Ավետ Ադոնց

; Ավետ Ռոբերտի Ադոնց
Ծնվել է	1963 դեկտեմբերի 27
Ծննդավայր	Կիև, Ուկրաինական ԽՍՀ
Քաղաքացիություն	ԽՍՀՄ և Հայաստան
Ազգություն	հայ
Կրթություն	ԵՊՀ տնտեսագիտական կիբեռնետիկայի ֆակուլտետ
Մասնագիտություն	քաղաքական գործիչ և դիվանագետ
Զբաղեցրած պաշտոններ	Հայաստանի Ազգային ժողովի պատգամավոր

Ավետ Ռոբերտի Ադոնց (դեկտեմբերի 27, 1963(1963-12-27), Կիև, Ուկրաինական ԽՍՀ, ԽՍՀՄ), հայ դիվանագետ, Իսպանիայում ՀՀ արտակարգ և լիազոր դեսպան (2014-2019)։ ՀՀ արտաքին գործերի նախարարի տեղակալ (2019-2021)։

Կրթություն[խմբագրել | խմբագրել կոդը]

1980 թ. ավարտել է Երևանի Ա. Չեխովի անվան թիվ 55 միջնակարգ դպրոցը։
1985 թ. ավարտել է ԵՊՀ տնտեսագիտական կիբեռնետիկայի ֆակուլտետը։
1991 թ. անցել է բանկային գործի դասընթացներ Ժնևի UBS բանկում։

Աշխատանքային գործունեությունը[խմբագրել | խմբագրել կոդը]

1985 թ. - ՀԽՍՀ Պետպլանին կից տնտեսագիտության և պլանավորման գիտահետազոտական ինստիտուտում որպես տնտեսագետ։
1985-1986 թթ. ծառայել է Խորհրդային բանակում։
1987-1991 թթ. աշխատել է ՀԽՍՀ Պետպլանին կից տնտեսագիտության և պլանավորման գիտահետազոտական ինստիտուտի կրտսեր գիտաշխատող, ապա գիտական խմբի ղեկավար։
1991 թ. - ՀՀ արտաքին տնտեսական կապերի նախարարության գլխավոր մասնագետ, ապա նախարարի օգնական։
1993 թ. անցել է դիվանագիտական դասընթացներ Մեծ Բրիտանիայի Լիդսի համալսարանում։

Դիվանագիտական ծառայությունը[խմբագրել | խմբագրել կոդը]

1992-1994 թթ. աշխատել է ՀՀ արտաքին գործերի նախարարությունում որպես երկկողմ տնտեսական հարաբերությունների բաժնի երկրորդ քարտուղար։
1994-1996 թթ. - Բելգիայի Թագավորությունում ՀՀ դեսպանության երկրորդ քարտուղար։
1996-1998 թթ. - աշխատել է ՀՀ արտաքին գործերի նախարարությունում որպես միջազգային տնտեսական կազմակերպությունների բաժնի վարիչ։
1998-2001 թթ. - Եվրամիությունում ՀՀ առաքելության խորհրդական, ապա արտակարգ դեսպանորդ և լիազոր նախարար։
2002-2007 թթ. - ՀՀ նախագահի աշխատակազմի արտաքին կապերի վարչության պետ։
2009 թ. մայիսի 26-ին ՀՀ Նախագահի հրամանագրով նշանակվել է Բելգիայի Թագավորությունում Հայաստանի Հանրապետության արտակարգ և լիազոր դեսպան^[1]։
2009 թ. մայիսի 27-ին ՀՀ Նախագահի հրամանագրով համատեղության կարգով, նշանակվել է Եվրոպական միությունում Հայաստանի Հանրապետության ներկայացուցչության ղեկավար (նստավայրը՝ Բրյուսել)^[2]։
2009 թ. նոյեմբերի 7-ին ՀՀ Նախագահի հրամանագրով համատեղության կարգով, նշանակվել է Նիդեռլանդների թագավորությունում Հայաստանի Հանրապետության արտակարգ և լիազոր դեսպան (նստավայրը՝ Բրյուսել)^[3]։
2010 թ. փետրվարի 20-ին ՀՀ Նախագահի հրամանագրով համատեղության կարգով, նշանակվել է Լյուքսեմբուրգի Մեծ Դքսությունում Հայաստանի Հանրապետության արտակարգ և լիազոր դեսպան (նստավայրը՝ Բրյուսել)^[4]։
2011 թ. փետրվարի 8-ին ՀՀ Նախագահի հրամանագրով ազատվել է Նիդեռլանդների թագավորությունում Հայաստանի Հանրապետության արտակարգ և լիազոր դեսպանի պարտականություններից^[5]։
2014 թ. օգոստոսի 5-ին ՀՀ Նախագահի հրամանագրով ազատվել է Բելգիայի Թագավորությունում և, համատեղության կարգով, Լյուքսեմբուրգի Մեծ Դքսությունում Հայաստանի Հանրապետության արտակարգ և լիազոր դեսպանի և Եվրոպական միությունում Հայաստանի Հանրապետության ներկայացուցչության ղեկավարի պարտականություններից^[6]։
2014 թ. օգոստոսի 5-ին ՀՀ Նախագահի հրամանագրով նշանակվել է Իսպանիայի Թագավորությունում Հայաստանի Հանրապետության արտակարգ և լիազոր դեսպան (նստավայրը՝ Մադրիդ)^[7]։
2019 թվականի հունվարի 11-ին ՀՀ Նախագահի հրամանագրով հետ է կանչվել Իսպանիայի Թագավորությունում Հայաստանի Հանրապետության արտակարգ և լիազոր դեսպանի պաշտոնից^[8]։
2019 թվականի հունվարի 29-ին ՀՀ վարչապետի որոշմամբ նշանակել է ՀՀ արտաքին գործերի նախարարի տեղակալ^[9]։ Սեփական դիմումի համաձայն այդ պաշտոնը լքել է 2021 թվականի հունիսի 8-ին^[10]։

Քաղաքական գործունեությունը[խմբագրել | խմբագրել կոդը]

2007 թ. մայիսի 12-ին ընտրվել է ՀՀ Ազգային ժողովի 4-րդ գումարման պատգամավոր «Բարգավաճ Հայաստան» կուսակցության համամասնական ընտրացուցակով։
2007 թ. հունիսի 7-ին ընտրվել է ՀՀ Ազգային ժողովի եվրոպական ինտեգրման հարցերի մշտական հանձնաժողովի նախագահ^[11]։