Արամայիս Սարգսյան (դերասան)

Անվան այլ կիրառումների համար տե՛ս՝ Արամայիս Սարգսյան (այլ կիրառումներ)

Վիքիպեդիայում կան հոդվածներ Սարգսյան ազգանունով այլ մարդկանց մասին։

Արամայիս Սարգսյան
Ծնվել է	մայիսի 17, 1947(1947-05-17) (77 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Կրթություն	Երևանի պետական համալսարան, Մոսկվայի պետական լեզվաբանական համալսարան (1971) և Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Հայաստան
Մասնագիտություն	դերասան և ռեժիսոր
Պարգևներ և մրցանակներ	Հայաստանի արվեստի վաստակավոր գործիչ և Հայաստանի մշակույթի նախարարության ոսկե մեդալ

Արամայիս Բաբկենի Սարգսյան (Մայիս Սարգսյան, մայիսի 17, 1947(1947-05-17), Կիրովական, Հայկական ԽՍՀ, ԽՍՀՄ), հայ դերասան, ՀՀ արվեստի վաստակավոր գործիչ (2009)։ Վանաձորի Հովհաննես Աբելյանի անվան դրամատիկական թատրոնի դերասան։

Կենսագրություն

Արամայիս Սարգսյանը ծնվել է Կիրովականում։ 4-րդ դասարանում խաղացել է իր առաջին դերը՝ Հովհաննես Թումանյանի «Անուշ» ստեղծագործության մեջ կերտելով Մոսիի դերը։ 1963 թվականին եղել է Կիրովականի նորաբաց Պատանի հանդիսատեսի թատրոնի դերասան։ 1966 թվականին ընդունվել է Երևանի պետական համալսարանի պատմության ֆակուլտետի ժուռնալիստիկայի բաժին, սակայն երկու ամիս անց հեռացվել է վատ վարքի պատճառով։ 1969-1971 թվականներին սովորել է Մոսկվայի օտար լեզուների ինստիտուտի հեռակա բաժնում՝ միաժամանակ աշխատելով լամպերի գործարանում։ 1971 թվականին ընդունվել է Երևանի գեղարվեստա-թատերական ինստիտուտ, սովորելուն զուգընթաց աշխատել Հայէլեկտրոգործարանում։

Գրետա Մեջլումյանի և Վրույր Հարությունյանի հետ ստեղծել է «Բոհեմ» կամերային թատրոնը և հանդիսանում է նրա հիմնադիր և գեղարվեստական ղեկավարը։

Ֆիլմեր

• «Գնչու Ազա», 1987
• «Անապատ», 1991
• «Որտե՞ղ էիր, մարդ աստծո», 1992
• «Ծովահենների իշխանություն», 1994
• «Ղարաբաղյան անավարտ օրագիր», 1995
• «Հերոստրատ», 2002
• «Շեմ», 2002

Պարգևներ

• ՀՀ մշակույթի նախարարության ոսկե մեդալ, 2017
• ՀՀ արվեստի վաստակավոր գործիչ, 2009