Տասը թռչունները (գիրք)

Վիքիպեդիայից՝ ազատ հանրագիտարանից
Jump to navigation Jump to search
Տասը թռչունները
Տեսակգրական ստեղծագործություն
ԵրկիրFlag of Canada (Pantone).svg Կանադա
Հրատարակություն2011

Տասը թռչունները, նկարազարդ գիրք՝ գրված և պատկերազարդված Կիբել Յանգի կողմից։ Հրատարակվել է 2011 թվականին։ Մանկական առակը 10 թռչունների մասին է, որոնք փորձում են գետն անցնելու մի ելք գտնել։ Օգտագործելով թվեր և խելացի մտածելակերպ՝ թռչունները մեկ առ մեկ կտրում-անցնում են գետը։ Պատմությունը բարձրաձայնվել է 1-3-րդ դասարանի երեխաների շրջանում՝ արժեքավոր հմտություններ սովորեցնելու նպատակով։ Հաշվելուց մինչև քննադատական մտածողության կարևորություն՝ Կիբելի գիրքը 2011 թվականին արժանացել է «Governor General's Awards»-ի մրցանակին։ Գրքի պատկերները նկարվել են գրիչով և թանաքով՝ նկարները դարձնելով ավելի խճճված[1]։

Սյուժե[խմբագրել | խմբագրել կոդը]

Պատմության սկզբում տասը թռչունները գետափին են և փորձում են մյուս ափն անցել։ Մեկ-մեկ թռչունները գտնում են գետն անցնելու ձևը՝ օգտագործելով տարբեր կառուցողական նյութեր։ Առաջինը, որին կոչում են «Գոհար», մի քանի ճեղք է բացում և անցնում գետը։ Հաջորդը՝ «Միանգամայն առաջադեմը», նախագծում է ստորջրյա թիակ, որպեսզի մյուս ափն անցի։ Ինչպես գրված է գրքում, մեկը մյուսի հետևից անցնում է գետը, ամենքը՝ տարբեր անուններով։ Վերջին թռչունը, որ գետը կտրում-անցնում է, անվանում են «Կարիքների բարելավում»։ Այս թռչունը մշակում է մի պարզ պլան, ըստ որի նրանք կամուրջի վրայով պարզապես քայլելու էին՝ ապշած թողնելով մյուս թռչուններին[2]։

Թռչունների անունները[խմբագրել | խմբագրել կոդը]

  • Գոհար
  • Միանգամայն առաջնադեմ
  • Հոյակապ
  • Ցույց է տալիս մեծ հեռանկարներ
  • Արտասովոր
  • Ակնառու
  • Ամբողջապես բավարար
  • Բացառիկ
  • Նշանավոր
  • Կարիքների բարելավում

Կրթական ազդեցություն[խմբագրել | խմբագրել կոդը]

Այս գիրքը կարող է երեխաներին սովորեցնել 0-10 հաշվել, երբ թռչունները անցնում են գետը։ Այն նաև սովորեցնում է երեխաներին մտածել քննադատորեն և օգտագործել հասարակ զգացում։ Մեկ այլ դաս, որ տալիս է գիրքը, այն է, որ պիտակները կարող են սխալ լինել, և ցույց է տալիս, որ «խնդրի ամենալավ լուծումը հաճախ ամենաասարակն է»[2][3]։ Այն նաև դիտարկվում է հետևյալ կերպ. «Առակի ձևը ընթերցողին հնարավորություն է տալիս ստեղծել սպասելիքների շարք. ծիծաղել, հայտնաբերել և զարմանալ։ Յանգը ապշեցնում է իր՝ հայտնիի և անհայտի միջև հավասարակշռության պահպանումով»[4]։

Թարգմանություններ[խմբագրել | խմբագրել կոդը]

Երեխաների՝ «Տասը թռչունները» գիրքը հասանելի է նաև ֆրանսերենով։ Թարգմանված գիրքը կոչվում է «Dix oiseaux»:

Պատկերազարդումներ[խմբագրել | խմբագրել կոդը]

Պատկերազարդումները բաղկացած են սև բարակ գծերից, մոնոքրոմատիկ գրիչներից և փղոսկրե ֆոնին պատկերված թանաքե նկարներից։ Գույների բացակայության հետևանքով այն գծերի խառնաշփոթություն է, որոնք փոխանցում են զգացմունքներ և պատմություններ։ Սխրագործությունը, ըստ երևույթին, հրահրված է աշխարհի ծայրին. բոլորովին մերկ լանդաշֆտի կորությունը և ջրի վրա արտացոլվող աստղերը տալիս են երազող, բայց այնումենայնիվ ծանոթ տոն[4]։

Հեղինակ[խմբագրել | խմբագրել կոդը]

Կիբել Յանգը ամբողջ աշխարհում հայտնի արտիստ է։ Իր նշանավոր գործերը գտնվում են Նյու Յորքում, Լոնդոնում, Վանկուվերում և Կալգարիում։ Նա Օնտարիոյի արվեստի և դիզայնի քոլեջում սովորել է քանդակագործություն և տպագրություն։ Միջնակարգ դպրոցն ավարտելուց հետո նա արժանացել է ավելի քան 20 արվեստի գրանտի և մրցանակների։ Յանգը նշվել է աշխարհի բազմաթիվ հրատարակչություններում, ինչպիսիք են «Արվեստն Ամերիկայում», «Կանադական արվեստը», «Elle», «Maclean's»: «Նրա՝ արվեստի պրակտիկան և ընտանեկան կյանքը դարձել են ոգեշնչման աղբյուր երեխաների համար նախատեսված մի քանի գրքերի ստեղծման համար»[5]։ «Կիբելն ապրում է իր ամուսնու և 2 երեխաների հետ Տորոնտոյում»[2]։

Ընդունելություն և մրցանակներ[խմբագրել | խմբագրել կոդը]

Կիբել Յանգը 2000 թվականին պատկերազարդման համար առաջադրվել է որպես «Governor General's Award»-ի մրցանակակիր։ Այնուհետև 2011 թվականին հաղթել է իր՝ «Տասը թռչունները» գրքի համար։ Կանադայի խորհրդի արտիստի բնակարանի գրանտը տրվել է Կիբելին, որպեսզի նա 2012 թվականի ամռանը 4 ամիս ապրի Փարիզում և նման կերպով նոր գործեր գրի[5]։

Շարունակություն[խմբագրել | խմբագրել կոդը]

«Տասը թռչունները» գիրքը ևս շարունակություն է ունեցել՝ «Տասը թռչունները հանդիպում են հրեշին» անունով։ Այս գիրքը նման է առաջինին՝ մեծ նշանակություն տալով հաշվմանը։ Տասը թռչունները վախեցած են հրեշից, հերթով հորինում են պլաններ և հայտնագործություններ, որ վախեցնեն հրեշին։ Այս գրքի նկարազարդումները ևս պատկերված են թանաքով և գրիչով։

Հրատարակիչ[խմբագրել | խմբագրել կոդը]

«Երեխաները կարող են սեղմել» հրատարակչությունը հրատարակել է այս գիրքը 2011 թվականին[2]։

Հիմնադրվել է 1973 թվականին, գլխավոր գրասենյակը գտնվում է Տորոնտոյում։

«Երեխաները կարող են սեղմել»-ը իր երախտագիտությունն է հայտնել Օնտարիոյի կատավարությանը՝ ֆինանսկան աջակցության համար[2]։

Այլ հրապարակումներ[խմբագրել | խմբագրել կոդը]

Գրքեր[6]
Գիրք Հեղինակ(ներ) Տարի
Մեծ Զանդինիի դուստրը Քերի Ֆեյգան և Կիբել Յանգ 2001
Ջեք Փինը Քրիտոֆեր Փեթն և Կիբել Յանգ 2007
Տաս թռչունները Կիբել Յանգ 2011
Մի քանի կոճղեր Կիբել Յանգ 2011
Մի քանի պատառ Կիբել Յանգ 2012
Տասը թռչունները հանդիպում են հրեշին Կիբել Յանգ 2013
Լուսամուտից դուրս Կիբել Յանգ 2013

Ծանոթագրություններ[խմբագրել | խմբագրել կոդը]

  1. «Books»։ cybeleyoung.ca։ Վերցված է 2020-12-20 (չաշխատող հղում)
  2. 2,0 2,1 2,2 2,3 2,4 Young, Cybele. 2011. Ten Birds. KidsCanPress. Print
  3. http://www.kidscanpress.com/US/product.aspx?productid=3209 Archived 2013-10-29 at the Wayback Machine. KidsCanPress. Retrieved on Oct. 22, 2013
  4. 4,0 4,1 LeMoal, Lara. "Ten Birds." CM : an Electronic Reviewing Journal of Canadian Materials for Young People 8 Apr. 2011. Print.
  5. 5,0 5,1 «Archived copy»։ Արխիվացված է օրիգինալից 2013-11-22-ին։ Վերցված է 2013-10-23  Cybele Young website. Ten Birds by Cybele Young. Retrieved Oct 22, 2013
  6. https://www.amazon.ca/Books/s?ie=UTF8&field-author=Cybele%20Young&page=1&rh=n%3A916520%2Cp_27%3ACybele%20Young Amazon books. Cybele Young. Retrieved October 22, 2013