Ֆրանկո Մարիա Մալֆատի

	Ֆրանկո Մարիա Մալֆատի; իտալ.՝ Franco Maria Malfatti
Կուսակցություն՝	Քրիստոնյա-դեմոկրատական կուսակցություն
Մասնագիտություն՝	քաղաքական գործիչ, լրագրող և դիվանագետ
Դավանանք	կաթոլիկություն
Ծննդյան օր	հունիսի 13, 1927
Ծննդավայր	Հռոմ, Իտալիա
Վախճանի օր	դեկտեմբերի 10, 1991 (64 տարեկան)
Վախճանի վայր	Հռոմ, Իտալիա
Թաղված	Սանտա Կրոչե եկեղեցի
Քաղաքացիություն	Իտալիա և Իտալիայի թագավորություն
Ի ծնե անուն	իտալ.՝ Franco Maria Malfatti
Պարգևներ
Franco Maria Malfatti

Ֆրանկո Մարիա Մալֆատի դի Մոնտետրետո (իտալ.՝ Franco Maria Malfatti di Montetretto, հունիսի 13, 1927(1927-06-13)^[1], Հռոմ, Իտալիա - դեկտեմբերի 10, 1991(1991-12-10)^[1], Հռոմ, Իտալիա), իտալացի պետական գործիչ, Եվրոպական հանձնաժողովի նախագահ (1970-1972), Իտալիայի արտաքին գործերի նախարար (1979-1980։

Կենսագրություն[խմբագրել | խմբագրել կոդը]

1951 թվականից Իտալիայի Քրիստոնեա-դեմոկրատական կուսակցության անդամ, «Nuove Cronache» խմբի ներկայացուցիչ, որը գլխավորում է Ամինտորե Ֆանֆանին։ 1958 թվականից Ազգային խորհրդարանի պատգամավորների պալատի անդամ։

1963-1964 և 1966-1968 թթ.՝ արդյունաբերության և առևտրի նախարարի տեղակալ,
1968 թ.՝ արտաքին գործերի նախարարի տեղակալ,
1968-1969 թթ.՝ բյուջեի հարցերով պետական քարտուղար,
1969-1970 թթ.՝ պետական գույքի հարցերով նախարար,
1970 թվական՝ Իտալիայի փոստի և հեռահաղորդակցության հարցերով նախարար,
1970-1972 թթ.՝ Եվրոպական հանձնաժողովի նախագահ, միաժամանակ՝ Իտալիայի եվրոկոմիսար։ Հենց նրա պաշտոնավարման ընթացքում ավարտվեցին բանակցությունները Մեծ Բրիտանիայի, Իռլանդիայի, Դանիայի և Նորվեգիայի Եվրամիություն մտնելու մասին։ Նաև որոշվել էր դրամավարկային քաղաքականության տնտեսական ինտեգրման և համակարգման ուժեղացման մասին հարցը։ Հրաժարական է տվել, որպեսզի օգնի Քրիստոնեա-դեմոկրատական կուսակցությանը համընդհանուր ընտրություններին նախապատրաստվելու համար։
1972-1973 թթ.՝ Պատգամավորների պալատի բյուջեի և ֆինանսների կոմիտեի նախագահ,
1973-1978 թթ.՝ կրթության և գիտության նախարար,
1978-1979 թթ.՝ ֆինանսների նախարար,
1979-1980 թթ.՝ արտգործնախարար։ Հրաժարական է տվել առողջական խնդիրների պատճառով։

1987 թվականին Եվրոխորհրդի և Արևմտաեվրոպական միության նիստերին եղել է Իտալիայի խորհրդարանական պատվիրակության ղեկավար, 1989 թվականից՝ քրիստոնյա դեմոկրատների քաղաքական քարտուղարության ղեկավար։

Նրա ընտանիքը Պերուջիայի համալսարանին որպես պարգև փոխանցել է իրենց մեծ գրադարանը։

Մրցանակներ[խմբագրել | խմբագրել կոդը]

Մեծ խաչ շքանշանի ասպետ «Իտալական Հանրապետությանը մատուցած ծառայությունների համար» (1970 թվականի դեկտեմբերի 24)^[2]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Munzinger Personen (գերմ.)
↑ Cavaliere di Gran Croce Ordine al Merito della Repubblica Italiana On.Dott. Franco Maria Malfatti(իտալ.)

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Ֆրանկո Մարիա Մալֆատի» հոդվածին։

[_74caa2a55de71ca8-1] 1,0 ^1,1 ^1,2 ^1,3 ^1,4 Munzinger Personen (գերմ.)

[2] Cavaliere di Gran Croce Ordine al Merito della Repubblica Italiana On.Dott. Franco Maria Malfatti(իտալ.)

[1]

[2]