Քվինսլենդի արվեստի պատկերասրահ
Քվինսլենդի արվեստի պատկերասրահ | |
|---|---|
 | |
| Տեսակ | պատկերասրահ |
| Երկիր | .svg){kind=small} Ավստրալիա |
| Տեղագրություն | Բրիսբեն |
| Մասն է | Queensland Art Gallery & Gallery of Modern Art?[1] |
| Պատկանում է | Queensland Government? |
| Հիմնադրվել է | հունիսի 20, 2013 |
| Այցելուներ | 341 023 մարդ (2021)[2] |
| Կայք | qagoma.qld.gov.au |
 | |
 | |
Քվինսլենդի արվեստի պատկերասրահ (անգլ.՝ Queensland Art Gallery, QAG), պատկերասրահ Ավստրալիայի Քվինսլենդ նահանգի Բրիսբեն քաղաքի Հարավային ափ վայրում։ Պատկերասրահը Քվինսլենդի մշակույթի կենտրոնի մի մասն է կազմում[3]։ Տեղակայված է Ժամանակակից արվեստի պատկերասրահի շենքում։
Պատկերասրահը տնօրինում է Քվինսլենդի կառավարությունը[4], որը 1895 թվականին կառույցը հիմնադրել է որպես Քվինսլենդի ազգային պատկերասրահ[5]։
Պատմություն[խմբագրել | խմբագրել կոդը]
Պատկերասրահը հիմնադրվել է 1895 թվականին[5]՝ որպես Քվինսլենդի ազգային պատկերասրահ։ Պատկերասրահը տեղակայված է եղել մի շարք ժամանակավոր շինություններում։ 1982 թվականին Բրիսբենի Հարավային ափում կառույցին է հատկացվել ներկայիս շենքը՝ Ռոբին Գիբսոնի նախագծած Քվինսլենդի մշակույթի կենտրոնը։
Քվինսլենդի պատկերասրահը ժամանակակից կառույց է, որի ստեղծման համար օգտագործվել է լավագույն տեխնիկան և շինանյութերը (հասանելի նախագծի տնտեսական սահմաններում)։ Այն նաև առաջին խոշոր շենքն էր, որ կառուցվեց գետի հարավային կողմում՝ Վիկտորիա կամրջի հարևանությամբ։
Պատկերասրահի 4700 քառակուսի մետր ցուցադրման տարածքը բաժանված է պատերով, ուղեկալներով։ Ջրային ցայտաղբյուրները բաժանում են ցուցասրահների հանդարտ միջավայրն աշխատակազմի պրոակտիվ միջավայրից։
Հավաքածու[խմբագրել | խմբագրել կոդը]
Պատկերասրահը հավաքածուն ներառում է մի շարք կարևոր արվեստի գործեր, այդ թվում՝
- Պաբլո Պիկասոյի «Գեղեցկուհի հոլանդուհին» (La Belle Hollandaise, 1905)[6]
- Ռիչարդ Գոդֆրի Ռիվերսի «Ժակարանդայի ներքո» (Under the Jacaranda, 1903)[7]
Տեղական արվեստ[խմբագրել | խմբագրել կոդը]
Պատկերասրահը ներկայացնում է Ավստրալիայի բնիկների արվեստը և ամրապնդում է կապերը Քվինսլենդի տեղաբնիկ համայնքների հետ։
Ցուցահանդեսներ[խմբագրել | խմբագրել կոդը]
- Կալիֆոռնիական դիզայն 1930-1965 թվականներին, ապրելով ժամանակակից աշխարհում (նոյեմբերի 2, 2013 թվական – փետրվարի 9, 2014 թվական)
- Մգդակած վերմակներ 1700-1945 թվականներ (հունիսի 15 - սեպտեմբերի 22, 2013 թվական)
- Իսպանիայի դիմանկար. Պրադոյի գլուխգործոցները (հուլիսի 21 - նոյեմբերի 4, 2012 թվական)[8]
- Գլխարկներ. ծաղկաբանություն Սթիվեն Ջոնսից (մարտի 27 - հունիսի 27, 2010 թվական)
- Ամերիկյան իմպրեսիոնիզմ և ռեալիզմ. ուղենշային ցուցահանդես Մեթից (մայիսի 30 - սեպտեմբերի 20, 2009 թվական)
Ժամանակակից արվեստի Ասիա-խաղաղօվկիանոսյան եռամյա ցուցահանդես[խմբագրել | խմբագրել կոդը]
- Ժամանակակից արվեստի Ասիա-խաղաղօվկիանոսյան 8-րդ ցուցահանդես (նոյեմբեր, 2015 թվական - մայիս, 2016 թվական)
- Ժամանակակից արվեստի Ասիա-խաղաղօվկիանոսյան 7-րդ ցուցահանդես (APT7) (դեկտեմբերի 8, 2012 թվական - ապրիլի 14, 2013 թվական)
- Ժամանակակից արվեստի Ասիա-խաղաղօվկիանոսյան 6-րդ ցուցահանդես (APT6) (դեկտեմբերի 5, 2009 թվական – ապրիլի 5, 2010 թվական)
- Ժամանակակից արվեստի Ասիա-խաղաղօվկիանոսյան 5-րդ ցուցահանդես (APT5) (դեկտեմբերի 2, 2006 թվական – մայիսի 27, 2007 թվական)
Ժամանակակից արվեստի Ասիա-խաղաղօվկիանոսյան 7-րդ ցուցահանդեսի հայտնի աշխատանքներից է Հյուանգ Յոնգ Պինգի ստեղծած հսկայական օձի «Զսպանակ» կոչվող կմախք-քանդակը[9]։ Պատկերասրահն այս գործը ձեռք է բերել 2012 թվականին։
Արվեստի երեխաների համար[խմբագրել | խմբագրել կոդը]
Պատկերասրահը հայտնի է որպես միջազգային առաջատար կենտրոն, որը ներկայացնում է երեխաների համար ստեղծված թանգարանային նորարարական ուսուցման ծրագրեր։ Այս ծրագրերը համակարգվում են մանկական արվեստի կենտրոնի կողմից։
Տարածաշրջանային Քվինսլենդ[խմբագրել | խմբագրել կոդը]
Բոլոր քվինսլենդցիներին հավաքածուն ներկայացնելու համար կազմակերպվում են շրջիկ ցուցահանդեսներ տարածաշրջանային և հեռավոր վայրեր։
Ծանոթագրություններ[խմբագրել | խմբագրել կոդը]
- ↑ http://www.qagoma.qld.gov.au/about_us
- ↑ Art's most popular: Exhibition and museum visitor figures 2021 // The Art Newspaper — 2022. — ISSN 0960-6556
- ↑ Government of Queensland։ «Cultural Precinct Strategy»։ Department of Science, Information Technology, Innovation and the Arts (Queensland)։ Արխիվացված է օրիգինալից 2014-07-14-ին։ Վերցված է սեպտեմբերի 2, 2013
- ↑ Government of Queensland։ «Queensland Art Gallery Act 1987»։ Office of the Queensland Parliamentary Council։ Վերցված է սեպտեմբերի 2, 2013
- ↑ 5,0 5,1 Queensland Art Gallery։ «History»։ Արխիվացված է օրիգինալից 2013-05-03-ին։ Վերցված է հունիսի 20, 2013
- ↑ «Pablo Picasso - Queensland Art Gallery»։ Queensland Art Gallery։ Արխիվացված է օրիգինալից 2012-02-21-ին։ Վերցված է մարտի 12, 2012
- ↑ «R. Godfrey Rivers»։ Queensland Art Gallery։ Արխիվացված է օրիգինալից September 30, 2011-ին։ Վերցված է սեպտեմբերի 20, 2011
- ↑ «Exhibitions - Official website of the Queensland Art Gallery»։ Արխիվացված է օրիգինալից 2015-06-18-ին։ Վերցված է 2017-01-25
- ↑ «Huang Yong Ping- Queensland Art Gallery | Gallery of Modern Art»։ 2013-11-02։ Արխիվացված է օրիգինալից 2013-11-02-ին։ Վերցված է 2017-01-25
Արտաքին հղումներ[խմբագրել | խմբագրել կոդը]
- Queensland Art Gallery Պատկերասրահի պաշտոնական կայք
- Queensland Art Gallery Archived 2015-06-18 at the Wayback Machine. պաշտոնական ցուցահանդեսների կայք
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Քվինսլենդի արվեստի պատկերասրահ կատեգորիայում։ |