Օբուդայի համալսարան

Օբուդայի համալսարան; լատ.՝ Universitas Budensis, հունգ.՝ Óbudai Egyetem և անգլ.՝ Óbuda University
Տեսակ	համալսարան և academic publisher?
Հիմնադրված է	հունվարի 1, 2010
Ռեկտոր	Levente Kovács?
Անդամակցություն	Եվրոպայի համալսարանների միություն
Երկիր	Հունգարիա
Տեղագրություն	Բուդապեշտ
Կայք	uni-obuda.hu(հունգարերեն)
	Օբուդայի համալսարան, Հունգարիա
	Óbuda University Վիքիպահեստում

Օբուդայի համալսարան^[2] (հունգ.՝ Óbudai Egyetem, լատ.՝ Universitas Budensis), Բուդապեշտի բարձրագույն տեխնիկական ուսումնական հաստատություն, հիմնադրվել է 2000 թվականին, որպես Բուդապեշտի տեխնիկում։ 2010 թվականին համալսարանը վերանվանվել է հին քաղաքի` Օբուդայի անունով, որն այսօր Հունգարիայի մայրաքաղաքի շրջաններից մեկն է։ Ուսումնական կենտրոնը ստեղծվել է երեք պոլիտեխնիկական ինստիտուտների` Դոնաթ Բանկիի տեխնիկական քոլեջի, Կալման Կանդոյի տեխնիկական քոլեջի և Թեթև արդյունաբերության քոլեջի միավորումից։ Ունենալով 13.000 ուսանող` Օբուդայի համալսարանը համարվում է երկրի մեծագույն տեխնիկական համալսարաննեից մեկը^[3]։ Բուհը հաջողությամբ ավարտած ուսանողներն ստանում են միջազգային մակարդակով ընդունված դիպլոմ։ Դասավանդողների 40 %-ն ունեն գիտությունների թեկնածուի աստիճան։ Համալսարանն ունի լայն միջազգային կապեր. համալսարանից յուրաքանչյուր տարի ավելի քան 100 ուսանող ուղարկվում են վերապատրաստման եվրոպական այլ երկներ։

Պատմություն[խմբագրել | խմբագրել կոդը]

1370 թվականի վերջին Հունգարիայի Լյուդվիգ I Մեծ թագավորն սկսել է ապագա համալսարանի շենքի մեծածավալ շինարարությունը։ 1395 թվականի հոկտեմբերի 6-ին, տեղական իշխանությունների խնդրանքով, Հռոմի Պապ Բոնիֆաս IX-ն Օբուդայի համալսարանի հիմնադրման մասին հրաման է արձակում. թույլտվությունն արտոնում էր չորս ֆակուլտետներից բաղկացած համալսարան ստեղծել։ Նոր բուհը ներառում էր աստվածաբանության, կանոնիկ իրավունքի, բժշկության և հումանիտար գիտությունների ֆակուլտետներ։ Ստեղծման պահից սկսած Օբուդայի համալսարանը սերտորեն կապված էր Վիեննայի համալսարանի նոր ամբիոնների հետ։