alt-J

Վիքիպեդիայից՝ ազատ հանրագիտարանից
Jump to navigation Jump to search
Alt-J
Alt-J Fall Tour 2015 live in Charlotte.jpg
Ժանրերարտ ռոք, ինդի ռոք, ինդի փոփ և folktronica?
Գործունեություն2008
ԼեյբլInfectious Music? և Atlantic Records
Կայքaltjband.com

alt-J խումբը, որը հանդես է գալիս հետևյալ՝ ᐃ նշանի ներքո, բրիտանական ինդի ռոք ոճի խումբ է, ստեղծված 2007 թվականին Լիդս քաղաքում[1]: Խումբը կազմված է չորս անդամից՝ Ջո նյումեն (կիթառ/վոկալ), Գաս Անգեր- Հելեմթոն (ստեղնաշարային գործիքներ/վոկալ), Թոմ Գրին (հարվածային գործիքներ), Գվիլ Սայնսբերի (կիթառ/բաս կիթառ):

Խմբի «An Awesome Wave»-ը դեբյուտային ալբոմ թողարկվել է 2012 թվականի մայիսին Եվրոպայում, սեպտեմբերին՝ ԱՄՆ-ում[2]: Նույն թվականին ստացել են բրիտանական Mercury Prize մրցանակ: 2014 թվականին Գվիլ Սայնսբերին հեռացավ խմբից: Նրանց երկրորդ ալբոմը՝ «This Is All Yours»-ը թողարկվել է 2014 թվականի սեպտեմբերի 22-ին՝ զբաղեցնելով բրիտանական հիթ շքերթներում առաջատար հորիզոնականները[3]: Համերգներից մեկի ժամանակ, որպես Գվիլ Սայնսբերին փոխարինող, Քեմերոն Նայթը միանում է խմբին: 2017 թվականին խումբը թողարկում է իր երրորդ ալբոմը՝ «Relaxer»-ը և սկսում են հանդես գալ որպես տրիո: Խումբը վաճառել է իր ձայնագրությունների ավելի քան 4 միլիոն օրինակ ամբողջ աշխարհում և 2 միլիոն ԱՄՆ-ում[4]:

Պատմություն[խմբագրել | խմբագրել կոդը]

Խմբի ձևավորում (2007-2010)

alt-J (∆)-ը ձևավորվել է այն ժամանակ, երբ խմբի մասնակիցները 2007 թվականին հանդիպել են Լիդսի համալսարանում[5]:

Ամեն ինչ սկսվեց այն ժամանակ, երբ Նյումենը ցույց տվեց իր գրած երգերը Սեյնսբերիին և ոգեշնչվելով նրա կիթառահար հայրիկից[6]: Նրանք սկսեցին ձայնագրել երգերը իրենց սենյակում, որպես ավտոտնակի բենդ (garage band) և պրոդյուսերներ:

An Awesome Wave և շրջագայություններ (2011-2012)

Ուսումն ավարտելուց հետո խումբը տեղափոխվում է Քեմբրիջ, որտեղ 2011 թվականին «Infectious Music»-ի հետ կնքած պայմանագրից մի քանի ամիս առաջ սկսում են աշխատել իրենց երաժշտության վրա: Իրենց չորս սինգլներից «Breezeblocks»-ը, «Hand-Made»-ը, «Matilda»-ն, և «Tessellate»-ը նրանք ձայնագրել են պրոդյուսեր Չարլի Էնդրույի հետ Լոնդոնում[7]:

«An Awesome Wave»-ի պրոդյուսերը նույնպես Չարլի Էնդրյուն էր և այն ձայնագրվել է Բրիքստոնի «Iguana Studios»-ում[8]: Նրանց դեբյուտային ալբոմը թողարկվել է 2012 թվականի մայիսի 28-ին Մեծ Բրիտանիայում, Եվրոպայում և Ավստրալիայում, իսկ 2012 թվականի սեպտեմբերի 18-ին՝ Հյուսիսային Ամերիկայում «Canvasback Music» ընկերության շնորհիվ: Ընդհանուր առմամբ ալբոմը ստացել է դրական գնահատական:

Սեյնսբերի և This Is All Yours (2013-2016)

Գվիլ Սեյնսբերին հեռացավ alt-J-ից 2014 թվականի հունվարի 13-ին: Այդ մասին հայտարարվեց Թվիթթերում: Նա ցանկանում էր դուրս գալ խմբից, սակայն խումբը ցանկություն ուներ շարունակելու իրանց գործունեությունը: Նրանք շարունակեցին աշխատել նշելով նաև, որ նրանք լավագույն ընկերներ են Գվիլի հետ[9]:

2014 թվականի հունիսի 9-ին նրանք հայտարարեցին իրենց երկրորդ «This Is All Yours» ալբոմի թողարկման մասին, որը տեղի ունեցավ 2014 թվականի սեպտեմբերի 22-ին: «This Is All Yours»-ը բրիտանական պաշտոնական ալբոմների հիթ շքերթում զբաղեցրեց առաջին հորիզոնականները:

Relaxer (2017)

Մարտի 3-ից նրանք սկսեցին թիզեր հրապարակել սոցիալական ցանցերում, հայտարարելով նաև, որ իրենց նոր ալբոմը կթողարկվի 2017 թվականի հունիսի 2-ին և կանվանվի «Relaxer»: Երեք շաբաթ անց՝ մարտի 29-ին նրանք թողարկեցին իրենց երկրորդ «In Cold Blood» սինգլը[10]: 2017 թվականի մայիսի 24-ին alt-J-ը թողարկեցին իրենց երրորդ «Adeline» սինգլը[11]։

Հունիսի 2-ին նրանց ալբոմը թողարկվեց և ստացավ դրական կարծիքներ: Հուլիսի 12-ին նրանք թողարկեցին իրենց չորրորդ և ալբոմի վերջին «Deadcrush» սինգլը[12]:

Անվանում[խմբագրել | խմբագրել կոդը]

Խմբի սիմվոլը երկրաչափական պատկեր եռանկյունն է (Δ): Հետևյալ` ∆ սիմվոլը կարող են օգտագործել միայն Apple Mac համակարգիչներում սեղմելով Alt+J:

alt-J-ը սկզբում հայտնի էր որպես «Daljit Dhaliwal» անվանումով, ապա «Films» անվանմամբ: Սակայն նրանք ստիպված եղան անունը փոխել alt-J, քանի որ արդեն գոյություն ուներ «Films» անունով մի ամերիկյան խումբ:

Մրցանակներ և անվանակարգեր[խմբագրել | խմբագրել կոդը]

2012 թվականին alt-J-ի դեբյուտային ալբոմը հաղթեց «British Mercury Prize»-ը[13]: Նրանք հաղթել էին Brit Awards-ի «Տարվա լավագույն խումբ» անվանակարգում: 2012 թվականին «An Awesome Wave»-ը BBC Radio-ում ճանաչվել է տարվա լավագույն ալբոմ: «This Is All Yours»-ը 57-րդ Գրեմմի մրցանակաբաշխությունում ստացել է մրցանակ «Տարվա լավագույն ալտերնատիվ ալբոմ» անվանակարգում[14]:

Ծանոթագրություններ[խմբագրել | խմբագրել կոդը]

  1. «Δ (alt-J) on Twitter»։ Twitter։ twitter.com։ Վերցված է 7 December 2015 
  2. Wolfson Sam (30 August 2012)։ «Alt-J: a cut above»։ The Guardian։ Վերցված է 18 September 2014 
  3. Listing for Alt-J at the Official Charts Company (UK), (retrieved 29 May 2015).
  4. «alt-J - RIAA platinum & gold awards»։ riaa.com։ RIAA։ Վերցված է 12 August 2017 
  5. Barson Rachel (2 November 2012)։ «Alt-J win Mercury prize»։ leeds.ac.uk։ Leeds University 
  6. Downing Megan (16 September 2012)։ «An Interview With Gwil From Alt-J ∆»։ theedgesusu.co.uk։ The Edge 
  7. Lindbloom Ben (28 January 2012)։ «[Album Review] - Alt-J - Demo»։ deadhorsemarch.com։ Վերցված է 2015-05-30 
  8. «Alt-J: 'We didn't want to blow loads of cash working with Rick Rubin in LA'»։ nme.com։ Time Inc. (UK)։ 25 June 2014։ Վերցված է 2015-05-29 
  9. «Δ (alt-J) on Twitter: "With regret, Gwil is leaving alt-J. This is purely a personal decision and as our best friend we support him completely."»։ Twitter.com։ Վերցված է 18 September 2014 
  10. Reed Ryan։ «Hear Alt-J's Horn-Blasted New Song 'In Cold Blood'»։ Rolling Stone։ Վերցված է 4 April 2017 
  11. Moore Sam (24 May 2017)։ «Listen to Alt-J’s new song ‘Adeline’»։ NME։ Վերցված է 3 June 2017 
  12. https://www.instagram.com/p/BWcvlyNDWGc/?taken-by=unrealaltj
  13. Topping Alexandra (2 November 2012)։ «Mercury prize celebrates 20 years with award for alt-J's debut album»։ The Guardian (London)։ Վերցված է 21 February 2013 
  14. «23 albums up for European Independent Album of the Year Award»։ IMPALA։ 29 January 2015