Օդագնացների զբոսայգի (Դոնի Ռոստով)
 ռուս.՝ Парк Авиаторов | |
|---|---|
| Տեսակ | պուրակ |
| Երկիր |  Ռուսաստան |
| Վարչատարածք | Դոնի Ռոստով |
| Տեղագրություն | Շոլոխովի պողոտա |
  | |
.svg) | |
Օդագնացների զբոսայգի (ռուս.՝ Парк Авиаторов), քաղաքային անտառների տեսակի տարածք Ռուսաստանի Դաշնության Դոնի Ռոստով քաղաքի Պերվոմայսկի շրջանում[1], Շոլոխովի պողոտայում[2]։
Պատմություն[խմբագրել | խմբագրել կոդը]
Խորհրդային Միության տարիներին զբոսայգու տարածքում անցկացվել են տարբեր միջոցառումներ, այդ թվում և մարզական ուղղվածության։ Այն ժամանակ այստեղ ստեղծվել է ասֆալտապատ ճանապարհ, որը մինչև XXI դար հասել է բավական վատ վիճակում։ 2013 թվականին ասֆալտապատվել է այգու 1400-մետրանոց տարածքը, տեղադրվել են նստարաններ և աղբամաններ։ Հանգստյան օրերին զբոսայգի է այցելում շուրջ 1000 մարդ։ Կամավորները զբոսայգու տարածքում տնկում են պտղատու ծառեր, լորենիներ, թխկիներ և կեչիներ։ Այգու տարածքում չկա զուգարան, ինչպես նաև բացակայում է ամբողջ տարածքի լիարժեք լուսավորությունը[1]։
Օդագնացների զբոսայգում տեղադրվել է «Ռոստովի երկնքի պաշտպաններին» հուշարձանը։ 2015 թվականին այդ օբյեկտի վերանորոգման աշխատանքների և վերականգնման համար հատկացվել է շուրջ 6,5 միլիոն ռուբլի։ 2016 թվականին Դոնի Ռոստովի Պերվոմայսկի շրջանի բարեկարգման վարչությունը հայտարարել է նշված աշխատանքների կատարման կապալառուի ընտրության մրցույթ։ Ենթադրվում է, որ աշխատանքները պետք է տարվեն հուշակոթողի կազմի մեջ մտնող բոլոր օբյեկտներում, պետք է վերանորոգվեն սյունը, կոթողը և երեք պիլոն-կոթողները, որոնք գտնվում են զբոսայգում։ Պատերը պետք է երեսպատվեն գրանիտով, հին սվաղը քերվել է, կարգի է բերվել լուսավորությունը[3]։
2016 թվականի մայիսին հայտնի դարձավ զբոսայգում հեծանվապարկ ստեղծելու մտադրությունների մասին։ Այդ նպատակով զբոսայգու տարածքում պետք է ստեղծվեն հեծանիվ վարելու համար անհրաժեշտ ենթակառուցվածքներ, վայրեր, որտեղ կարելի է կազմակերպել ընտանեկան հանգիստն ու զբաղվել սպորտով[1]։ 2017 թվականին տեղեկություն հայտնվեց, որ Օդագնացների զբոսայգին վերակառուցելու համար փնտրվում են ներդրողներ[4]։ 2017 թվականի ապրիլի 1-ին զբոսայգում կազմակերպվել է էկոմարաթոն, որի նպատակն է տարածքը մաքրել աղբից և տնկել նոր ծառեր[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «В парке Авиаторов создают велопарк, но вкладывать в него деньги и силы желающих мало». www.donnews.ru (ռուսերեն). Վերցված է 2020 թ․ հուլիսի 23-ին.В парке Авиаторов создают велопарк, но вкладывать в него деньги и силы желающих мало
- ↑ 2,0 2,1 правды», Александр СТЕПАНОВ | Сайт «Комсомольской (2017 թ․ մարտի 30). «1 апреля в Ростове-на-Дону пройдет экомарафон». KP.RU - сайт «Комсомольской правды» (ռուսերեն). Վերցված է 2020 թ․ հուլիսի 23-ին.
- ↑ На реставрацию мемориала «Защитникам Ростовского неба» в парке Авиаторов потратят 8,3 млн рублей
- ↑ «В Ростове в ближайшие годы появятся новые парки и скверы». Деловое сообщество (ռուսերեն). 2017 թ․ մարտի 13. Արխիվացված է օրիգինալից 2020 թ․ հուլիսի 23-ին. Վերցված է 2020 թ․ հուլիսի 23-ին.