Քրիստինա Կոզել

Վիքիպեդիայից՝ ազատ հանրագիտարանից
Քրիստինա Կոզել
Ծնվել էփետրվարի 7, 1984(1984-02-07) (40 տարեկան)
ԾննդավայրՍնով, Նիսվիժ, Մինսկի մարզ, Բելառուսական ԽՍՀ, ԽՍՀՄ
Քաղաքացիություն Բելառուս
ԿրթությունԲելառուսի տեխնիկական ազգային համալսարան
Մասնագիտությունհեռուստահաղորդավարուհի
ԱմուսինԵվգենի Յաբլոնսկիյ

Քրիստինա Պետրովնա Կոզել (բելառուս․՝  Крысцiна Пятроўна Ко́зел, փետրվարի 7, 1984(1984-02-07), Սնով, Նիսվիժ, Մինսկի մարզ, Բելառուսական ԽՍՀ, ԽՍՀՄ), բելառուս հեռուստահաղորդավարուհի[1], բլոգեր, ֆուտբոլի մասին առաջին համացանցային ծրագրի հեղինակ[2], որը թողարկվել է նաև հեռուստատեսությամբ։ Առաջին կին հեղինակը[3] և բելառուսական հեռուստատեսության «Կոզելը ֆուտբոլի մասին» սպորտային ֆուտբոլային ծրագրի վարողը, որը կոչվել է հեղինակի անունով։

Կենսագրություն[խմբագրել | խմբագրել կոդը]

Քրիստինան ծնվել է 1984 թվականի փետրվարի 7-ին Մինսկի շրջանի Նեսվիժսկի շրջանում։ Հայրը՝ Կոզել Պյոտր Նիկոլաևիչը, մշակույթի աշխատող և ռեժիսոր է, իսկ մայրը՝ Գացկևիչ Նադեժդա Իոսիֆովնան, «Կրկին» ագրոկոմբինատի աշխատող։ Հայրը մանկուց Քրիստինային ծանոթացրել է ֆուտբոլի հետ և նրան հատուկ վերաբերմունք ու սեր է ներարկել այդ մարզաձևի նկատմամբ[4]։ Սովորել է Սոսնովի միջնակարգ դպրոցում, որն ավարտել է ոսկե մեդալով։ Դասվել է դպրոցի լավագույն շրջանավարտների շարքին[5]։ Ավարտել է Սնովսկի երաժշտական դպրոցի դաշնամուրի դասարանը[6]։ Ստացել է 3 բարձրագույն կրթություն՝ «համաշխարհային տնտեսագիտություն և միջազգային տնտեսական հարաբերություններ» (Բելառուսի տեխնիկական ազգային համալսարան), «պետական կառավարում և իրավունք» (աշխատանքային հարաբերություններ սպորտի ոլորտում)՝ հանրապետության նախագահին առընթեր կառավարման ակադեմիայում և «մարզական լրագրություն» մասնագիտություններով՝ (ԲՊՀ-ում)։

Կարիերա[խմբագրել | խմբագրել կոդը]

Լրագրողական կարիերան սկսել է որպես «Ամեն ինչ ֆուտբոլի մասին» աշխատանքային թերթի թղթակից[7]։ Ի սկզբանե մասնագիտացել է երիտասարդական թիմերում, այնուհետև կատարել է ռեպորտաժներ եվրոպական խաղերից, նյութեր ազգային թիմի խաղերի վերաբերյալ և հարցազրույցներ հայտնի ֆուտբոլիստների հետ։ 2012 թվականին նա Բելառուսի ազգային հեռուստառադիոընկերությունում անցել է հեռուստահաղորդավարների քասթինգ։ Ինչպես նաև սպորտային նորությունների տնօրինության վերապատրաստում, որից հետո 2012 թվականի սեպտեմբերին աշխատանքի է անցել «Համացանց՝ ТВ» ընկերության բելառուսական ռադիոընկերության մասնաճյուղում, որտեղ 2013 թվականի մարտից սկսել է «Կոզելը ֆուտբոլի մասին» հեղինակային ծրագիրը՝ հայտնվելով համցանցային ձևաչափով, որտեղ Քրիստինա Կոզելը հանդես է եկել որպես հաղորդավարուհի։

2013 թվականին աշխատել է ազգային պետական հեռուստառադիոընկերության հեռուստատեսային և համցանցային նորությունների գործակալության տնօրինությունում։ Բելառուսական ֆուտբոլի մասին հեղինակային ծրագիրը՝ «Կոզելը ֆուտբոլի մասին», սկսել է ամեն շաբաթ հեռուստատեսությունում հեռարձակվել «Բելառուս 5» հեռուստաալիքով՝ պահպանելով նաև համացանցային ձևաչափը։ Ծրագիրը առաջինն է եղել բելառուսական հեռուստատեսության պատմության մեջ, որը համացանցային տարածությունից գնացել է հեռուստատեսային։ 6 եթերաշրջանների ընթացքում Քրիստինա Կոզելը մնացել է ծրագրի հաղորդավարն ու հեղինակը։ Սա Բելառուսի հեռուստատեսության միակ սպորտային ծրագիրն է[8], որը պատմում է բացառապես ֆուտբոլի մասին։

2019 թվականի հունիսին Քրիստինա Կոզելը գործարկել է ևս մեկ՝ «Ֆուտբոլկա» հեղինակային և համացանցային նախագիծը[9]։ Թողարկումները թողարկվել են նույնանուն Youtube ալիքում, հարցազրույցի ձևաչափով։ Առաջին եթերաշրջանի հյուրերն եղել են ֆուտբոլային աշխարհի այնպիսի հայտնի մարդիկ, ինչպիսիք են Իգոր Շիտովը, Յան Տիգորևը, Ալեքսեյ Բագան, Իվան Մաևսկին, Եգոր Ֆիլիպենկոն, Պյոտր Կաչուրոն, Սերգեյ Գուրենկոն և այլն։

Անձնական կյանք[խմբագրել | խմբագրել կոդը]

Ամուսնացել է[10] բելառուս ֆուտբոլիստ, Բելառուսի ֆուտբոլի ազգային հավաքական և ԲԱՏԷ ՖԱ բորիսովյան ակումբի խաղացող Եվգենի Յաբլոնսկու հետ։ Ունի դուստր՝ Վերան։

Ծանոթագրություն[խմբագրել | խմբագրել կոդը]

  1. ↑ «Телеведущая Кристина Козел». www.tvr.by. Արխիվացված է օրիգինալից 2019 թ․ սեպտեմբերի 5-ին. Վերցված է 2020 թ․ ապրիլի 3-ին.
  2. ↑ Adrien Laëthier (2015 թ․ հուլիսի 27). «On a discuté avec Kristina Kozel, journaliste à la télévision biélorusse» (ֆրանսերեն). Footballski. Վերցված է 2020 թ․ ապրիլի 3-ին.
  3. ↑ «Кристина Козел: «Во «Всё о футболе» мне предлагали взять мужской псевдоним»». BY.Tribuna.com. Վերցված է 2020 թ․ ապրիլի 3-ին.
  4. ↑ «Кристина Козел: «Я бы массово сгоняла школьников и военных на футбол»». BY.Tribuna.com. Վերցված է 2020 թ․ ապրիլի 3-ին.
  5. ↑ «Козел Кристина Петровна - Знаменитые выпускники - ГУО "Сновская средняя школа"». xn--b1avdk.xn----8sbafcoeer1c5bfp.xn--90ais. Արխիվացված է օրիգինալից 2021 թ․ հունվարի 29-ին. Վերցված է 2020 թ․ ապրիլի 3-ին.
  6. ↑ «Знакомство с автором и ведущей проекта "Козел про футбол"» (ռուսերեն). Telegraf.by. 2013 թ․ հուլիսի 10. Արխիվացված է օրիգինալից 2021 թ․ հունվարի 29-ին. Վերցված է 2020 թ․ ապրիլի 3-ին.
  7. ↑ «Телеведущая Кристина Козел уверяет, что футбол в Беларуси есть» (ռուսերեն). SB.BY. 2016 թ․ հունիսի 10. Վերցված է 2020 թ․ ապրիլի 3-ին.
  8. ↑ «100 поразительных и смешных фактов о белорусском футболе». UDF.BY | Новости Беларуси. Վերցված է 2020 թ․ ապրիլի 5-ին.
  9. ↑ «Журналистка Кристина Козел запускает новый проект — "Футболка"». Прессбол. Արխիվացված է օրիգինալից 2021 թ․ հունվարի 28-ին. Վերցված է 2020 թ․ ապրիլի 3-ին.
  10. ↑ «Тренер БАТЭ — журналистке "Беларусь 5": Кристиночка, я сделаю все, чтобы ваш муж был в нормальном виде» (ռուսերեն). sport.tut.by. 2018 թ․ նոյեմբերի 4. Արխիվացված է օրիգինալից 2021 թ․ հունվարի 20-ին. Վերցված է 2020 թ․ ապրիլի 3-ին.

Արտաքին հղումներ[խմբագրել | խմբագրել կոդը]

 ⛭ 
  Ֆոտո, վիդեո և աուդիո
Ստացված է «https://hy.wikipedia.org/w/index.php?title=Քրիստինա_Կոզել&oldid=9363885» էջից