Ֆրանց Բոնն

Ֆրանց Բոնն; գերմ.՝ Franz Bonn
Ծնվել է	հուլիսի 18, 1830
Ծննդավայր	Մյունխեն, Բավարիայի թագավորություն
Վախճանվել է	հուլիսի 7, 1894 (63 տարեկան)
Վախճանի վայր	Ռեգենսբուրգ, Բավարիա, Գերմանական կայսրություն
Գրական անուն	Franz von Miris, Franz von Münchberg, Freiherr von Rachwitz և Schwefelmaier
Մասնագիտություն	գրող, դատավոր, քաղաքական գործիչ, բանաստեղծ-փաստաբան, բանաստեղծ և իրավաբան
Լեզու	գերմաներեն
Քաղաքացիություն	Բավարիայի թագավորություն
Ուշագրավ աշխատանքներ	«Վոլֆրամ» (1854)
	Franz Bonn Վիքիպահեստում

Ֆրանց Բոնն (հուլիսի 18, 1830(1830-07-18)^[1], Մյունխեն, Բավարիայի թագավորություն - հուլիսի 7, 1894(1894-07-07)^[1], Ռեգենսբուրգ, Բավարիա, Գերմանական կայսրություն), գերմանացի իրավաբան և գրող։ Հանդես է եկել «Ֆրանց Մյունխբերգ», «Պարոն ֆոն Ռախվից» և «ֆոն Միրիս» կեղծանուներով։ 1881֊1886 թվականներին եղել է Բավարիայի խորհրդարանի պատգամավոր։

Կենսագրություն[խմբագրել | խմբագրել կոդը]

Ֆրանց Բոննը ծնվել է 1830 թվականին Մյունխենում, արքայական կառավարչի և ֆինանսական աուդիտորի ընտանիքում։ Ավարտելով վարժարանը ստացել է լավ կրթություն, այնուհետև Մյուխենի իրավագիտության համալսարանում ստացել է փիլիսոփայի աստիճան։ Գերազանցությամբ ավարտել է պաշտոն զբաղեցնելու համար անցկացվող մրցույթը և Դոնաուվյորթում, Անսբախում, Բայրոյթում ծառայել որպես արքայական դատախազի օգնական^[3]։

Հետագայում Բոննը դարձավ Մյունխենի Գերագույն դատարանի դատախազ։ 1880 թվականին հեռացավ պետական պաշտոնից։ Ապա ծառայության է անցնում Տուրն-ի-Տաքսիստ ազնվական տոհմի մոտ։ Մինչև մահը՝ 1894 թվականը, Բոննը եղել է տեղական դատարանի պալատի նախագահ և քաղաքացիական գործերով դատական իշխանության խորհուրդ։ 1881 թվականից նա Բավարիայի խորհրդարանի անդամ էր, սակայն 1886 թվականի հունիսի 26֊ին տեղի ունեցած հանդիպումից հետո հրաժարական է տվել։ Նա մահացել է 1894 թվականին Ռեգենսբուրգում^[3]։

Ստեղծագործություն[խմբագրել | խմբագրել կոդը]

Ֆրանց Բոննը իրավաբանի կարիերան համատեղել է ստեղծագործական պարապմունքների հետ, և հանդես է եկել գրական կեղծանուններով։ Նրա բանաստեղծական գործունեությունը սկսվեց 1854 թվականից՝ «Վոլֆրամ» երգիծական էպոսով։ «Բարոն ֆոն Ռախվից» կեղծանունով նա 1854 թվականին հրատարակել է «Տաք լավա» սուր երգիծական ստեղծագործությունը՝ ծաղրելով երիտասարդ գերմանացի գրողների հպարտությունն ու ունայնությունը, իսկ Ֆրանց Մյունխբերգ կեղծանունով հրատարակել է ավելի հանգիստ, լիրիկական աշխատանքներ։ 1880 թվականի «Մամոնի արքան» լայնածավալ վեպը հաջողված չէր, սակայն 1877 թվականից Բրաունի և Շնայդերի տպագրատան կողմից հրատարակված Բոննի «Ուրախ բուսաբանություն» և «Ուրախ բուսաբանություն և հանքաբանություն» հումորային գրքերի շարքը հայտնի դարձավ «ֆոն Միրիս» կեղծանունով։ Բոննը հայտնի է 1879 թվականին հրատարակված «Նիբելունգի մատանին» երգիծական ստեղծագործությամբ։

Ֆրանց Բոննի հումորային ստեղծագործությունները զետեղվել են 1892 թվականին տպագրված Fliegende Blätter ամսագրի «Von mir is’s» ժողովածուում, իսկ «Für Herz und Haus» («Սրտի և տան համար») քնարերգությունը վերահրատարակավել է մի քանի անգամ (3-րդ հրատարակվել է 1892 թվականին Ռեգենսբուրգում)։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 Czech National Authority Database
↑ ^3,0 ^3,1 Hyacinth Holland. Bonn, Franz // Allgemeine Deutsche Biographie. — 1903. — Bd. 47. — S. 105-106.

Արտաքին հղումներ[խմբագրել | խմբագրել կոդը]

«Мюнхберг»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ։ 1890–1907

[_1fb49d10980785a8-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_f8ce61c33570bd1f-2] 2,0 ^2,1 ^2,2 ^2,3 Czech National Authority Database

[Hyacinth_Holland_1903-3] 3,0 ^3,1 Hyacinth Holland. Bonn, Franz // Allgemeine Deutsche Biographie. — 1903. — Bd. 47. — S. 105-106.

[1]

[2]

[3]