Արամայիս Եպիսկոպոսյան

Վիքիպեդիայում կան հոդվածներ Եպիսկոպոսյան ազգանունով այլ մարդկանց մասին։

Արամայիս Եպիսկոպոսյան
Քաղաքացիությունը	ԽՍՀՄ,  Ռուսաստան և  Հայաստան
Ծննդյան ամսաթիվ	սեպտեմբերի 27, 1968(1968-09-27) (56 տարեկան)
Ծննդավայր	Հայաստան
Հասակ	175 սանտիմետր
Դիրք	կիսապաշտպան

Արամայիս Սուրենի Եպիսկոպոսյան (սեպտեմբերի 27, 1968(1968-09-27), Հայաստան), խորհրդային, ռուսական և հայկական ֆուտբոլիստ՝ կիսապաշտպան։

Գործունեություն

1989-1991 թվականներին խաղացել է Երևանի «Արարատ» ակումբում, մասնակցել 10 մրցախաղի։ 1992 թվականին տեղափոխվել է «Հեկրիս» ակումբ, որտեղ խաղացել է մինչև 1997 թվականը՝ այդ ընթացքում անցկացնելով 163 հանդիպում և դառնալով 8 գոլի հեղինակ։

1997 թվականին տեղափոխվել է «Կուբան», որտեղ խաղացել է 8 մրցախաղ։ 1999 թվականին տեղափոխվել է «Իրտիշ» ակումբ, որի կազմում անցկացրած 26 հանդիպման ժամանակ դարձել է 2 գոլի հեղինակ։ Եպիսկոպոսյանը ճանաչվել է Ղազախստանի չեմպիոն և դասվել է 22 լավագույն խաղացողների շարքում։

1997 թվականին 2 խաղ է անցկացրել Հայաստանի ֆուտբոլի ազգային հավաքականի կազմում․ հունվարի 6-ին Պարագվայի մայրաքաղաք Ասունսյոնում խաղացել է Պարագվայի հավաքականի հետ, իսկ ապրիլի 30-ին՝ Երևանում՝ մրցելով Հյուսիսային Իռլանդիայի հավաքականի դեմ։

Խաղացողի կարիերան ավարտելուց հետո Եպիսկոպոսյանը զբաղվում է մարզչական գործունեությամբ․ նա «Չերնոմորեց»-ի երիտասարդական թիմի մարզիչն է։

Ձեռքբերումներ

• Ղազախստան «Իրտիշ» (Պավլոդար)
• Խմբային
  • Ղազախստանի չեմպիոն, 1999
• Անհատական
  • Դասվել է Ղազախստանի առաջնության 22 լավագույն ֆուտբոլիստների ցանկում, № 1 - 1999

Արտաքին հղումներ

• Վիճակագրությունը National Football Teams կայքում(անգլ.)

• Էջը footballdatabase.eu կայքում(անգլ.)
• Ֆուտբոլիստի էջը soccerway.com կայքում(անգլ.)