Վրաստանի Ազգային բանկ

Վիքիպեդիայից՝ ազատ հանրագիտարանից
Վրաստանի Ազգային բանկ
Tbilisi, Georgia — Tbilisi Public Service Hall Building.jpg
Տեսակկենտրոնական բանկ
Հիմնադրված է1919
ՎայրԹբիլիսի, Վրաստան
ԵրկիրFlag of Georgia.svg Վրաստան
Կայքnbg.gov.ge(վրաց.)

Վրաստանի ազգային բանկ (վրաց.՝ საქართველოს ეროვნული ბანკი), Վրաստանի կենտրոնական բանկ[1]։ Վրաստանի ազգային բանկը ստեղծվել է ԽՍՀՄ Պետական բանկի Վրացական հանրապետական բանկի հիման վրա 1991 թվականին։

Պատմություն[խմբագրել | խմբագրել կոդը]

Վրաստանի ազգային բանկը հիմնադրվել է 1919 թվականին[1], իսկ 1991 թվականին Խորհրդային միության փլուզումից հետո սկսել է գործել որպես ինքնուրույն ինստիտուտ։ Այդ ժամանակ Վրաստանի Վերին խորհրդի որոշման համաձայն՝ խորհրդային ֆինանսա-վարկային համակարգի հիման վրա ստեղծվեց Վրաստանի ազգային բանկը[2]։

Պաշտոնապես անկախ Վրացական կենտրոնական բանկը ստեղծվել է 1991 թվականի օգոստոսին, ընդունված «Վրացական Հանրապետության Ազգային բանկի մասին» օրենքի համաձայն։ Այդ ժամանակ է ընդունվել նաև «Վրաստանի Հանրապետության Ազգային բանկի մասին» օրենքը, որը արտահայտում էր Կենտրոնական բանկի գործունեության հիմնական ոլորտները դրամավարկային քաղաքականության բնագավառում։

Ազգային բանկի այսօրվա կարգավիճակը որոշված է Վրաստանի Սահմանադրությամբ։ Համաձայն Սահմանադրության 95-րդ հոդվածի՝ Ազգային բանկը անկախ է իր գործունեության մեջ։ Ազգային բանկի իրավունքներն ու պարտականությունները, նրա գործունեության կարգը և անկախության երաշխիքները որոշվում են «Ազգային բանկի մասին» օրենքով, որը ընդունվել է Վրաստանի Խորհրդարանի կողմից 1995 թվականի հունիսի 23-ին[2]։

Կարգավիճակ[խմբագրել | խմբագրել կոդը]

Ազգային բանկի կարգավիճակը սահմանված է Վրաստանի Սահմանադրությամբ։ Համաձայն վերջինիս 95-րդ հոդվածի՝ բանկն անկախ է իր գործունեության մեջ։

Ազգային բանկն ազատ է իշխանության և Վրաստանի խորհրդարանի միջամտությունից, որն ամեն տարի հաստատում է դրամա-վարկային և արժութային քաղաքականության հիմնական ուղղությունները[2]։

Իրավունքներ և պարտականություն[խմբագրել | խմբագրել կոդը]

Ազգային բանկի իրավունքներն ու պարտականությունները սահմանվում են «Ազգային բանկի մասին» օրենքով, որն ընդունվել է 1995 թվականի հունիսի 23-ին։

Հիմնական իրավունքներն ու պարտականությունները.

  • դրամա-վարկային և արժութային քաղաքականության իրականացում,
  • բանկային վերահսկողության անցկացում,
  • մոնետար և ֆինանսական ոլորտների կառավարման իրականացում,
  • ազգային արժույթի սպառման ունակության և գների կայունության աջակցություն,
  • դրամա-վարկային համակարգի արդյունավետ գործունեության ապահովում,
  • համագործակցություն այլ երկրների ազգային բանկերի հետ[1]։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 National Bank of Georgia: About the Bank Archived 2015-07-16 at the Wayback Machine. (անգլ.)
  2. 2,0 2,1 2,2 «Bankir.ru: Վրաստանի ազգային բանկ. անցյալ, ներկա, ապագա»։ Արխիվացված է օրիգինալից 2015-04-25-ին։ Վերցված է 2015-10-02 

Արտաքին հղումներ[խմբագրել | խմբագրել կոդը]