Ծնվել է Նյոնում։ Ֆուտբոլով զբաղվել սկսել է տեղի «Ռոլլ» ակումբում։ 2000 թվականին տեղափոխվել է «Լոզանայի» երիտասարդական ակումբ, այնուհետև 2004 թվականին՝ «Վերդեր» ֆուտբոլային ակումբի ակադեմիա։ 2007/08 մրցաշրջանում նա մարզվել էր «Վերդեր II» ֆարմ-ակումբում, որի կազմում նա անցկացրել է երկու խաղ։ Ֆիկենտշերը չի կարողացել ընդգրկվել ակումբի առաջին կազմում։ Այդ պատճառով նա վերադարձել է Շվեյցարիա և պայմանագիր կնքել «Լա Շո դե Ֆոն» ակումբի հետ, որտեղ անցկացրել է մեկ մրցաշրջան՝ մասնակցելով 27 խաղի։ 2009 թվականին Ֆիկենտշերը տեղափոխվել է «Սյոն», որի կազմում անցկացրել է միայն մի քանի խաղ՝ չկարողանալով տեղ գրավել թիմի հիմնական կազմում։ Չորս մրցաշրջան Ֆիկենտշերն անցկացրել է «Սյոն II» պահեստային ֆարմ-ակումբում։ 2013 թվականի ամռանը նա վարձավճարով տեղափոխվել է «Լոզանա» երկու տարով[2][3]։ Պայմանագրի ժամկետի ավարտից հետո նա 2015 թվականին վերադարձել է «Սյոն»։