Օսակայի բորսա
| Բնագավառ | financial instruments exchange, Բորսա  | |
|---|---|---|
| Ստեղծում | 1 Ապրիլի 1949 | |
| Երկիր | Ճապոնիա | |
| Վարչատարածքային միավոր | • Օսակա • Chūō-ku • Kitahama | |
| Կազմակերպչաիրավական ձև | կաբուսիկի գայսյա | |
| Սեփականատեր | Japan Exchange Group | |
| Վերադաս կազմակերպություն | Japan Exchange Group | |
| Գլխամասի վայր | Osaka Stock Exchange Building, Օսակա | |
| Նախորդողը | Osaka Stock Exchange | |
| Product or material produced or service provided | ֆոնդային բորսա | |
| Պաշտոնական կայք | link | |
Օսակայի բորսա (ճապ.՝ 株式会社大阪取引所 Kabushiki-gaisha Ōsaka Torihikijo), նախկինում՝ Օսակայի արժեթղթերի բորսա (ճապ.՝ 株式会社大阪証券取引所 Kabushiki-gaisha Ōsaka Shōken Torihikijo), ածանցյալ գործիքների ամենամեծ ֆյուչերսային բորսան է Ճապոնիայում՝ զբաղվող բիզնեսի ծավալով։
2007 թվականի 31 Դեկտեմբերի դրությամբ Օսակայի արժեթղթերի բորսան ուներ 477 ցուցակված ընկերություն՝ 212 միլիարդ դոլար ընդհանուր շուկայական կապիտալիզացիայով[1]։ Nikkei 225 Futures-ը, որը ներկայացվել է 1988 թվականին Օսակայի արժեթղթերի բորսայում, այժմ հանդիսանում է միջազգայնորեն ճանաչված ֆյուչերսների ինդեքս։ Ի տարբերություն Տոկիոյի ֆոնդային բորսայի, որը հիմնականում զբաղվում է տեղում առևտրով, Օսակայի արժեթղթերի բորսայի հզորությունը ածանցյալ ապրանքների մեջ է։ ՕԲ-ն ածանցյալ գործիքների առաջատար բորսան է Ճապոնիայում և այն եղել է աշխարհի ամենամեծ ֆյուչերսային շուկան 1990 և 1991 թվականներին։ 2003 թվականի վիճակագրության համաձայն՝ Օսակայի ֆոնդային բորսան սպասարկել է Ճապոնիայի բաժնետոմսերի գների ինդեքսի ֆյուչերսների շուկայի 59%-ը և օպցիոնների շուկայի առևտրի գրեթե 100%-ը։ Օսակայի արժեթղթերի բորսան, որը 2004 թվականի ապրիլին ցուցակագրվել է իր ստարտափների համար՝ Hercules շուկայում, միակ ճապոնական արժեթղթերի բորսան է, որը հանրայնացվել է սեփական շուկայում։
2006 թվականի հուլիսին ՕԲ-ն թողարկեց իր նորագույն Nikkei 225 mini ֆյուչերսային պայմանագիրը, որը կազմում է Nikkei 225-ի սկզբնական ֆյուչերսային պայմանագրի մեկ տասներորդը և մեծ ժողովրդականություն է վայելում ճապոնացի անհատ ներդրողների շրջանում։
2007-ի սեպտեմբերին ՕԲ-ն բացել է ֆոնդային ինդեքսի ֆյուչերսների և օպցիոնների երեկոյան նստաշրջանը։ Առևտրի ժամերը 16:30-ից 19:00-ն է (7:30-ից 10:00-ը ըստ Գրինվիչի)[2]։ 2012 թվականի հուլիսին Ճապոնիայի Արդար առևտրի հանձնաժողովը հավանություն է տվել Տոկիոյի ֆոնդային բորսայի հետ Նախատեսվող միաձուլմանը[3]։ Այսօր, չնայած իր անվանը, Օսակայի ֆոնդային բորսայում սակարկություններն ընթանում են Տոկիոյում։
Պատմություն[խմբագրել | խմբագրել կոդը]
Արժեթղթերի բորսաների ծագումը սկիզբ է առել Էդոյի ժամանակաշրջանից, երբ Օսակայում, որն այն ժամանակ Ճապոնիայի տնտեսական կենտրոնն էր, ստեղծվեց բրնձի և այլ մշակաբույսերի փոխանակում։ Յուրաքանչյուր պրեֆեկտուրա Օսակայում բացեց իր սեփական պահեստները՝ իր բրինձը (որը հարկվելում էր կառավարության կողմից) առաքելու, պահելու և վաճառողներին վաճառելու համար։ Ամենահայտնի վաճառականներից էր «Յոդոյան», որը հիմնված էր Յոդոյաբաշիի տարածքի հարավային մասում։ Որոշ այլ վաճառականներ աստիճանաբար հավաքվեցին մեկ շուկա ստեղծելու համար։ Այս շուկան կոչվում էր «Յոդոյա-Կոմեյչի» և հանդիսանում էր առաջին արժեթղթերի բորսան ազգում։
Ավելի ուշ այս շուկան 1697 թվականին տեղափոխվել է Դոջիմա։ Այսպես կոչված «Dōjimakomekaisho»-ն ֆիզիկական շուկա էր, որը առևտուր էր անում բրնձի տոմսերի կամ ֆիզիկական բրնձի մեջ։ 1716 թվականին Cho-gomai գործարքները ներդրվեցին և ճանաչվեցին կառավարության կողմից 1730 թվականին։ Վերջինս, կարելի է ասեկ, որ սա Ճապոնիայում ֆյուչերսային գործարքների ծագումն է։
Ժամանակագրություն[խմբագրել | խմբագրել կոդը]
- 1878 թվականի հունիս - հիմնադրվեց Օսակայի ֆոնդային բորսան։
- 1943 թվականի հունիս - Խաղաղ օվկիանոսի պատերազմի ժամանակ բորսան դարձավ Օսակայում Ճապոնական արժեթղթերի բորսայի ստորաբաժանում։
- 1945 թվականի օգոստոս - Ճապոնական արժեթղթերի բորսան դադարեցրեց իր գործունեությունը
- 1947 թվականի ապրիլ - Ճապոնական արժեթղթերի բորսան լուծարվեց։
- 1948 թվականի մայիս - ուժի մեջ մտավ արժեթղթերի և բորսաների մասին նոր օրենքը
- 1949 թվականի ապրիլ - հիմնադրվեց Օսակայի ֆոնդային բորսան
- 1951 թվականի հունիս - ներդրվեց վարկային գործառնությունների համակարգը
- 1956 թվականի ապրիլ - վերաբացվեց պարտատոմսերի շուկան
- 1961 թվականի հոկտեմբեր - ստեղծվեց բաժնետոմսերի վաճառքի երկրորդ բաժինը
- 1970 թվականի մայիս - բացվեց փոխարկելի պարտատոմսերի շուկան
- 1973 թվականի հոկտեմբեր - բորսան դարձավ արժութային բորսաների միջազգային ֆեդերացիայի (FIBV) ասոցացված անդամ
- 1974 թվականի սեպտեմբեր - գործարկվեց համակարգչային շուկայի տեղեկատվական համակարգը
- 1982 թվականի ապրիլ - օտարերկրյա արժեթղթերի ընկերությունների անդամակցության սահմանադրական սահմանափակումները վերացվեցին։
- 1983 թվականի հունիս - բորսան դարձավ EASEC-ի անդամ (1990 թվականին՝ Արևելյան Ասիայի և Օվկիանիայի ֆոնդային բորսաների Ֆեդերացիա)։
- 1983 թվականի նոյեմբեր - ներդրվեց «հատուկ նշանակված թողարկումների» համակարգը, որը ստացավ «նոր Երկրորդ բաժին» անվանումը
- 1984 թվականի դեկտեմբեր - առաջին բաժնից ընտրված ներկայացուցչական թողարկումների համար ներդրվեց տասը րոպե շուտ բացման համակարգ։
- 1987 թվականի հունիսի 9 - սկսվեց «Osaka Stock Futures 50 (OSF50)»–ի վաճառքը
- 1988 թվականի սեպտեմբեր - սկսվեց NIKKEI Stock Average ինդեքսի ֆյուչերսների առևտուրը (Nikkei 225 Futures):
- 1988 թվականի հոկտեմբեր - գործարկվեց osf50 և Nikkei 225 ֆյուչերսների համակարգչային առևտրային համակարգը
- 1989 թվականի հունիս - սկսվեց NIKKEI Stock Average (Nikkei 225 Options) օպցիոնների առևտուրը։
- 1989 թվականի դեկտեմբեր - գործարկվեց Nikkei 225 ընտրանքների համակարգչային առևտրային համակարգը
- 1991 թվականի մարտ - շահագործման հանձնվեց բաժնետոմսերի համակարգչային առևտրային համակարգը
- 1991 թվականի մայիս - բորսան դարձավ IAOECH-ի անդամ (1993 թվականին ՝ օպցիոնների շուկաների միջազգային ասոցիացիայի)
- 1991 թվականի դեկտեմբեր - բացվեց երկրի ֆոնդային շուկան։
- 1992 թվականի հունվար - բորսան նամակ է ստացել ԱՄՆ ապրանքային ֆյուչերսների առևտրի հանձնաժողովից (CFTC) ՝ հրաժարվելով միջոցներ ձեռնարկել Nikkei 225 ֆյուչերսային պայմանագրով։
- 1992 թվականի մարտ - «ՕՍՖ 50» -ը դադարեցրեց իր ֆյուչերսային պայմանագրերի առևտուրը (օսֆ 50-ի առևտուրը դադարեցվեց 1992 թվականի մարտի 20-ին)։
- 1992 թվականի ապրիլ – Ճապոնիայի արժեթղթերի դեպոզիտար կենտրոնի (JASDEC) Օսակայի գրասենյակը սկսեց իր գործունեությունը ՕԲ-ում
- 1994 թվականի փետրվար - սկսվեց NIKKEI 300 (Nikkei 300 Futures / Options) ֆոնդային ինդեքսի ֆյուչերսների և օպցիոնների առևտուրը։
- 1994 թվականի մայիս - բորսան նամակ է ստացել ԱՄՆ ապրանքային ֆյուչերսների առևտրի հանձնաժողովից (CFTC)՝ հրաժարվելով միջոցներ ձեռնարկել Nikkei 300 ֆյուչերսային պայմանագրով։
- 1994 թվականի հոկտեմբեր - բորսան դարձավ արժեթղթերի հանձնաժողովների միջազգային կազմակերպության (IOSCO) փոխկապակցված անդամ
- 1995 թվականի մայիս - սկսվեցին «Nikkei 300» ֆոնդային ինդեքսի սակարկությունները։
- 1996 թվականի հունվար - ներդրվեց «նոր շուկա» համակարգ, որտեղ «թողարկումները ցուցակվում են այլընտրանքային ցուցակման չափանիշների համաձայն»
- 1996 թվականի ապրիլ - սկսվեց Nikkei 300 ինդեքսի ֆյուչերսների առևտուրը միջամսյա տարածմամբ։
- 1996 թվականի հոկտեմբեր - ստեղծվեց արտասահմանյան ֆոնդային շուկան
- 1997 թվականի մայիս - սկսվեց Nikkei 225 ինդեքսի ֆյուչերսների առևտուրը միջամսյա տարածմամբ
- 1997 թվականի հուլիս - սկսվեց բաժնետոմսերի օպցիոնների առևտուրը
- 1997 թվականի դեկտեմբերի 8 – Շուկան բաժնետոմսերի համար փակվել է և ամբողջությամբ տեղափոխվել համակարգչային առևտրային համակարգ
- 1997 թվականի դեկտեմբեր - գործարկվեց խաչաձև առևտրի համակարգը (խոշոր խմբաքանակներով գործարքների, փակման գնով կատարման և զամբյուղի գործարքների համար)։
- 1998 թվականի հունիս - սկսվեց արդյունաբերության ինդեքսների ֆյուչերսների և օպցիոնների առևտուրը (այդ ապրանքների առևտուրը դադարեցվեց 2000 թվականի նոյեմբերի 30-ին)
- 1998 թվականի դեկտեմբեր - ստեղծվեց շուկայի նոր բաժին։
- 1999 թվականի հունվար- բացվեց J-NET շուկան
- 1999 թվականի մարտ - վերացվեցին «արժեթղթերի գործարքների հարկը և փոխանակման հարկը»։
- 1999 թվականի հունիս - Չիկագոյի ապրանքային բորսայի հետ կնքվեց SPAN-ի օգտագործման լիցենզային պայմանագիր։
- 1999 թվականի հուլիս - բորսան նամակ է ստացել ԱՄՆ արժեթղթերի և բորսայի հանձնաժողովից (SEC) ՝ մերժելու Nikkei 225, Nikkei 300 տարբերակների և բաժնետոմսերի օպցիոնների վերաբերյալ գործողությունները
- 1999 թվականի հուլիս - ավարտվեց ՕԲ-ի սակարկությունների ամբողջական համակարգչայնացումը
- 1999 թվականի հոկտեմբեր - ստեղծվեց OSE ED-NET էլեկտրոնային բացահայտման համակարգը
- 1999թվականի ն ոյեմբեր - ներդրվեց քլիրինգի կազմակերպման մեթոդը։
- 1999 թվականի նոհեմբեր - սկսվեցին ֆոնդային ինդեքսների ֆյուչերսների և օպցիոնների խոշոր փաթեթների ոչ աճուրդային առևտուրը
- 1999 թվականի դեկտեմբեր - հայտարարվեց Ճապոնիայում ՆԱՍԴԱՔ շուկայի ստեղծման մասին համաձայնագրի կնքման մասին։
- 2000 թվականի փետրվար - ստեղծվեց մասնավոր ֆինանսական նախաձեռնությունների (PFI) շուկան
- 2000 թվականի մայիս - ստեղծվեց ՆԱՍԴԱՔ շուկան Ճապոնիայում
- 2000 թվականի հունիս - սկսվեց ՆԱՍԴԱՔ-ի առևտուրը Ճապոնիայում
- 2007 թվականի օգոստոս - Բորսայական ֆոնդը՝ կապված ոսկու գնի հետ, գրանցվել է ՕԲ-ում (առաջին դեպքը ճապոնական շուկայում, Բացի ֆոնդային բորսայական ֆոնդից)[1]:
- 2007 թվականի սեպտեմբեր - ներդրվեց երեկոյան նստաշրջան բոլոր ֆոնդային ինդեքսների ֆյուչերսների և օպցիոնների համար։
- 2007 թվականի հոկտեմբեր – SSE50-ի հետ կապված բորսայական ֆոնդը ցուցակված է ՕԲ-ում (Առաջին դեպքը վերաբերվել է արտասահմանյան ֆոնդային շուկայի ինդեքսը ճապոնական շուկայում, բացի ֆոնդային բորսայում վաճառվող ֆոնդից)։
- 2012 թվականի հուլիս – Ճապոնիայի արդար առևտրի հանձնաժողով հաստատել է ՕԲ-ի պլանավորված միաձուլումը Տոկիոյի ֆոնդային բորսայի հետ։
- 2013 թվակաի հունվար - ՕԲ-ն և Տոկիոյի բորսան միավորվեցին՝ ձևավորելով Ճապոնական ֆոնդային խումբը (ճապ.՝ 日本取引所グループ Nihon Torihikijo Gurūpu).
Ծանոթագրություններ[խմբագրել | խմբագրել կոդը]
- ↑ Number of Listed Companies and Total Market Cap, Osaka Securities Exchange page on Wikinvest
- ↑ Market Hours, Osaka Stock Exchange via Wikinvest
- ↑ «Japan approves merger of Tokyo and Osaka exchanges». BBC News. 2012 թ․ հուլիսի 5. Արխիվացված օրիգինալից 2012 թ․ հուլիսի 5-ին. Վերցված է 2012 թ․ հուլիսի 7-ին.
Արտաքին հղումներ[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Օսակայի բորսա կատեգորիայում։ |