Տումուկումակի լեռնային ազգային պարկ
 | |
|---|---|
 | |
| Տեսակ | ազգային պարկ և կազմակերպություն |
| Կազմված է | Ամազոնի խոնավ անտառներ |
| Երկիր | Ֆրանսիա |
| Վարչատարածք | Ամապա և Պարա |
| Հիմնվել է | օգոստոսի 22, 2002 |
| Մակերես | 38 464 կմ² և 3 835 266 հեկտար |
| ԲԾՄ | 279 մետր |
| Կառավարում | Բրազիլիայի դաշնային կառավարություն |
  | |
.svg) | |
Տումուկումակի լեռնային ազգային պարկ (պորտ.՝ Parque Nacional Montanhas do Tumucumaque), պարկ Բրազիլիայի Ամապա և Պարա նահանգներում։ Տեղակայված է Ամազոնյան խոնավ անտառներում։ Հյուսիսից պարկին սահմանակցում են Ֆրանսիական Գվիանան ու Սուրինամը։
Պատմություն[խմբագրել | խմբագրել կոդը]
Տումուկումակին ազգային պարկ է հռչակվել 2002 թվականի օգոստոսի 23-ին, Բրազիլիայի կառավարության կողմից՝ Վայրի բնության համաշխարհային հիմնադրամի հետ համագործակցելուց հետո[1]։ Այն «Ամապա կենսաբազմազանության միջանցք»ի մի մասն է, որը ստեղծվել է 2003 թվականին։ Պահպանումն իրականացվում է Ամազոնի տարածաշրջանի «Պահպանվող տարածքների ծրագրի» կողմից։
Տեղադրություն[խմբագրել | խմբագրել կոդը]
Տումուկումակի լեռնային ազգային պարկն ընդգրկում է 38800 քառ. կմ տարածք, ըստ այդմ այն աշխարհի ամենամեծ արևադարձային ազգային պարկն է[2]։ Այս տարածքը նույնիսկ հասնում է 59000 քառ. կմ-ի, երբ նրա կազմի մեջ մտնում է Գվիանական Ամազոնյան պարկը (ազգային պարկ Ֆրանսիական Գվիանայում)։ Պաշտպանված տարածքների այս համակցությունը ավելի փոքր է, քան Բրազիլիա-Վենեսուելա սահմանի երեք ազգային պարկերի համակարգը։ Դրանք են Պարիմա Տապիրապեկոն, Սերանիա դե լա Նեբլինան և Պիկո դա Նեբլինան, որոնք միասին ունեն 73000 քառ. կմ տարածք։
Սակայն վերջինը, անշուշտ, ավելի փոքր կլինի, եթե Տումուկումակի լեռնային ազգային պարկը և հարակից Գվիանական Ամազոնյան պարկը միավորվեն հյուսիսային Պարայի (Բրազիլիա) պաշտպանված տարածքների հետ, ինչպիսիք են Գրաո Պարա էկոլոգիական կայանը, Մաիկուրու կենսաբանական արգելոցը և ուրիշներ։ Սրա կարևորությունն այն է, որ արդյունքում Գվիանական սարահարթը ամենապաշտպանված տարածքն է և արևադարձային խոնավ անտառների ամենամեծ էկոլոգիական միջանցքն աշխարհում։ Այն անմարդաբնակ տարածաշրջան է և ունի բարձր էկոլոգիական նշանակություն. տեղի կենդանիների տեսակների մեծ մասը՝ հիմնականում՝ ձկներ և ջրային թռչուններ, չեն հայտնաբերվել աշխարհի որևէ այլ վայրում։ Ազգային պարկն ապաստարան է յագուարների, պրիմատների, ջրային կրիաների և հարավամերիկյան արծիվների համար[3]։
Բրազիլիայի Ամապա նահանգի ամենաբարձր կետը գտնվում է այստեղ, այն ունի 701 մ բարձրություն[4]։
Mozilla Firefox դիտարկիչի 4-րդ տարբերակի կոդային անվանումը «Տումուկումակի» է։
Ծանոթագրություններ[խմբագրել | խմբագրել կոդը]
- ↑ «Brazil creates largest tropical park»։ NBC News / AP։ Aug 22, 2003։ Վերցված է օգոստոսի 23, 2015
- ↑ «Brazil creates largest rainforest reserve»։ BBC News։ օգոստոսի 23, 2002։ Վերցված է օգոստոսի 23, 2015
- ↑ «World’s largest tropical forest park created»։ New Scientist։ օգոստոսի 22, 2002։ Վերցված է օգոստոսի 23, 2015
- ↑ Portal Brasil
Աղբյուրներ[խմբագրել | խմբագրել կոդը]
- Corredor de Biodiversidade do Amapá Biodiversity Corridor, Belém: CI-Brasil, Governo do Amapá, Fundação Lee & Gund, 2007, http://www.conservation.org/global/brasil/publicacoes/Documents/Amapa%20FINAL.pdf, վերցված է 2016-11-05
- Full list: PAs supported by ARPA, ARPA, http://programaarpa.gov.br/en/full-list-pas-supported-by-arpa/, վերցված է 2016-08-07
Արտաքին հղումներ[խմբագրել | խմբագրել կոդը]
- Amazon natives use Google Earth, GPS to protect rainforest home
- Conservation International - Mountains of Tumucumaque Mountains National Park: Setting a New Conservation Standard
| ||||||||||||||
