Քլիֆ Յանգ
| Քլիֆ Յանգ | |
|---|---|
 | |
| Ծնվել է | փետրվարի 8, 1922 |
| Ծննդավայր | Բիչ Ֆորեսթ |
| Մահացել է | նոյեմբերի 2, 2003 (81 տարեկան) |
| Մահվան վայր | Բիչ Ֆորեսթ |
| Քաղաքացիություն | .svg){kind=small} Ավստրալիա |
| Մասնագիտություն | թեթևատլետ և ագարակապան |
| Պարգևներ և մրցանակներ | |
 Cliff Young (athlete) Վիքիպահեստում | |
Ալբերտ Էռնեստ Քլիֆորդ «Քլիֆ» Յանգ (անգլ.՝ Albert Ernest Clifford "Cliff" Young, փետրվարի 8, 1922, Բիչ Ֆորեսթ - նոյեմբերի 2, 2003, Բիչ Ֆորեսթ), ավստրալիացի ֆերմեր և ուլտրամարաթոնի վազորդ։ Նա հայտնի է դարձել Սիդնեյ-Մելբուռն ուլտրամարաթոնում հաղթելուց հետո 61 տարեկան հասակում[2]։
Կենսագրություն
[խմբագրել | խմբագրել կոդը]Քլիֆորդը՝ Մերի և Ալբերտ Էռնեստ Յանգերի ավագ որդին, ծնվել է 1922 թվականի փետրվարի 8-ին։ Նա իր մանկությունն անցկացրել է 8,1 կմ² տարածքով ընտանեկան ֆերմայում, որը գտնվում է հարավ-արևմտյան Վիկտորիայում։ Քլիֆորդը սկսել է զբաղվել վազքով 57 տարեկանում։
Սիդնեյ-Մելբուռն ուլտրամարաթոն
[խմբագրել | խմբագրել կոդը]1983 թվականին 61-ամյա ֆերմերը հաղթել է առաջին Ուեսթֆիլդի ուլտրամարաթոնում (864 կմ) Ջո Ռեկորդի հետ վազքին նախապատրաստվելիս։ նրանք առաջին շաբաթը վազել
են օրական 20 մղոն, երկրորդում՝ 30 մղոն, իսկ երրորդում՝ 50 մղոն։ Ուլտրամարաթոնի մեկնակետը և ավարտը գտնվել են Ավստրալիայի այն ժամանակվա ամենամեծ առևտրի կենտրոններում՝ Սիդնեյի Westfield Parramatta-ում և Մելբուրնի Westfield Doncaster-ում[3]։ Քլիֆը վազել է դանդաղ տեմպերով և տարածության սկզբում ետ է մնացել մրցման առաջատարներից։ Բայց քանի որ նա ամեն գիշեր վեց ժամ քնի ընդմիջում չի արել, աստիճանաբար հասել է առաջատարներին և ի վերջո հաղթել է մեծ տարբերությամբ[4]։
Լեգենդ
[խմբագրել | խմբագրել կոդը]Ըստ տարածված լեգենդի մինչ մրցավազքի մեկնարկը նա մամուլին հայտարարել է, որ նախկինում երբեմն երկու-երեք օր անընդմեջ աշխատել է անընդհատ՝ ոչխարներ քշելով։ Այնուհետև նա պնդել է, որ մրցույթի ժամանակ պատկերացրել է, որ ինքը ոչխարներ է հավաքում՝ փորձելով դա անել մինչև փոթորիկը սկսվելը։
Մրցույթներ
[խմբագրել | խմբագրել կոդը]Քլիֆորդը հաղթել է մրցույթը 5 օր, 15 ժամ և 4 րոպե արդյունքով՝ գրեթե երկու օրով բարելավելով Սիդնեյի և Մելբուռնի միջև անցկացված մյուս մրցումների նախորդ նվաճումները[5]։ Մրցույթն ավարտած բոլոր վեց մասնակիցները գերազանցել են նախորդ ռեկորդը[5]։
1984 թվականին ուլտրամարաթոնում նա երկրորդն է եղել, 1985 և 1986 թվականներին վազքը չի ավարտել, իսկ 1987 թվականին գրավել է 14-րդ հորիզոնականը։
Քլիֆ Յանգը մրցանակ է հիմնել լավագույն ավստրալացի վազորդի համար։
| ամսաթիվը | Հեռավորությունը | Արդյունք | Տեղ |
|---|---|---|---|
| ապրիլի 27 - մայիսի 5, 1983 | 864 կմ | 5⋮15:04.00 | Ի |
| ապրիլի 27 - մայիսի 3, 1984 | 875 կմ | 7⋮11:25.00 | II |
| ապրիլի 12 - 27 1985 | 960 կմ | — | |
| ապրիլի 17 - 25 1986 | 1016 կմ | (121 կմ - 14:00) | — |
| մարտի 26 - ապրիլի 5, 1987 | 1060 կմ | 9⋮13:17.00 | 14 |
Վերջին մեկնարկներ
[խմբագրել | խմբագրել կոդը]1990 թվականի փետրվարի 3-4-ը Յանգը մասնակցել է առաջին միջազգային 24-ժամյա առաջնությանը Միլթոն Քեյնսում (Անգլիա)։ 1990 թվականի նոյեմբերի 18-24-ը Քեմփբելթաունում (Ավստրալիա), երբ Սանդրա Բարվիքը Նոր Զելանդիայից սահմանել է մինչև 2014 թվականը չհաղթահարված համաշխարհային ռեկորդ։
Սպորտից հետո
[խմբագրել | խմբագրել կոդը]Քլիֆ Յանգը 1973 թվականից մինչև իր մահը իրեն համարել էր բուսակեր[6]։ Սակայն բուսակերության նորմերին համապատասխան 1980-ականների սկզբին Քլիֆ Յանգը սննդում օգտագործել է կաթ, պանիր, ինչի մասին պատմել է իր հարցազրույցում[6]։ Նա ապրել է էր մոր և եղբոր՝ Սիդի հետ։ Ուլտրամարաթոնում հաղթելուց հետո 62-ամյա Քլիֆն ամուսնացել է 23-ամյա Մերի Հաուելի հետ։ Հարսանիքի ծախսերը վճարել է նույն խանութների ցանցը, որը հովանավորել է մարաթոնը։ Նրանք ամուսնալուծվել են հինգ տարի անց[7]։
Հինգ տարվա հիվանդությունից հետո նա մահացել է քաղցկեղից 2003 թվականի նոյեմբերի 2-ին ժամը 17:21-ին 81 տարեկան հասակում[8]։
Հիշատակ
[խմբագրել | խմբագրել կոդը]- Ավստրալիայի Կոլակա քաղաքում 2004-2005 թվականներին անցկացված 6-օրյա վազքի մրցումը կոչվել է Քլիֆ Յանգի անունով։
- 2010 թվականին դերասանուհի Հաննա Գադսբին Սիդնեյի կատակերգության փառատոնի ժամանակ «The Cliff Young Shuffle» շոուն անվանել Քլիֆի անունով։
Ծանոթագրություններ
[խմբագրել | խմբագրել կոդը]- ↑ Australian Honours Search Facility
- ↑ «Cliff Young — Australian Ultrarunning Legend». Արխիվացված օրիգինալից 2012 թ․ օգոստոսի 15-ին. Վերցված է 2012 թ․ հոկտեմբերի 30-ին.
- ↑ «Running the good race — www.theage.com.au». Արխիվացված օրիգինալից 2012 թ․ նոյեմբերի 1-ին. Վերցված է 2012 թ․ հոկտեմբերի 30-ին.
- ↑ «Niesamowita historia Cliffa Younga " Indywidualista.pl». Արխիվացված օրիգինալից 2012 թ․ հոկտեմբերի 23-ին. Վերցված է 2012 թ․ հոկտեմբերի 30-ին.
- ↑ 5,0 5,1 «Running the good race — www.theage.com.au». Արխիվացված օրիգինալից 2012 թ․ նոյեմբերի 1-ին. Վերցված է 2012 թ․ հոկտեմբերի 30-ին.
- ↑ 6,0 6,1 «Interview with Cliff Young». Արխիվացված է օրիգինալից 2011 թ․ հունիսի 8-ին. Վերցված է 2012 թ․ հոկտեմբերի 30-ին.
- ↑ «The World Today — Cliff Young dies aged 81». Արխիվացված օրիգինալից 2012 թ․ նոյեմբերի 6-ին. Վերցված է 2012 թ․ հոկտեմբերի 30-ին.
- ↑ «End of the road for Cliff — National — smh.com.au». Արխիվացված օրիգինալից 2012 թ․ հոկտեմբերի 19-ին. Վերցված է 2012 թ․ հոկտեմբերի 30-ին.
 | Վիքիպահեստն ունի նյութեր, որոնք վերաբերում են «Քլիֆ Յանգ» հոդվածին։ |
| ||||||
