Տոռոնտես

Վիքիպեդիայից՝ ազատ հանրագիտարանից
Jump to navigation Jump to search
Տոռոնտես

Տորրոնտես (անգլ.՝ Torrontés), արգենտինական խաղողի սորտ, օգտագործվում է սպիտակ գինի պատրաստելու համար:

Արգենտինական տոռոնտեսը երկու սորտի՝ Ալեքսանդրիայի մուսկատի և կրիոլի հիբրիդ է: Տորրոնտեսը համարվում է լատինոամերիկյան մայրցամաքի իսկական սորտ: Նրան անվանում են Արգենտինայի երկրորդ էմբլեմատիկ խաղողի սորտ՝ մալբեկից հետո: Տվյալ խաղողի տեսակը համարվում է սպիտակ խաղողի ամենաարագ աճող սորտերից մեկը: Արգենտինայում այս սորտից գոյություն ունի երեք տեսակ՝ Torrontés Riojano, Torrontés Sanjuanino և Torrontés Mendocino: Ամենատարածվածը համարվում է Torrontés Riojano, և հիմնականում օգտագործվում է Cafayate-ի տարածքում: Աճում է հիմնականում Արգենտինայում և Չիլիում: Դրա հետ մեկտեղ Չիլիում դրանից պատրաստում են Pisco չիլիական բրենդը[1]:

«Տոռոնտես» անվանումը արգենտինացի գինեգործները սկսել են օգտագործել 19-րդ դարի կեսերից: Ամենավաղ հիշատակությունը, որը կարող ենք գտնել, օգտագործվում է 1860-ականներին Դամիան Հուդսոնի կողմից: Գինին, որը պատրաստվում է Տորրոնտեսից ունի թեթևակի թթվայնություն: Տվյալ խաղողից պատրաստված գինին հաճախ հաղթող է ճանաչվում «Անուշաբույր, չոր գինի» անվանակարգում [2]: Ըմպելիքը ունենում է ծիրանի, դեղձի համ, արտահայտված ծաղկային բուրմունք (վարդի, հասմիկի, գերանիումի): Խմելիս հեշտությամբ կարող ենք զգալ դրանց համը: Գինու գույնը բաց դեղին է, երբեմն նաև կանաչավուն երանգներով: Դրա հետ մեկտեղ գինին այնքան էլ լավ չէ երկարաժամկետ պահեստավորվում, և ըստ փորձագետների այն ավելի լավ է օգտագործել արտադրության տարում (չենթարկել երկարաժամկետ պահպանման)[3]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]