Տիգրան Հեքեքյան

Վիքիպեդիայից՝ ազատ հանրագիտարանից
Տիգրան Հեքեքյան
Hekekyan.jpg
Հիմնական տվյալներ
Ծնվել է օգոստոսի 17, 1959 (58 տարեկան)
Երևան,Հայաստան
Երկիր Flag of Armenia.svg Հայաստան
Մասնագիտություն դիրիժոր, Խմբավար և մանկավարժ
Գործունեություն 1982 - ներկա
Շրջանավարտ Սայաթ-Նովայի անվան երաժշտական դպրոց, Ռոմանոս Մելիքյանի անվան երաժշտական ուսումնարան և Երևանի Կոմիտասի անվան պետական կոնսերվատորիա

Տիգրան Արտյոմի Հեքեքյան (օգոստոսի 17, 1959({{padleft:1959|4|0}}-{{padleft:8|2|0}}-{{padleft:17|2|0}}), Երևան, ՀԽՍՀ, ԽՍՀՄ), հայ խմբավար, մանկավարժ և Երևանի Կոմիտասի անվան կոնսերվատորիայի պրոֆեսոր։ Ներկայումս հանդիսանում է «Հայաստանի Փոքրիկ Երգիչներ» երգչախմբի գեղարվեստական ղեկավար ու գլխավոր դիրիժոր, Սայաթ-Նովայի անվան երաժշտական դպրոցի տնօրեն։ Նա նաև «Հայ Փոքրիկ Երգիչներ» միջազգային ասոցիացիայի հիմնադիրն ու նախագահն է։

Կենսագրություն[խմբագրել | խմբագրել կոդը]

Տիգրան Հեքեքյանը նախնական երաժշտական կրթությունը ստացել է Սայաթ-Նովայի անվան երաժշտական դպրոցում։ Այնուհետև որպես խմբավար ուսումը շարունակել է Ռոմանոս Մելիքյանի անվան երաժշտական ուսումնարանում, Երևանի Կոմիտասի անվան պետական կոնսերվատորիայում և ասպիրանտուրայում։ 1985 թվականից դասախոսում է նույն կոնսերվատորիայում։ Խմբավարական գործունեության մոտ երեք տասնամյակների ընթացքում Տիգրան Հեքեքյանը հիմնադրել և ղեկավարել է մի շարք երգչախմբեր, այդ թվում՝ ազգային մրցույթների դափնեկիր Սպենդիարյանի անվան երաժշտական դպրոցի երգչախումբը (1982-1988), Երիտասարդական Կազմակերպությունների Կոմիտեի երգչախումբը (1986-1988), միջազգային մրցույթների դափնեկիրներ Հայաստանի Ռադիոյի և Հեռուստատեսության Կամերային երգչախումբը (1984-2002) ու «Հայաստանի Փոքրիկ Երգիչներ» երգչախումբը (1992 թվականից)։

Տիգրան Հեքեքյանի ղեկավարությամբ «Հայաստանի Փոքրիկ Երգիչներ» երգչախումբն ու նրա մենակատարները մասնակցել են տարբեր միջազգային մրցույթների՝ ամեն անգամ նվաճելով մրցանակային տեղեր՝ 2 արծաթե մեդալ («Այսթեդֆուդ», Ռուդեպուրտ, Հարավ-Աֆրիկյան Հանրապետություն, 1993), արծաթե մեդալ («Այսթեդֆուդ», Ռուդեպուրտ, Լանգոլեն, Մեծ Բրիտանիա, 1994), գլխավոր մրցանակ, 2 ոսկե և արծաթե մեդալ («Գոլդն Գեյթ», Սան Ֆրանցիսկո, ԱՄՆ, 1995):

Տիգրան Հեքեքյանի սաներն ու «Հայաստանի Փոքրիկ Երգիչներ» երգչախումբն մասնակցում է ամենատարբեր միջազգային փառատոների և մրցույթների՝ «Երիտասարդական երգչախմբերի եվրոպական փառատոն» (Բազել, Շվեյցարիա, 1995, 2014), Թեսալոնիկի՝ Եվրոպայի մշակույթի մայրաքաղաք (Հունաստան, 1997),   Հոնգ- Կոնգի, Գուանջոյի և Պեկինի փառատոներ (Չինաստան,1999), «Ոսկե մակույկ» (Սոչի, Ռուսաստան, 2001), «Դիմիտրիա» (Սալոնիկ, Հունաստան, 2002),  «Երգ միասնության» հայ-ամերիկյան փառատոն (Հայաստան, 2004, 2006), «Մոլորակի երեխաներն ընկերներ են» (Մոսկվա, Ռուսաստան, 2010), «Թող ապագան երգի» (Ստոկհոլմ, Շվեդիա, 2012), «Մանկական երգչախմբերի 5-րդ փառատոն» (Սալոնիկ, Հունաստան, 2015), Ֆրիբուրգի երգչախմբային փառատոն (Շվեյցարիա, 2016), Աբու-Գոշի երգչախմբային փառատոն (Իսրայել, 2017)։ Մասնակցել է նաև «ԷՔՍՊՈ-2000» համաշխարհային ցուցահանդեսին (Հանովեր, Գերմանիա, 2000) և Երգչախմբային արվեստի VI համաշխարհային գիտաժողովին (Մինեապոլիս, ԱՄՆ, 2002):

Ազգային արվեստն օտար երկրներում ներկայացնելու Տիգրան Հեքեքյանի առաքելությունը չի սահմանափակվում համերգային գործունեությամբ։ Նա հայ խմբերգային արվեստի մասին դասախոսություններ է կարդում խոշոր միջազգային գիտաժողովներում, վարում վարպետաց դասեր և բաց փորձեր Հայաստանում և արտերկրում, մասնակցում միջազգային մրցույթների՝ որպես ժյուրիի անդամ և հյուր խմբավար։ Իր ակտիվ մասնակցությամբ հեղինակավոր հրատարկչություններում(Օքսֆորդ փրես, Կարուս) հրատարակվում են հայ հեղինակների խմբերգային ստեղծագործություններ։ Նա նաև ելույթ է ունենում տարբեր երգչախմբերի հետ որպես հյուր խմբավար։ Տիգրան Հեքեքյանը համերգային գործունեությամբ հանդես է եկել աշխարհի տարբեր երկրներում՝ Ռուսաստան, Վրաստան, Լատվիա, Լիտվիա, Էստոնիա, Հոլանդիա, Գերմանիա, Ֆրանսիա, Բելգիա, Շվեյցարիա, Դանիա, Իսրայել, Ճապոնիա, Մեծ Բրիտանիա, Իսպանիա, Լեհաստան, Չեխիա, Ավստրիա, ԱՄՆ, Կանադա, Կիպրոս, Եգիպտոս, Հունաստան, Ավստրալիա, Հարավաֆրիկյան Հանրապետություն, Հոնկ-Կոնգ, Չինաստան։

Մրցանակներ[խմբագրել | խմբագրել կոդը]

Տիգրան Հեքեքյանը արժանացել է նաև ՀՀ վարչապետի, Մշակույթի, Կրթության և գիտության նախարարությունների և Երևանի քաղաքապետի բարձրագույն պարգևներին, իսկ Եվրամիության երգչախմբերի կազմակերպության կողմից՝ «Եվրոպայի մշակույթի դեսպան» պատվավոր տիտղոսին։

Այլ[խմբագրել | խմբագրել կոդը]

  • Տիգրան Հեքեքյանը Բնական գիտությունների եվրոպական (Հանովեր), Բնության և Հասարակության մասին գիտությունների միջազգային ակադեմիաների իսկական անդամ է, հեռուստատեսության և ռադիոյի ակադեմիայի պատվավոր ակադեմիկոս
  • Խմբերգային արվեստի միջազգային ֆեդերացիայի, Երիտասարդական երգչախմբերի եվրոպական ֆեդերացիայի, Մանկական երգչախմբային և կատարողական արվեստի միջազգային միության և երգչախմբերի Օլիմպիական մրցույթի խորհրդի անդամ
  • Տիգրան Հեքեքյանը ընտրվել է Սևծովյան տնտեսական համագործակցության երկրների միջպառլամենտական վեհաժողովի «Ոսկե Մակույկ» մանկապատանեկան միջազգային փառատոնի գեղարվեստական ղեկավար

Տիգրան Հեքեքյանը նաև մի շարք միջազգային և ազգային մրցույթների, փառատոների նախաձեռնողն ու գեղարվեստական ղեկավարն է՝ «Աշտարակ 93», «Երևան 96» «Երգող Հայաստան», «Միանանք Երգով», «Երգ միասնության» և այլն։

Ձայնագրություններ[խմբագրել | խմբագրել կոդը]

Տիգրան Հեքեքյանի մրցանակակիր խտասկավառակներից են՝ «Բարսեղ Կանաչյանի ստեղծագործությունների լիակատար ժողովածուն», «V-XX դարերի հոգևոր երաժշտությունը»: 2009 թվականին լույս տեսավ «Եղիցի Լույս» 3 խտասալիկներից բաղկացած հավաքածուն, ինչպես նաև՝ Ռոբերտ Պետրոսյանի խմբերգերը` գրված ՀՓԵ երգչախմբի համար (Երևան, 2011), «Ֆուրուսատո» (ԱՄՆ, 2012), «Հեքիաթային 20 տարի» (ԱՄՆ, 2013), «Բենջամին Բրիտեն-խմբերգեր մանկական երգչախմբի համար» (Շվեյցարիա, 2016) և «Արիգատո» (Ճապոնիա 2017) խտասալիկները:

Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]