներ	Վանիտա
Պարգևներ և ; մրցանակներ
Կայք	newinventions.in
	Arunachalam Muruganantham Վիքիպահեստում

Արունաչալամ Մուրուգանանտամ (англ. Arunachalam Muruganantham; ծնվ․ 1962^[1]), հնդիկ գյուտարար և գործարար Հնդկաստանի Տամիլնադ հարավային նահանգից։

Արունաչալամ Մուրուգանանտամը հայտնի է իր հայտնագործած ձեռքի հաստոցով և տեխնոլոգիայով, որը թույլ է տալիս տնային պայմաններում արտադրել, ոչ թանկ կանացի հիգիենիկ միջադիրներ։ Հայտնի է նաև իր հայտնագործությունը ազատ տարածելով և Հնդկաստանի և հարակից երկրների աղքատ շրջաններում հիգիենայի տարածման պրոպագանդայով^[2]^[3]

Նախադրյալները

Հոր մահից հետո, Մուրուգանանտամի մայրը սկսել է աշխատել^[1]^[3]^[4] Նրա վաստակած օրական մոտ մեկ դոլարը ընտանիքը պահելուն չի հերիքել^[3] Արունաչալամը ստիպված թողել է ուսումը և զբաղվել գյուղատնտեսական աշխատանքներով^[3]։ Մի քանի տարի էլ աշխատել է զոդման արտադրամասում^[1]։

1998 թվականին նա ամուսնացել է և մոտիկից ծանոթացել կանանց դաշտանային ցիկլի հարցերին։ Որոշելով իր կնոջը նվեր անել, նա զարմանում է նախ՝ այդ արտադրանքի գներին, քանի որ գտնում էր, որ դա պետք է մոտ 40 անգամ էժան լիներ, և երկրորդ՝ հասարակության կեղծ բարեպաշտական վերաբերմունքին^[2]^[3]^[5]։

Ուսումնասիրելով նա իմացավ, որ հնդիկ կանանց մոտ 12 %-ը հիգիենիկ միջադիրներ չի օգտագործում, մի մասը օգտագործում էին հնամաշ կտորներ, իսկ մի մասն էլ ավազ, տերևներ, թեփ և անգամ մուր էր օգտագործում^[3]։ Այդ պահին Հնդկաստանում վերարտադրողական հիվանդությունների մոտ 70 %-ը առաջանում էին դաշտանային վատ հիգիենայից, ինչը որ նպաստում էր կանացի բարձր մահացությանը^[3]։

Նոր տեխնոլոգիա մշակելու ընթացքում նրանից հեռացել է կինը՝ Շանտին, ում համար նա սկսել էր զբաղվել գյուտարարությամբ, երես են թեքել մայրն ու մնացած բարեկամները^[1]^[3]։ Համագյուղացիները նրան նայում էին, որպես չարքերի ազդեցության տակ գտնվող հոգեկան հիվանդի^[1]^[3]։

Մուրգանանտամը դեմ էր առել բազմաթիվ տեխնոլոգիական խնդիրների։ Օրինակ՝ նա միանգամից չէր հասկացել, որ միջադիրներում օգտագործվում է ոչ թե բամբակ, այլ հատուկ մշակված ցելյուլոզա։ Այնուամենայնիվ Մուրգանանտամը հասավ իր նպատակին և ստացավ պահանջված արտադրանքը։

Գյուտն անելուց հետո կինն ու հարազատները վերադարձան, և ընտանիքը վերականգնվեց^[1]^[3]։

Տարածումը

Իր գյուտն ու գաղափարը տարածելու համար Արունաչալամ Մուրուգանանտամը հիմնել է Jayaashree Industries ընկերությունը։ Նրա հիմնական հաճախորդները ոչ առևտրային կազմակերպություններ են և կանանց փոխօգնության խմբեր, որոնք արտադրում են միջադիրները իրենց կազմակերպության անվան տակ^[3]։

Մեկ լրակազմի գինը մոտ 75000 հնդկական ռուփի է^[3]։ Բացի այդ Մուրուգանանտամը առաջարկում է կիսաավտոմատ հաստոց, որը մի փոքր թանկ է^[3]։ Յուրաքանչյուր լրակազմը կարող է ապահովել 3000 կնոջ և 10 կնոջ գործով է ապահովում^[3]։ Նրանք կարող են օրական 200-250 ներդիր արտադրել, որոնց յուրաքանչյուրի գինը 2,5 ռուփի է(0,025 ֆունտ ստերլինգ)^[3]։

Արունաչալամ Մուրուգանանտամը չի փորձել իր գյուտով գերշահույթ ստանալ և պատենտ ստանալով դիմակայել խոշոր կորպորացիաների^[6]։ Նա բավարարվում է իր համեստ տնով և ավտոմեքենայով^[3]։

Ես շատ գումար չեմ կիտել, բայց շատ երջանկություն եմ հավաքել^[3]։

Արունաչալամ Մուրուգանանտամը իր խնդիրն է համարում հնդկական հասարակության վերափոխումը, հիգիենայի պրոպագանդան, կնոջ հանդեպ վերաբերմունքի փոխումը, և գյուղական համայնքներում աշխատանքի ապահովումը^[3]։

Մուրուգանանտամի նորարարությունը և դպրոցներում տարվող աշխատանքը շատ աղջիկների հնարավորություն է տվել շարունակել ուսումը, քանի որ առաջ նրանց մեծ մասը դաշտանային ցիկլը սկսելուն պես դադարում էին դպրոց հաճախել^[3]։ Շատ դպրոցներ սկսել են գնել Մուրուգանանտամի հաստոցներից, և տալ սեփական արտադրանքը, այն աշակերտների շրջանում տարածելու նպատակով^[3]։

Գնահատում

2006 թվականին Արունաչալամ Մուրուգանանտամը ստացել է նորարաության ասպարեզում Հնդկաստանի ազգային մրցանակ, որը նրան հանձնել է անձամբ երկրի նախագահ Պրատիբխա Պատիլը։

2013 թվականին նրա մասին նկարահանվել է լիամետրաժ վավերագրական «Դաշտանային տղան» կինոնկարը (անգլ.՝ Menstrual Man)^[3]։

2014 թվականին «Թայմ» (անգլ.՝ Time) ամսագիրը նրան հայտարարել է տարվա 100 ամենաազդեցիկ մարդկանցից մեկը^[5]։

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 PC VINOJ KUMAR (2009 թ․ օգոստոսի 29). «The Pad That Does Not Whisper» (անգլերեն). tehelka.com. Արխիվացված է օրիգինալից 2014 թ․ ապրիլի 26-ին. Վերցված է 2015 թ․ մայիսի 1-ին.
↑ ^2,0 ^2,1 Stephanie Holen (2012 թ․ հոկտեմբերի 3). «India's improbable champion for affordable feminine hygiene». The Globe and Mail. Վերցված է 2015 թ․ մայիսի 1-ին.
↑ ^3,00 ^3,01 ^3,02 ^3,03 ^3,04 ^3,05 ^3,06 ^3,07 ^3,08 ^3,09 ^3,10 ^3,11 ^3,12 ^3,13 ^3,14 ^3,15 ^3,16 ^3,17 ^3,18 ^3,19 ^3,20 Vibeke Venema (2014 թ․ մարտի 4). «The Indian sanitary pad revolutionary» (անգլերեն). BBC. Վերցված է 2015 թ․ մայիսի 1-ին.
↑ «Arunachalam Muruganantham» (իտալերեն). Multescatola.com. Վերցված է 2015 թ․ մայիսի 2-ին.(չաշխատող հղում)
↑ ^5,0 ^5,1 Ruchira Gupta (2014 թ․ ապրիլի 23). «Arunachalam Muruganantham» (անգլերեն). Արխիվացված է օրիգինալից 2021 թ․ մարտի 9-ին. Վերցված է 2015 թ․ մայիսի 1-ին.
↑ Arunachalam Muruganantham (2011 թ․ դեկտեմբերի 16). «An Indian Inventor Disrupts The Period Industry» (անգլերեն). Վերցված է 2015 թ․ մայիսի 1-ին.

Արտաքին հղումներ

Jayaashree Industries ընկերության կայքը newinventions.in.
Արունաչալամ Մուրուգանանտամ ելույթը TED-ում Arunachalam Muruganantham: How I started a sanitary napkin revolution!.

Վիքիպահեստն ունի նյութեր, որոնք վերաբերում են «Արունաչալամ Մուրուգանանտամ» հոդվածին։

[tehelka.com.290809-1] 1,0 ^1,1 ^1,2 ^1,3 ^1,4 ^1,5 PC VINOJ KUMAR (2009 թ․ օգոստոսի 29). «The Pad That Does Not Whisper» (անգլերեն). tehelka.com. Արխիվացված է օրիգինալից 2014 թ․ ապրիլի 26-ին. Վերցված է 2015 թ․ մայիսի 1-ին.

[theglobeandmail.com.4587288-2] 2,0 ^2,1 Stephanie Holen (2012 թ․ հոկտեմբերի 3). «India's improbable champion for affordable feminine hygiene». The Globe and Mail. Վերցված է 2015 թ․ մայիսի 1-ին.

[bbc.com.26260978-3] 3,00 ^3,01 ^3,02 ^3,03 ^3,04 ^3,05 ^3,06 ^3,07 ^3,08 ^3,09 ^3,10 ^3,11 ^3,12 ^3,13 ^3,14 ^3,15 ^3,16 ^3,17 ^3,18 ^3,19 ^3,20 Vibeke Venema (2014 թ․ մարտի 4). «The Indian sanitary pad revolutionary» (անգլերեն). BBC. Վերցված է 2015 թ․ մայիսի 1-ին.

[multescatola.com-4] «Arunachalam Muruganantham» (իտալերեն). Multescatola.com. Վերցված է 2015 թ․ մայիսի 2-ին.(չաշխատող հղում)

[time.com.100.2014-5] 5,0 ^5,1 Ruchira Gupta (2014 թ․ ապրիլի 23). «Arunachalam Muruganantham» (անգլերեն). Արխիվացված է օրիգինալից 2021 թ․ մարտի 9-ին. Վերցված է 2015 թ․ մայիսի 1-ին.

[fastcoexist.com.1679008-6] Arunachalam Muruganantham (2011 թ․ դեկտեմբերի 16). «An Indian Inventor Disrupts The Period Industry» (անգլերեն). Վերցված է 2015 թ․ մայիսի 1-ին.

[1]

[2]

[3]

[4]

[5]

[6]