Քրիստիան Թուլին

Քրիստիան Թուլին
Ծնվել է	սեպտեմբերի 6, 1728
Ծննդավայր	Քրիստիանիա, Նորվեգիա
Վախճանվել է	հունվարի 21, 1765 (36 տարեկան)
Վախճանի վայր	Քրիստիանիա, Նորվեգիա
Մասնագիտություն	բանաստեղծ, գրող, գործարար և rådmand
Լեզու	նորվեգերեն
Քաղաքացիություն	Նորվեգիա
Կրթություն	Կոպենհագենի համալսարան
	Christian Braunmann Tullin Վիքիպահեստում

Քրիստիան Թուլին (անգլ.՝ Christian Braunmann Tullin, սեպտեմբերի 6, 1728(1728-09-06)^[1], Քրիստիանիա, Նորվեգիա - հունվարի 21, 1765(1765-01-21)^[1], Քրիստիանիա, Նորվեգիա), նորվեգացի բանաստեղծ, գործարար։ Նորվեգական գրականության առավել հայտնի դեմքերից։ Համարվում է Նորվեգիայի առաջին պրոֆեսիոնալ բանաստեղծներից մեկը, չնայած երբեք չի թողել պետական ծառայությունը^[2]։

Կենսագրություն

Քրիստիան Թուլինը ծնվել է Քրիստիանիայում (այժմ՝ Օսլո) 1728 թվականին։ Դեռևս մանկությունից շատ է ընթերցել։ Պատանի տարիքում Թուլինի ուսուցիչներից մեկը պատանու ուշադրությունը սևեռել է անգլիական գրականության վրա, որն ապագա բանաստեղծի վրա նկատելի ազդեցություն է ունեցել։ 1745 թվականից Թուլինը ուսանել է փիլիսոփայություն, նկարչություն, երաժշտություն, ինչպես նաև գերմաներեն ու ֆրանսերեն։ 1748 թվականին քննություն է հանձնել աստվածաբանությունից։ Ուսումնառությունից հետո հաստատվել է Քրիստիանիայում։ Ցանկացել է իրեն նվիրել աստվածաբանությանը, սակայն ուսանելով իրավունք, զբաղվել է առևտրով, որոշ ժամանակ ղեկավարել է փոշի արտադրող մի փոքր գործարան։ 1759 թվականին դարձել է քաղաքի մաքսային տեսուչի տեղակալ։ 1763 թվականին զբաղեցրել է Քրիստիանիայի քաղաքային կառավարչի պաշտոնը։ Գլխավորել է նաև մաքսային և ակցիզային վարչությունը (Board of Customs and Excise): Ամուսնացել է Մետտե Կրուշովի (Mette Kruchow) հետ, և ունեցել են մի քանի երեխաներ, որոնց թվում է հայտնի նորվեգական գործարար Կլաուս Թուլինը (1764-1830)^[3]։ Ժամանակակիցները Թուլինին համարել են դանիական-նորվեգական պոեզիայի ամենատաղանդավոր ներկայացուցիչներից մեկը։

Երկեր

Թուլին Samtlige Skrifter (Ամբողջական երկեր) թողարկվել են Կոպենհագենում 1770-1773 թվականներին (երեք հատոր)։ Առաջին հատորում ընդգրկված են բանաստեղծությունները, երկրորդում և երրորդում՝ էսսեները^[4]։

Թուլինի հայտնի երկերից է «Մայիսյան օր» (1758) դասական ստեղծագործությունը^[5]։ 1760 թվականին լույս է տեսել «Նավագնացության առաջացումն ու դրա հետևանքները» գիրքը, որտեղ Թուլինը պատճառաբանում է քաղաքակրթության զարգացումը որպես նավարկության հետևանք։

Ծանոթագրություններ

↑ ^1,0 ^1,1 ^1,2 ^1,3 ^1,4 Store norske leksikon(նորվ.) — 1978. — ISSN 2464-1480
↑ Г. П. Бердников История всемирной литературы. — Наука, 1988. — С. 258. — 783 с.
↑ Генеалогическое исследование: Claus TULLIN (AFN: V6W9-X5)(չաշխատող հղում)(անգլ.)
↑ Noreng, Harald (2005). «Christian Braunmann Tullin». In Helle, Knut (ed.). Norsk biografisk leksikon (Norwegian). Vol. 9. Oslo: Kunnskapsforlaget. Վերցված է 2009 թ․ մարտի 22-ին.{{cite encyclopedia}}: CS1 սպաս․ չճանաչված լեզու (link)
↑ «Немного о норвежской литературе и норвежских писателях». Скандинавская Книга. Արխիվացված օրիգինալից 2012 թ․ մայիսի 9-ին. Վերցված է 2010 թ․ սեպտեմբերի 2-ին.

Վիքիպահեստն ունի նյութեր, որոնք վերաբերում են «Քրիստիան Թուլին» հոդվածին։

[_51bf9cebfe4020bd-1] 1,0 ^1,1 ^1,2 ^1,3 ^1,4 Store norske leksikon(նորվ.) — 1978. — ISSN 2464-1480

[2] Г. П. Бердников История всемирной литературы. — Наука, 1988. — С. 258. — 783 с.

[3] Генеалогическое исследование: Claus TULLIN (AFN: V6W9-X5)(չաշխատող հղում)(անգլ.)

[nbl-4] Noreng, Harald (2005). «Christian Braunmann Tullin». In Helle, Knut (ed.). Norsk biografisk leksikon (Norwegian). Vol. 9. Oslo: Kunnskapsforlaget. Վերցված է 2009 թ․ մարտի 22-ին.{{cite encyclopedia}}: CS1 սպաս․ չճանաչված լեզու (link)

[Nordicbook-5] «Немного о норвежской литературе и норвежских писателях». Скандинавская Книга. Արխիվացված օրիգինալից 2012 թ․ մայիսի 9-ին. Վերցված է 2010 թ․ սեպտեմբերի 2-ին.

[1]

[2]

[3]

[4]

[5]