Արունաչալամ Մուրուգանանտամ

Վիքիպեդիայից՝ ազատ հանրագիտարանից
Jump to navigation Jump to search
Արունաչալամ Մուրուգանանտամ
Arunachalam Muruganantham
Arunachalam Muruganantham in California.jpeg
Ծնվել է1962
ԾննդավայրԿոիմբատուր, Madras State, Հնդկաստան
ՔաղաքացիությունFlag of India.svg Հնդկաստան
Մասնագիտությունգյուտարար
ԱմուսինՇանտի
ԾնողներՎանիտա
Պարգևներ և
մրցանակներ
Պադմա Շրիի մրցանակ
Կայքnewinventions.in
Arunachalam Muruganantham Վիքիպահեստում

Արունաչալամ Մուրուգանանտամ (англ. Arunachalam Muruganantham; ծնվ․ 1962[1]), հնդիկ գյուտարար և գործարար Հնդկաստանի Տամիլնադ հարավային նահանգից։

Արունաչալամ Մուրուգանանտամ ը հայտնի է իր հայտնագործած ձեռքի հաստոցով և տեխնոլոգիայով, որը թույլ է տալիս տնային պայմաններում արտադրել, ոչ թանկ կանացի հիգիենիկ միջադիրներ։ Հայտնի է նաև իր հայտնագործությունը ազատ տարածելով և Հնդկաստանի և հարակից երկրների աղքատ շրջաններում հիգիենայի տարածման պրոպագանդայով[2][3]

Նախադրյալները[խմբագրել | խմբագրել կոդը]

Հոր մահից հետո, Մուրուգանանտամի մայրը սկսել է աշխատել[1][3][4] Նրա վաստակած օրական մոտ մեկ դոլարը ընտանիքը պահելուն չի հերիքել[3] Արունաչալամը ստիպված թողել է ուսումը և զբաղվել գյուղատնտեսական աշխատանքներով[3]։ Մի քանի տարի էլ աշխատել է զոդման արտադրամասում[1]։

1998 թվականին նա ամուսնացել է և մոտիկից ծանոթացել կանանց դաշտանային ցիկլի հարցերին։ Որոշելով իր կնոջը նվեր անել, նա զարմանում է նախ՝ այդ արտադրանքի գներին, քանի որ գտնում էր, որ դա պետք է մոտ 40 անգամ էժան լիներ, և երկրորդ՝ հասարակության կեղծ բարեպաշտական վերաբերմունքին[2][3][5]։

Ուսումնասիրելով նա իմացավ, որ հնդիկ կանանց մոտ 12 %-ը հիգիենիկ միջադիրներ չի օգտագործում, մի մասը օգտագործում էին հնամաշ կտորներ, իսկ մի մասն էլ ավազ, տերևներ, թեփ և անգամ մուր էր օգտագործում[3]։ Այդ պահին Հնդկաստանում վերարտադրողական հիվանդությունների մոտ 70 %-ը առաջանում էին դաշտանային վատ հիգիենայից, ինչը որ նպաստում էր կանացի բարձր մահացությանը[3]։

Նոր տեխնոլոգիա մշակելու ընթացքում նրանից հեռացել է կինը՝ Շանտին, ում համար նա սկսել էր զբաղվել գյուտարարությամբ, երես են թեքել մայրն ու մնացած բարեկամները[1][3]։ Համագյուղացիները նրան նայում էին, որպես չարքերի ազդեցության տակ գտնվող հոգեկան հիվանդի[1][3]։

Մուրգանանտամը դեմ էր առել բազմաթիվ տեխնոլոգիական խնդիրների։ Օրինակ՝ նա միանգամից չէր հասկացել, որ միջադիրներում օգտագործվում է ոչ թե բամբակ, այլ հատուկ մշակված ցելյուլոզա։ Այնուամենայնիվ Մուրգանանտամը հասավ իր նպատակին և ստացավ պահանջված արտադրանքը։

Գյուտն անելուց հետո կինն ու հարազատները վերադարձան, և ընտանիքը վերականգնվեց[1][3]։

Տարածումը[խմբագրել | խմբագրել կոդը]

Գյուղացի կանայք փոխօգնության հավաքի ժամանակ։

Իր գյուտն ու գաղափարը տարածելու համար Արունաչալամ Մուրուգանանտամը հիմնել է Jayaashree Industries ընկերությունը։ Նրա հիմնական հաճախորդները ոչ առևտրային կազմակերպություններ են և կանանց փոխօգնության խմբեր, որոնք արտադրում են միջադիրները իրենց կազմակերպության անվան տակ[3]։

Մեկ լրակազմի գինը մոտ 75000 հնդկական ռուփի է[3]։ Բացի այդ Մուրուգանանտամը առաջարկում է կիսաավտոմատ հաստոց, որը մի փոքր թանկ է[3]։ Յուրաքանչյուր լրակազմը կարող է ապահովել 3000 կնոջ և 10 կնոջ գործով է ապահովում[3]։ Նրանք կարող են օրական 200-250 ներդիր արտադրել, որոնց յուրաքանչյուրի գինը 2,5 ռուփի է(0,025 ֆունտ ստերլինգ)[3]։

Արունաչալամ Մուրուգանանտամը չի փորձել իր գյուտով գերշահույթ ստանալ և պատենտ ստանալով դիմակայել խոշոր կորպորացիաների[6]։ Նա բավարարվում է իր համեստ տնով և ավտոմեքենայով[3]։

Aquote1.png Ես շատ գումար չեմ կիտել, բայց շատ երջանկություն եմ հավաքել[3]։ Aquote2.png

Արունաչալամ Մուրուգանանտամը իր խնդիրն է համարում հնդկական հասարակության վերափոխումը, հիգիենայի պրոպագանդան, կնոջ հանդեպ վերաբերմունքի փոխումը, և գյուղական համայնքներում աշխատանքի ապահովումը[3]։

Մուրուգանանտամի նորարարությունը և դպրոցներում տարվող աշխատանքը շատ աղջիկների հնարավորություն է տվել շարունակել ուսումը, քանի որ առաջ նրանց մեծ մասը դաշտանային ցիկլը սկսելուն պես դադարում էին դպրոց հաճախել[3]։ Շատ դպրոցներ սկսել են գնել Մուրուգանանտամի հաստոցներից, և տալ սեփական արտադրանքը, այն աշակերտների շրջանում տարածելու նպատակով[3]։

Գնահատում[խմբագրել | խմբագրել կոդը]

2006 թվականին Արունաչալամ Մուրուգանանտամը ստացել է նորարաության ասպարեզում Հնդկաստանի ազգային մրցանակ, որը նրան հանձնել է անձամբ երկրի նախագահ Պրատիբխա Պատիլը։

2013 թվականին նրամասին նկարահանվել է լիամետրաժ վավերագրական «Դաշտանային տղան» կինոնկարը (անգլ.՝ Menstrual Man)[3]։

2014 թվականին «Թայմ» (անգլ.՝ Time) ամսագիրը նրան հայտարարել է տարվա 100 ամենաազդեցիկ մարդկանցից մեկը[5]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 PC VINOJ KUMAR (2009-08-29)։ «The Pad That Does Not Whisper» (անգլերեն)։ tehelka.com։ Վերցված է 2015-05-01 
  2. 2,0 2,1 Stephanie Holen (2012-10-03)։ «India’s improbable champion for affordable feminine hygiene»։ The Globe and Mail։ Վերցված է 2015-05-01 
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 3,17 3,18 3,19 3,20 Vibeke Venema (2014-03-04)։ «The Indian sanitary pad revolutionary» (անգլերեն)։ BBC։ Վերցված է 2015-05-01 
  4. «Arunachalam Muruganantham» (իտալերեն)։ Multescatola.com։ Վերցված է 2015-05-02 
  5. 5,0 5,1 Ruchira Gupta (2014-04-23)։ «Arunachalam Muruganantham» (անգլերեն)։ Վերցված է 2015-05-01 
  6. Arunachalam Muruganantham (2011-12-16)։ «An Indian Inventor Disrupts The Period Industry» (անգլերեն)։ Վերցված է 2015-05-01 

Հղումներ[խմբագրել | խմբագրել կոդը]