Վիտյա Չերևիչկինի անվան մանկական զբոսայգի

Վիքիպեդիայից՝ ազատ հանրագիտարանից
Jump to navigation Jump to search
Picto infobox plant.png
Վիտյա Չերևիչկինի անվան մանկական զբոսայգի
ռուս.՝ Детский парк имени Вити Черевичкина
Нахичевань на Дону Александровский сад.jpg
Տեսակմանկական զբոսայգի
ԵրկիրՌուսաստան
ՎարչատարածքԴոնի Ռոստով
ՏեղագրությունԽորհրդային փողոց
Հիմնվել է1880 թվական
Կոորդինատներ: 47°13′37.920000100012″ հս․ լ. 39°44′57.120000100007″ ավ. ե. / 47.22720000002777851° հս․. լ. 39.74920000002777698° ավ. ե. / 47.22720000002777851; 39.74920000002777698
Վիտյա Չերևիչկինի անվան մանկական զբոսայգիը գտնվում է Ռուսաստանում
Վիտյա Չերևիչկինի անվան մանկական զբոսայգի
Վիտյա Չերևիչկինի անվան մանկական զբոսայգիը գտնվում է Երկիրում
Վիտյա Չերևիչկինի անվան մանկական զբոսայգի

Վիտյա Չերևիչկինի անվան մանկական զբոսայգի (ռուս.՝ Детский парк имени Вити Черевичкина), Ռուսաստանի Դոնի Ռոստով քաղաքի զբոսայգիներից մեկը։ Միակ մանկական զբոսայգին քաղաքում։ Գտնվում է քաղաքի կենտրոնում, առափից ոչ հեռու, Խորհրդային փողոցում[1]։

Պատմություն և գործունեություն[խմբագրել | խմբագրել կոդը]

Nuvola apps kview.png Արտաքին պատկերներ
Searchtool.svg Կոթող զբոսայգու անվանումով
Searchtool.svg Վիտյա Չերևիչկինի կիսանդրին
Ալեքսանդրի զբոսայգին մինչև հեղափոխությունը
Ալեքսանդրի սյունը

Զբոսայգին հիմնադրվել է 1880 թվականին[2]։ Նրա պատմական անունը` Ալեքսանդրի զբոսայգի, ընդունվել է Նոր Նախիջևանի քաղաքային դումայի որոշմամբ ի պատիվ «Նրա Կայսերական Մեծություն Օգոստոսափառ Միապետ Կայսր Ալեքսանդր II-ի գահակալության 25-ամյակի փառահեղ օրվա»[3]։ 1894 թվականին այստեղ տեղադրվել է Ալեքսանդրի սյունը`Սանկտ Պետերբուրգի Ալեքսանդրի սյան (ստեղծված իտալացի ճարտարապետ Տոնետտիի կողմից` Նիկոլայ Դուրբախի նախագծով) 11-մետրանոց պատճենը։ 1994 թվականին գրանիտե պատճենին վերադարձվել են խորհրդային տարիներին հեռացված հուշատախտակները և սյունը պսակող երկգլխանի արծիվը։ Ներկայումս սյունն ունի մշակութային ժառանգության տեղական նշանակության օբյեկտի կարգավիճակ։

1936 թվականից զբոսայգին կոչվել է «Պիոներների և դպրոցականների մանկական զբոսայգի»[3]։ Այնտեղ եղել են կամրջակներով ջրանցք և մեծ բեմ ներկայացումների համար։ 1965 թվականից զբոսայգին կոչվում է գերմանական զավթիչների կողմից սպանված ռոստովցի դեռահաս Վիտյա Չերևիչկինի (1925-1941) անունով։ Ավելի վաղ, 1961 թվականին, զբոսայգում տեղադրվել է նրա կիսանդրին, որի հեղինակը ռոստովահայ քանդակագործ Նիկոլայ Վահանի Ավետիքովն է։

Վիտյա Չերևիչկինի անվան մանկական զբոսայգին միակ մանկական զբոսայգին է ոչ միայն Դոնի Ռոստովում, այլև Ռոստովի մարզում։ Նախատեսված է նախադպրոցական և դպրոցական տարիքի երեխաների համար։ Այստեղ գտնվում են զվարճանքների մանկական ավանը, մանկական բատուտը, ջրաշխարհը և նրան կից «Շխունա» մանկական խաղային համալիրը։ Քաղաքի նորապսակները երջանկության համար սկսել են զբոսայգու անցումային կամրջակին կախել կողպեքներ, ինչի շնորհիվ այն ստացել է նոր անվանում` «Սիրո և երջանկության կամրջակ»։

2000 թվականին Դոնի Ռոստովի մշակույթի վարչության աջակցությամբ իրականացվել է զբոսայգու վերակառուցումը. տեղադրվել են մանկական նոր խաղահրապարակներ, իրականացվել է զբոսայգու լուսավորման նախագիծը, նրա ճեմուղիները սալարկվել են[3]։

Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]