Անտոն Փուրցելաձե

Անտոն Փուրցելաձե; վրաց.՝ ანტონ ფურცელაძე
Ծնվել է	դեկտեմբերի 6, 1839
Ծննդավայր	Մերեթ, Թիֆլիսի նահանգ, Ռուսական կայսրություն
Վախճանվել է	նոյեմբերի 3, 1913 (73 տարեկան)
Վախճանի վայր	Արբո (Գորիի շրջան), Թիֆլիսի նահանգ, Ռուսական կայսրություն
Մասնագիտություն	գրող, դրամատուրգ, պատմաբան, բանաստեղծ և թարգմանիչ
Քաղաքացիություն	Ռուսական կայսրություն
Կրթություն	Orlovsky-Bakhtin Cadet Corps?
Ժանրեր	պատմավեպ և սոցիալական վեպ
Ուշագրավ աշխատանքներ	Q25541457?
	Anton Purtseladze Վիքիպահեստում

Անտոն Փուրցելաձե (վրաց.՝ ანტონ ფურცელაძე, 6 դեկտեմբերի, 1839, գյուղ Մորեթի, Գորիի գավառ — 3 նոյեմբերի, 1913, գյուղ Արբո), վրացի գրող, հրապարակախոս, քննադատ, սոցիոլոգ, պատմաբան, բանաստեղծ, վիպագիր, դրամատուրգ և տնտեսագետ, ով իր հետքն է թողել XIX դարի վրացական գրականության մեջ^[1]։

Կենսագրություն

Անտոն Փուրցելաձեն ծնվել է 1839 թվականին Գորիի գավառի Մորեթի գյուղում, մանր ազնաուրի ընտանիքում։ Սովորել է Օրյոլ քաղաքում, ուր ուղարկվել է 10 տարեկան հասակում։ 1852 թվականին ջարդել է ոտքը, ինչի պատճառով ողջ կյանքում մնացել է կաղ։ Վնասվածքի պատճառով ստիպված է եղել վերադառնալ Վրաստան, որտեղ մի քանի տարի ապրել է գյուղում։ 1858 թվականին Փուրցելաձեն Թբիլիսիում սկսել է աշխատել որպես գրագիր։ երեք տարի անց նա սկսում է դասավանդել գիմնազիայում։ Շուտով Փուրցելաձեն սկսում է աշխատել «Ցիսկարի» ամսագրում, որի ակտիվ աշխատակիցներից է եղել հետագա տասը տարիների ընթացքում։ 1863 թվականին նա գրել է Դանիել Ճոնքաձե «Սուրամի բերդը» ստեղծագործության մասին քննադատական հոդվածը^[1]։

Ստեղծագործություն

Անտոն Փուրցելաձեի ստեղծագործության մեջ նկատելի են Վիսարիոն Բելինսկու ու Նիկոլայ Չեռնիշևսկու սկզբունքները։ Իր արձակ ստեղծագործություններում Փուրցելաձեն անդրադարձել է սոցիալական խնդիրների։ «Մարթա» պատմվածքում և «Մացի Խվատիա» վեպում Փուրցելաձեն պատկերել է գյուղացիների ծանր դրությունը։ «Քիթեսա» պատմվածքում հեղինակը պատմում է աշխատասեր գյուղացի Քիթես Նացարքվերաձեի ու նրա կնոջ՝ Մարիների մասին, ում թալանում են հողատերն ու պետական պաշտոնյաները։

«Երեքի արկածները» վիպակում նկատելի է Չեռնիշևսկու «Ի՞նչ անել» վեպի ազդեցությունը։ Ըստ վրացի գիտնականների՝ Սիմոն Բադլաձեն Չեռնիշևսկու վեպի հերոսների՝ Ռախմետովի ու Կիրսանովի կրկնօրինակն է^[1]։

Էկրանավորումներ

Մացի Խվատիա

Ծանոթագրություններ

↑ ^1,0 ^1,1 ^1,2 А. БАРАМИДЗЕ, Ш. РАДИАНИ, В. ЖГЕНТИ ИСТОРИЯ ГРУЗИНСКОЙ ЛИТЕРАТУРЫ.

Վիքիպահեստն ունի նյութեր, որոնք վերաբերում են «Անտոն Փուրցելաձե» հոդվածին։

[a1-1] 1,0 ^1,1 ^1,2 А. БАРАМИДЗЕ, Ш. РАДИАНИ, В. ЖГЕНТИ ИСТОРИЯ ГРУЗИНСКОЙ ЛИТЕРАТУРЫ.

[1]