Jump to content

Քնկոտ Ջո

Վիքիպեդիայից՝ ազատ հանրագիտարանից
Ջո Բայդենը 2017 թվականին։

Քնկոտ Ջո (նաև՝ Քնած Ջո[1], Ճլորած Ջո[2], անգլ.՝ Sleepy Joe), ԱՄՆ նախագահ Ջո Բայդենի վիրավորական անվանումը[3][2], որի հեղինակը[4] և կիրառողը[5] ԱՄՆ մեկ այլ նախագահ Դոնալդ Թրամփն է[6][7]։ Դարձել է համացանցային մեմ։ Ի հայտ է եկել մի քանի մեդիամեմերի հրապարակումից հետո, որտեղ Բայդենը, ինչպես ոմանք պնդում են, քնել է հեռուստատեսային հարցազրույցի ժամանակ[8]։ Մականունն ակնարկում է Բայդենի՝ իբր ֆիզիկական և մտավոր որոշ անկարողությունների հանգամանքը, ինչն անհամատեղելի է նախագահի պարտականությունների կատարման հետ[9]։

Պատմություն

[խմբագրել | խմբագրել կոդը]

2019 թվականի ապրիլի 25-ին ԱՄՆ նախագահ Դոնալդ Թրամփը թվիթերյան իր միկրոբլոգում գրառում էր արել. «Բարի գալուստ մրցավազք, Քնկոտ Ջո»։ Դրան ի պատասխան Բայդենը Թրամփին «ծաղրածու» անվանեց[10]։

2020 թվականի նախագահական մրցավազքի[11], ներառյալ եզրափակիչ նախընտրական բանավեճի ժամանակ[12], Թրամփն ընդհանուր առմամբ մի քանի անգամ ծաղրել է իր մրցակից Ջո Բայդենին[13]՝ նրան անվանելով «Քնկոտ Ջո»[14]։ Այսպես, 2020 թվականի նոյեմբերի 2-ին Վիսկոնսինում իր նախընտրական ելույթներից մեկի ժամանակ Թրամփն իր մրցակից Ջո Բայդենին դարձյալ անվանել է «Քնկոտ Ջո», «Քնկոտ Բայդեն»՝ փորձելով ի ցույց դնել, իբր, Բայդենի մոտ քաղաքական լիդերի հատկանիշների բացակայությունը[15]։

2020 թվականի հունիսին տարածվեց հաղորդագրություն այն մասին, որ Թրամփը վերջերս իր խորհրդականներին հարցրել է, թե արդյոք պետք է շարունակել Բայդենին նման կերպ անվանել, թե անհրաժեշտ է մտածել մեկ այլ անուն, օրինակ՝ «Ճահճային Ջո» (անգլ.՝ Swampy Joe) կամ «Սողացող Ջո» (անգլ.՝ Creepy Joe)։ Նշվում էր, որ Թրամփը վստահ չէր, որ «Քնկոտ Ջոն» խիստ «վտանգավոր է», իսկ նրա որոշ խորհրդականներ կիսում էին նրա կարծիքն ու կոչ անում դադարեցնել այդ մականվան կիրառումը։ Իր թվիթերյան գրառումներից մեկում Թրամփը Բայդենին դիվայնացնելու համար կիրառել է ևս մեկ տարբերակ. «Կոռումպացված Ջո» (անգլ.՝ Corrupt Joe)[16][17]։

Քասիմի համալսարանի դոցենտ Գիբրիլ Սադեք Ալաղբարին նշում է, որ Թրամփը դիմում էր անձնական դիֆամացիայի (զրպարտանք)՝ թվիթերյան իր գրառումներում Ջո Բայդենին անվանելով «Քնկոտ Ջո»։ Թրամփը զրպարտում էր Բայդենին՝ նշելով, որ նա «քաղաքականության մեջ է 40 տարի և ոչինչ չի արել», բնորոշում Բայդենին որպես «քաղաքական թույլիկ» և պնդում, որ ինքը՝ Թրամփը 3,5 տարվա ընթացքում սևամորթ բնակչության համար արել է ավելին, քան ԱՄՆ նախկին փոխնախագահ Բայդենը 43 տարվա ընթացքում։ Ուժեղացնելով իր պատերազմը «ծայրահեղ ձախ դեմոկրատների» դեմ՝ Թրամփը բռնեց վերջիններիս «պաշտպանենք ոստիկանությանը» ծեծված կարգախոսը ու միտումնավոր դա վերագրեց Ջո Բայդենին[18]։ Նա նաև հայտարարեց, որ Բայդենը «չգիտի, թե ուր և ինչ է անում», «նա քնում է»[19] և որ Բայդենը անցկացրել է հանրահավաք, որին «փաստացի ոչ ոք չի մասնակցել»[20]։

Google Trends-ի տվյալներով՝ «Քնկոտ Ջո» մականունը 2020-2021 թվականներին մեծ հեղինակություն է ունեցել[21]։

Վերլուծություն

[խմբագրել | խմբագրել կոդը]

«Քնկոտ Ջո» մականունը մարդուն բնորոշող վիրավորական տերմին է[22]։ Այն Թրամփի կողմից կիրառվում է «Բայդենի դեմ անտագոնիզմի քաղաքական սահմաններ» ստեղծելու համար[23]։ «Քնկոտ» ածականը նաև ցույց է տալիս «Ջո Բայդեն» գոյականը քաղաքական, այլ ոչ թե իմաստային կամ պրագմատիկ ձևով փոփոխելու նույն գործընթացը: «Քնկոտ Ջո Բայդեն» բառակապակցությունը հղում չէ այն փաստին, թե Ջո Բայդենը քնի պակաս ունի, սակայն դա անտագոնիզմի հենց հիմնական կառուցվածքն է։ Բառակապակցությունը նշանակում է, որ «Ջո Բայդենը արժանի չէ լինել ԱՄՆ նախագահ»[23]։ Քաղաքական և անտագոնիստական իմաստի կառուցման այս ձևը ընդհանուր է Թրամփի քաղաքական դիսկուրսում անտագոնիզմների տարբեր կառուցվածքների համար։ Իր անտագոնիստական դիսկուրսում Թրամփը ցույց է տալիս կոգնիտիվ վերահսկողության գործընթացը[24]։

Հավանաբար Թրամփն այդ մականունը կիրառել է այն պատճառով, որ այդ պահին Բայդենը շատ ծեր էր (բանավեճի ժամանակ 77 տարեկան)[25] կամ էլ այն պատճառով, որ կարծում էր, որ Բայդենը դանդաղկոտ է և «մտավոր հետամնաց, անգործունակ»[26] կամ էլ ելույթների ժամանակ չի կարողանում կառավարել քնելու իր ցանկությունը[27]։ Մականունը կարող է ցույց տալ անձի դանդաղկոտությունը կամ մտավոր արգելակումը, արագ մտածելու և գործելու նրա անկարողությունը[28]։

«Քնկոտ Ջոն» կարող է նաև հղում լինել համանուն երգին, որտեղ հերոսին նրբորեն կշտամբում են իր ծուլության համար[29]։ Այն կարող է դասակարգվել որպես հարձակում անհատի վրա։ Թրամփը, հավանաբար, փորձում էր թուլացնել Ջո Բայդենի բնավորությունը՝ խոսքի արատի պատճառով նրան զրկելով նորմալ խոսելու ունակությունից։ Դա ավելի շատ հուզական կոչ էր, քան կերպարին ուղղված կոչ, քանի որ Թրամփի նպատակը կարող էր լինել հումորային մթնոլորտի ստեղծումը[30]։

Գնահատականներ

[խմբագրել | խմբագրել կոդը]

Վիրջինիա Հեֆերնանը Los Angeles Times-ի իր սյունակում Բայդենի մասին հետևյալ գրառումն է արել. «Ինչու քնկոտ Ջո Բայդենը հենց նա է, ում ցանկանում են ընտրողները»։ Հոդվածի վերջում նա գրել է. «Իսկ քնկոտ Ջոն պարզապես գիշերային հեքիաթների և օրորոցային երգերի տղան է»[31]։

Թիլբուրգի համալսարանի դոցենտ Իկո Մելին նշում է, որ Թրամփի կողմից ստեղծված «Քնկոտ Ջոյի» կերպարը Բայդենին ներկայացնում է որպես ամերիկյան ժողովրդի համար վտանգավոր թշնամի և որ «Քնկոտ Ջոն» իր թուլության պատճառով հիմա համարվում է խիստ վտանգավոր մարդ[32]։

2020 թվականի հուլիսին The Boston Globe-ից Ջեյմս Փիդնելը «Քնկոտ Ջո» մականունն անվանել է «ոչ արդյունավետ», քանի որ «Բայդենը համազգային հարցումների ժամանակ հավաքում է երկնիշ ցուցանիշներ և հաղթում վեց կարևոր տատանվող նահանգներում, ինչը հեշտությամբ Բայդենին կդարձնի հաջորդ նախագահը»։ Նա նաև ընդգծում է, որ «քնկոտ» եզրույթը «քիչ բան է նշանակում» և որ իրականում Sleepy Eyes Chuck Todd մականունը կարող է ունենալ մեծ նշանակություն, որովհետև հեռուստատեսությունում «շատ կարևոր է էներգետիկ լինելը»[33]։

Հետազոտող Թայլեր Ջոնսոնը 2020 թվականին Հանրապետական կուսակցության ազգային համագումարից հետո 48 ժամվա ընթացքում հարցում է իրականացրել 674 մասնակիցների շրջանում։ Նա հույս ուներ պարզել, թե արդյոք համագումարի մասնակիցները տեղյակ են Թրամփի ռազմավարություններ մասին։ Մասնակիցները պատահականության սկզբունքով բաժանվել էին կամ հսկողական, կամ էլ փորձարարական խմբերի մեջ։ Հսկողական խմբի մասնակիցները սկզբում պատասխանում էին Բայդենի մասին հարցերին, այն դեպքում, երբ փորձարարական խումբն առաջին անգամ ծանոթանում էր այն նյութերի հետ, որոնք վերաբերում էին Բայդենին Թրամփի կողմից մականուն դնելու փորձերի հետ։ Բոլոր մասնակիցներին խնդրում էին հիշել մականուններ, որոնք Թրամփը նախկինում տվել էր իր քաղաքական մրցակիցներին։

Արդյունքները ցույց են տվել, որ մասնակիցների միայն 37%-ն էին հստակ հիշում ինչ-որ մականուն, որը Թրամփը տվել Բայդենին՝ իր նախընտրական ողջ քարոզարշավի ընթացքում։ Այն մասնակիցները, որոնք նշել էին, որ հետաքրքրված են քաղաքականությամբ կամ քվեարկել են փրայմերիզի ժամանակ, մեծ հավանականությամբ հիշել էին մականունը։ Բացի այդ, հարցման կազմակերպիչները «Քնկոտ Ջո» մականվան արդյունավետությունը գնահատում էին՝ մասնակիցներին հարցնելով, թե որքանով են համաձայն դրա հետ: Ամենատարածված պատասխանը «բացարձակ լավ չէ»-ն էր, իսկ այն մասնակիցները, որոնք պատասխանել էին «շատ լավ» կամ «արտակարգ լավ», այն մարդիկ էին, որոնք նշել էին, որ հանրապետական են ու հավանություն են տալիս նախագահի պաշտոնում Թրամփի գործունեությանը։ Մասնակիցների 53%-ը կարծում էին, որ «Քնկոտ Ջո» մականունը բացասական է։ Դա մասնակիցների կեսից ավելին էր, ինչը թույլ է տալիս ենթադրել, որ մականունը, հավանաբար, այդքան էլ բացասական չի ընկալվել, որքան փորձում էր դա անել Թրամփը։ Այդպիսով, Թայլեր Ջոնսոնը եկել է այն եզրակացության, որ Դոնալդ Թրամփի հեղինակած «Քնկոտ Ջո» մականունն արդյունավետ է եղել միայն Թրամփի աջակիցների շրջանում[34]։

Ծանոթագրություններ

[խմբագրել | խմբագրել կոդը]
  1. ↑ Терновая Л. О. Прозвища государственных и общественных деятелей: индикаторы политического климата // Власть истории и История власти. —М., 2021. — Т. 7. — С. 601. Архивировано из первоисточника 3 Հոկտեմբերի 2022.
  2. ↑ 2,0 2,1 Вильданова Г. А. COVID-риторика американского политического дискурса // Теория языка и межкультурная коммуникация. — 2020. — № 3 (38). — С. 49. Архивировано из первоисточника 3 Հոկտեմբերի 2022.
  3. ↑ Kenan Draughorne (2022-07-13). «Snoop Dogg takes a potshot at Biden with his new 'Sleepy Joe OG' cannabis strain». Los Angeles Times (անգլերեն). Արխիվացված է օրիգինալից 2022-10-03-ին. Վերցված է 2022-10-03-ին. «Of course, the "Sleepy Joe" moniker has dogged the president for years, beginning in 2020 when former President Donald Trump used it to slight his then-opponent.»
  4. ↑ Noureddine Derki A Critical Analysis of Persuasive Strategies Used in Political Discourse: A Case Study of Donald Trump and Joe Biden(անգլ.) // International Journal of English Language, Education and Literature Studies. — 2022. — Vol. 1. — С. 44—54. Архивировано из первоисточника 3 Հոկտեմբերի 2022.
  5. ↑ «Байден обещал США "конец эпохи тьмы". Главная речь в карьере кандидата в президенты от демократов». Русская служба Би-би-си. 2020-08-21. Արխիվացված է օրիգինալից 2022-10-03-ին. Վերցված է 2022-10-03-ին. «Дональд Трамп называет своего оппонента "медленный Джо" и "сонный Джо"»
  6. ↑ Sarah Halifa-Legrand (2022-09-08). «Le réveil de «Sleepy Joe» Biden: «Il avait en fait une longueur d'avance»». L’Obs (ֆրանսերեն). Արխիվացված է օրիգինալից 2022-10-03-ին. Վերցված է 2022-10-03-ին. «Dans la torpeur de l'été, «Sleepy Joe» («Joe l'endormi»), comme Donald Trump surnomme avec mépris son successeur, s'est soudain réveillé» {{cite web}}: Unknown parameter |deadlink= ignored (|url-status= suggested) (օգնություն)
  7. ↑ James Pindell Trump’s ‘Sleepy Joe’ nickname for Biden isn’t working. Even Trump knows it(անգլ.) // The Boston Globe. — 2020. Архивировано из первоисточника 3 Հունիսի 2023.
  8. ↑ Добрынина Е. Н., Кирничук А. В. Интернет-мем как средство манипуляции общественным сознанием в политическом дискурсе // Deutsche Internationale Zeitschrift für zeitgenössische Wissenschaft. — 2021. — В. 20. — С. 51. — ISSN 2701-8369. Архивировано из первоисточника 3 Հոկտեմբերի 2022.
  9. ↑ Жигулин Д. П., Бондарева Л. М. Особенности использования языковых средств агональности в американском политическом дискурсе (на материале текстов предвыборных речей Д. Трампа и Дж. Байдена за 2020 год) // Вестник Балтийского федерального университета им. И. Канта. Серия: Филология, педагогика, психология. — 2022. — В. 1. — С. 10. — ISSN 2500-039X. Архивировано из первоисточника 3 Հոկտեմբերի 2022.
  10. ↑ John Haltiwanger (2022-05-10). «Joe Biden has a new nickname for Trump after the president called him 'Sleepy Joe'». Business Insider (անգլերեն). Արխիվացված է օրիգինալից 2022-10-03-ին. Վերցված է 2022-10-03-ին.
  11. ↑ Kenan Draughorne (2022-07-13). «Snoop Dogg takes a potshot at Biden with his new 'Sleepy Joe OG' cannabis strain». Los Angeles Times. Արխիվացված է օրիգինալից 2022-10-03-ին. Վերցված է 2022-10-03-ին.
  12. ↑ Mary McNamara Column: Sleepy Joe? In final debate, Biden navigated a minefield of Trump disruptions(անգլ.) // Los Angeles Times. — 2020. Архивировано из первоисточника 3 Հոկտեմբերի 2022.
  13. ↑ Екатерина Андреева (2021-11-01). «Байден чуть не уснул на климатическом саммите в Глазго». Lenta.ru. Արխիվացված է օրիգինալից 2022-10-03-ին. Վերցված է 2022-10-03-ին.
  14. ↑ Emily Manis (2022-03-25). «Study indicates that Donald Trump's "Sleepy Joe" nickname for Biden was only effective among Trump's supporters». PsyPost (անգլերեն). Արխիվացված է օրիգինալից 2022-10-06-ին. Վերցված է 2022-10-03-ին. {{cite web}}: Unknown parameter |deadlink= ignored (|url-status= suggested) (օգնություն)
  15. ↑ Кадочникова А. А. Средства выразительности как компонент речевого компонента Дональда Трампа // Современные тренды развития регионов: управление, право, экономика, социум : статья в сборнике трудов конференции. —Челябинск, 2021. — С. 145.
  16. ↑ Ashley Parker, Robert Costa, Josh Dawsey Some Trump allies push for campaign shake-up to revive president’s imperiled reelection bid(անգլ.) // The Washington Post. — 2020. Архивировано из первоисточника 14 Օգոստոսի 2022.
  17. ↑ «Трамп дал задание по-новому оскорбить «страдающего маразмом» Байдена». Lenta.ru (ռուսերեն). 2020-06-29. Արխիվացված է օրիգինալից 2022-10-06-ին. Վերցված է 2022-10-06-ին. {{cite web}}: Unknown parameter |deadlink= ignored (|url-status= suggested) (օգնություն)
  18. ↑ Alaghbary, 2020, էջ 1854—1868
  19. ↑ Laura Cervi 1, Fernando García, Carles Marín-Lladó Populism, Twitter, and COVID-19: Narrative, Fantasies, and Desires(անգլ.) // Social Sciences. — 2021. — Vol. 10. Архивировано из первоисточника 3 Հոկտեմբերի 2022.
  20. ↑ Noureddine Derki A Critical Analysis of Persuasive Strategies Used in Political Discourse: A Case Study of Donald Trump and Joe Biden(անգլ.) // International Journal of English Language, Education and Literature Studies. — 2022. — Vol. 1. — С. 44—54. Архивировано из первоисточника 3 Հոկտեմբերի 2022.
  21. ↑ Авдеева Е. В. Интернет-мемы как новый способ политической коммуникации. —Минск, 2022. Архивировано из первоисточника 3 Հոկտեմբերի 2022.
  22. ↑ Печко Ніна Інтерпретація імпліцитної семантики антропонімів політичного дискурсу(ուկր.) // Суспільні комунікації та мовні універсалії,. — 2021. — № 1 (9). — С. 156. Архивировано из первоисточника 3 Հոկտեմբերի 2022.
  23. ↑ 23,0 23,1 Anggraini, Sawirman, Marnita, 2020, էջ 67
  24. ↑ Anggraini, Sawirman, Marnita, 2020, էջեր 67—68
  25. ↑ Bond, Speller, Cockrell, Webb, Sievers, 2022, էջ 2
  26. ↑ Терновая Л. О. Прозвища государственных и общественных деятелей: индикаторы политического климата // Власть истории и История власти. —М., 2021. — Т. 7. — С. 601. Архивировано из первоисточника 3 Հոկտեմբերի 2022.
  27. ↑ Осипова О. С. Языковые средства создания комического образа Дональда Трампа в СМИТ (на материале американских юмористических интернет-изданий) // Язык, культура, коммуникация: изучение и обучение : статья в сборнике трудов конференции. —Орёл, 2020. — С. 301.
  28. ↑ Печко Ніна Інтерпретація імпліцитної семантики антропонімів політичного дискурсу(ուկր.) // Суспільні комунікації та мовні універсалії,. — 2021. — № 1 (9). — С. 156. Архивировано из первоисточника 3 Հոկտեմբերի 2022.
  29. ↑ Осипова О. С. Языковые средства создания комического образа Дональда Трампа в СМИТ (на материале американских юмористических интернет-изданий) // Язык, культура, коммуникация: изучение и обучение : статья в сборнике трудов конференции. —Орёл, 2020. — С. 301.
  30. ↑ Scott Lucas The Brexit Paralysis of a Paralysed UK Government(անգլ.). — 2021. Архивировано из первоисточника 3 Հոկտեմբերի 2022.
  31. ↑ Column: Why sleepy Joe Biden is exactly what voters want(անգլ.) // Los Angeles Times. — 2020. Архивировано из первоисточника 3 Հոկտեմբերի 2022.
  32. ↑ Maly, 2020
  33. ↑ James Pindell Trump’s ‘Sleepy Joe’ nickname for Biden isn’t working. Even Trump knows it(անգլ.) // The Boston Globe. — 2020. Архивировано из первоисточника 3 Հունիսի 2023.
  34. ↑ Вильданова Г. А. COVID-риторика американского политического дискурса // Теория языка и межкультурная коммуникация. — 2020. — № 3 (38). — С. 49. Архивировано из первоисточника 3 Հոկտեմբերի 2022.

Գրականություն

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Քնկոտ_Ջո&oldid=10178912» էջից