Global Finance (ամսագիր)

Վիքիպեդիայից՝ ազատ հանրագիտարանից
Jump to navigation Jump to search
Global Finance
Global Finance
Տեսակթերթ
Լեզուանգլերեն
Հիմնադրվել է1987
Հրատարակման վայրՆյու Յորք
ԳրասենյակՆյու Յորք շրջան, Նյու Յորք, Նյու Յորք, ԱՄՆ
Կայքgfmag.com(անգլ.)

Global Finance, անգլալեզու ֆինանսական ամսագիր։ Ձեռնարկատերերի համար հրատարակվող Venture ամսագրի հիմնադիր և նախկին հրատարակիչ Ժոզեֆ Դ. Ջարապուտոն, 1987 թվականին միավորվել է Կարլ Գ. Բուրգենի, Ստեֆան Սպահնի, Հ. Ալեն Ֆերնալդի և Պաոլո Պաներայիի հետ` ֆինանսական գլոբալիզացիայի մասին ամսագիր հրատարակելու համար[1]։ Ամսագրի առաջնային թիրախային լսարանը կազմված է նախագահներից, գործադիր տնօրեններից, ֆինանսական տնօրեններից, գանձապահներից և այլ ֆինանսական ծառայողներից։ Ամսագիրը տարածվում է 158 երկրում, 50.050 համաշխարհային բաժանորդների շրջանում, որոնք հավաստագրված են BPA Worldwide-ի կողմից։

Gfmag.com կայքը, որը գործարկվել է 2009 թվականին, թիրախավորում է լավագույն ֆինանսական վեբ-օգտվողների լսարանը, որն ավելացնում է ամսագրի հասանելիությունը։ Gfmag.com-ը առաջարկում է վերլուծություններ, հոդվածներ և մրցանակներ, որոնք միջազգային ֆինանսների ոլորտում 22 տարվա փորձի ժառանգությունն են և ապահովում է տվյալների արժեքավոր բազա 192 երկրների վերաբերյալ։

«Global Finance media» ընկերության բաժնետոմսերի մեծամասնության սեփականատերը իտալական հրատարակչական Class Editori Group SpA ընկերությունն է, որը հրատարակում է ֆինանսական երկու ամսագիր, լայֆսթայլ ամսագրեր, լրատվական գործակալություններ, թվային հեռուստատեսություններ և այլն։ Մյուս խոշոր բաժնետերը Ժոզեֆ Դ. Ջարրապուտոն է։

Global Finance-ն գրասենյակներ ունի Նյու Յորքում, Լոնդոնում, Միլանում և Ռիո դե Ժանեյրոյում։

Նկարագրություն[խմբագրել | խմբագրել կոդը]

Global Finance-ը հաղորդում է միջազգային ֆինանսների ոլորտի վերաբերյալ` ընդգրկելով այնպիսի թեմաներ, ինչպիսիք են կորպորատիվ ֆինանսները, համատեղ ձեռնարկությունները, մեծ շուկաները, ներդրողների հարաբերությունները, արտարժույթները, բանկերը, ռիսկերի կառավարումը, պահառությունը, ուղղակի ներդրումները և ֆինանսներ կառավարումը[2]։

Ամսագիրը նաև անցկացնում է մի շարք մրցանակների հանձնման արարողություններ ամբողջ տարվա ընթացքում` պարգևատրելու հաղթող ֆինանսական հաստատություններին և ընկերություններին։ Այս արարողություններից ամենամեծը տեղի է ունենում Արժույթի միջազգային հիմնադրամի և Համաշխարհային բանկի տարեկան հանդիպումների ժամանակ։

Աշխարհի լավագույն բանկեր[խմբագրել | խմբագրել կոդը]

Ամեն տարի ամսագիրը հրատարակում է «աշխարհի լավագույն բանկերի» ցանկը։ Global Finance-ը նկարագրում է դասակարգման աղյուսակը. «Հաղթողները միշտ չէ, որ ամենամեծ բանկերն են, այլ լավագույնն են. նրանք, որոնք ունեն այն հատկությունները, որոնք կորպորացիաները պետք է փնտրեն` բանկ ընտրելիս։ Սրանք ռիսկերի կառավարման արդյունավետ համակարգ, որակի սպասարկում և կորպորատիվ ոլորտում լավագույն փորձ ունեցող բանկեր են»[3]։

Աշխարհի ամենաապահով բանկեր[խմբագրել | խմբագրել կոդը]

Ամսագիրը հրատարակում է նաև աշխարհի ամենաապահով հիսուն բանկերի վարկանիշային աղյուսակը։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Philip H. Dougherty (April 22, 1987)։ «A Monthly Magazine on Finance»։ The New York Times։ Վերցված է August 5, 2008 
  2. «Search Results»։ tradepub.com։ Վերցված է 2008-08-10 
  3. Thomas Clouse, Jonathan Gregson, Antonio Guerrero & Gordon Platt, "World's Best Banks 2012; Seeking Stability", Global Finance magazine, May 2012

Արտաքին հղումներ[խմբագրել | խմբագրել կոդը]