NTT Docomo Yoyogi Building

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
NTT Docomo Yoyogi Building
NTT DoCoMo Yoyogi Building 2009 cropped.jpg
ՏեսակԲազմահարկ շենքեր
ԵրկիրFlag of Japan.svg Ճապոնիա
ՏեղագրությունՍիբույա
Հասցե151-8520
Ճարտարապետական ոճճարտարապետական մոդեռն
Հիմնադրված է2000
Բացվածսեպտեմբեր 2000
ՃարտարապետKajima Corporation?
Կոորդինատներ: 35°41′3.7000000996078″ հս․ լ. 139°42′11.700000099989″ ավ. ե. / 35.684361111138777289° հս․. լ. 139.70325000002776505° ավ. ե. / 35.684361111138777289; 139.70325000002776505

NTT Docomo Yoyogi Building (ճապ.՝ NTTドコモ代々木ビル էնուտիտի դոկոմո յոյոգի բիրու), երկնաքեր՝ տեղակայված Տոկիոյի Սիբույա հատուկ շրջանում: Երկնաքերի կառուցումն ավարտվել է 2000 թվականին, բարձրությունը 240 մետր է: Տոկիոյի ամենաբարձր շենքերի ցանկում այս կառույցն զբաղեցնում է 3-րդ տեղը: 2002 թվականին՝ ժամացույցի տեղադրումից հետո, այս երկնաքերը դարձավ ժամացույց ունեցող ամենաբարձր աշտարակն աշխարհում[1][2]:

Երկնաքերի գործառույթներ[խմբագրել | խմբագրել կոդը]

NTT Docomo Yoyogi Building-ը պատկանում է հեռախոսային օպերատոր NTT docomo-ին: Չնայած շենքի անվանմանը՝ սա ընկերության գլխավոր գրասենյակը չէ: Գլխավոր գրասենյակի շտաբ-բնակարանը գտնվում է Sanno Park Tower-ում: Շենքն ունի որոշ գրասենյակներ, բայց հիմնականում օգտագործվում է տեխնիկան պահելու, հեռահաղորդակցության և ընկերության՝ բջջային կապի ոլորտում սարքավորումների ապահովման համար:

NTT docomo-ի հիմնադրման 10-ամյակի առթիվ 2002 թվականի նոյեմբերին աշտարակի վրա ավելացվեց ժամացույց, որն ունի 15 մետր տրամագիծ: Ժամացույցի տեղադրումը աշտարակը դարձրեց աշխարհում ամենաբարձր աշտարակը, որն ունի ժամացույց՝ ետևում թողնելով Վարշավայի Մշակույթի և գիտության պալատը, որի վրա ժամացույցը տեղադրվել էր 2000 թվականին[3][4]:

Շենքի ջեռուցման համար օգտագործվում է արևային էներգիան: Գրասենյակներում գործում է աղբի տարանջատման համակարգ, որն օգնում է նվազեցնել թափոնների քանակը և մեծացնել վերամշակման արագությունը: Անձրևից հետո հոսող ջրերը հավաքվում և կիրառվում են շենքի զուգարանների համար[2]:

Շենքում չկան ռեստորաններ և զբոսաշրջային այլ տեսարժան վայրեր, զբոսաշրջիկների մուտքն այս շենք արգելված է:

Տես նաև[խմբագրել | խմբագրել կոդը]

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Clock Tower»։ Amazines.com։ Վերցված է 2012-02-23 
  2. 2,0 2,1 «NTT DoCoMo Yoyogi Building»։ Emporis.com։ Արխիվացված է օրիգինալից 2012-09-13-ին։ Վերցված է 2012-02-23 
  3. «NTT DoCoMo Yoyogi Building»։ Emporis.com։ Արխիվացված է օրիգինալից 2012-09-13-ին։ Վերցված է 2009-02-07 
  4. «NTT DoCoMo Yoyogi Building»։ SkyscraperPage.com։ Արխիվացված է օրիգինալից 2012-09-13-ին։ Վերցված է 2012-02-23 

Արտաքին հղումներ[խմբագրել | խմբագրել կոդը]