Տիգրան Նավասարդյան

Տիգրան Նավասարդյան
Ծնվել է	փետրվարի 7, 1861; Վաղարշապատ, Երևանի նահանգ, Կովկասի փոխարքայություն, Ռուսական կայսրություն
Մահացել է	ապրիլի 4, 1927 (66 տարեկան); Թիֆլիս, ԱԽՖՍՀ, ԽՍՀՄ
Բնակության վայր(եր)	Ժնև
Քաղաքացիություն	Ռուսական կայսրություն և ԽՍՀՄ
Ազգություն	հայ
Մասնագիտություն	բանահավաք, հրատարակիչ և բառարանագիր
Ալմա մատեր	Ներսիսյան դպրոց (1879)
Տիրապետում է լեզուներին	հայերեն, ֆրանսերեն և գերմաներեն

Վիքիպեդիայում կան հոդվածներ Նավասարդյան ազգանունով այլ մարդկանց մասին։

Տիգրան Ավետիսի Նավասարդյան (փետրվարի 7, 1861(1861-02-07)^[1], Վաղարշապատ, Երևանի նահանգ, Կովկասի փոխարքայություն, Ռուսական կայսրություն^[1] - ապրիլի 4, 1927(1927-04-04)^[1], Թիֆլիս, ԱԽՖՍՀ, ԽՍՀՄ^[1]), հայ բանահավաք-հրատարակիչ, բառարանագիր։

Կենսագրություն[խմբագրել | խմբագրել կոդը]

1872 թվականին ընդունվել է Թիֆլիսի Ներսիսյան դպրոցը, 1879 թվականին հեռացվել է դպրոցից և դատապարտվել 6-ամսյա բանտարկության Մետեխի բանտում՝ Միքայել Նալբանդյանի նկարը տպելու և «Ազատություն» բանաստեղծության հետ տարածելու համար։ Երկու տարի գիմնազիայում սովորելուց հետո, 1884 թվականին, մեկնել է Ժնև ուսանելու։ 1888 թվականին վերադարձել է և ինժեների պաշտոնով աշխատանքի անցել Թիֆլիսի ջրամատակարարման քաղաքային գրասենյակում։ Տիրապետել է ֆրանսերենին, գերմաներենին։

1876 թվականից հավաքել և գրի է առել Վաղարշապատի բանահյուսական նյութեր, գերազանցապես հեքիաթներ, որոնցից մի քանիսը լույս են տեսել «Արարատ» ամսագրում (1881—1882)։ 1882—1903 թվականներին տպագրել է «Հայ ժողովրդական հեքիաթներ» (գիրք 1 — 10), 1883 թվականին՝ «Հայ ժողովրդական ավանդություններ» ժողովածուները, որոնք պարունակում են Վաղարշապատի և Հայաստանի ազգագրական այլ շրջանների հեքիաթներ, առած-ասացվածքներ, օրհնանքներ, անեծքներ և վիպական ու քնարական արժեքավոր նյութեր։ Հրատարակել է նաև «Բառգիրք Արարատյան բարբառի» (1903) գործը, որն ամփոփում է բուն ժողովրդական բառեր, ոճեր, դարձվածքներ, ինչպես նաև գյուղատնտեսական գործիքների ու դրանց մասերի, բույսերի, պտուղների, ծառերի անուններ։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 Հայկական սովետական հանրագիտարան, հատոր 8 (հայ.) — հատոր 8. — էջ 190—191.

Արտաքին յղումներ[խմբագրել | խմբագրել կոդը]

Բառգիրք Արարատեան բարբառի, Տիգրան Նաւասարդեանց։ Տպարան Մովսէս Վարդանեանցի, Տփխիս, 1903։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 190)։

[_1d3f5c2bdd8488b6-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 Հայկական սովետական հանրագիտարան, հատոր 8 (հայ.) — հատոր 8. — էջ 190—191.

[1]