Օրդուբադյան սևամարմին

Վիքիպեդիայից՝ ազատ հանրագիտարանից
Jump to navigation Jump to search
Օրդուբադյան սևամարմին
Գիտական դասակարգում
Թագավորություն Կենդանիներ
Բաժին Միջատներ
Ընտանիք Գնայուկ բզեզներ
Տեսակ Օրդուբադյան սևամարմին
Լատիներեն անվանում
Adelphinus ordubadensis


Օրդուբադյան սևամարմին (լատ.՝ Adelphinus ordubadensis), սևամարմինների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

6-8,5 մմ երկարությամբ, չափավոր ուռուցիկ, թույլ փայլուն մարմնով, նեղ առաջնամեջքով և գրեթե զուգահեռակող, չափավոր լայն վերնաթևերով մանր չափի բզեզ է, որի գունավորումն ամբողջովին սև է, երբեմն սև երկայնակի զոլով վերնափևերը կարող են լինել դարչնագույն կամ շիկակարմիր[1]։

Տարածվածություն[խմբագրել | խմբագրել կոդը]

Հանդիպում է Հայաստանում, Նախիջևանի Ինքնավար Հանրապետությունում: Հայաստանում հայտնի է Երևանի մոտակայքում` Ջրվեժ ավանի մոտ գտնվող կիրճում, ինչպես նաև Հացավան գյուղի շրջակայքում (Կոտայքի մարզ)[1]:

Էկոլոգիա[խմբագրել | խմբագրել կոդը]

Ապրում են տարբեր տեսակի կիսաանապատներում, չոր լեռնատափաստանում, հանդիպում՝ մայիս-հուլիսին՝ ցերեկը քարերի տակ, մթնշաղին բարձրանում են բուսականության վրա:

Կենսաբանության առանձնահատկությունները հայտնի չեն[1]։

Պահպանություն[խմբագրել | խմբագրել կոդը]

Սահմանափակ արեալով հազվագյուտ տեսակ է: Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ:

Թվաքանակը ցածր է, հանդիպում են հատուկենտ, թվաքանակի փոփոխության միտումները հայտնի չեն:

Վտանգման հիմնական գործոն է հանդիսանում քաղաքային ենթակառուցվածքի զարգացմամբ, հողերի գյուղատնտեսական յուրացմամբ, անասունների չկարգավորված արածեցմամբ պայմանավորված էկոհամակարգերի քայքայումը։

Պահպանության միջոցառումներ չեն իրականացվում[1]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6