Մասնակցել է 1939-1940 թվականների խորհրդա-ֆինլանդական պատերազմին։ Հայրենական Մեծ պատերազմի սկզբին եղել է 177-րդ կործանիչ ավիագնդի էսկադրիլիայի հրամանատարի տեղակալ։ Մոսկվայի մատույցներում 1941 թվականի օգոստոսի 7-ին առաջին անգամ գիշերային մարտում խոյահարել է թշնամու ռմբակոծիչը (որի համար և արժանացել է Խորհրդային Միության հերոսի կոչման)։ Հետագա մարտերում խփել է թշնամու ևս 5 ինքնաթիռ։ Զոհվել է 1941 թվականի հոկտեմբերին։ Տալալիխինի անունն առհավետ գրանցվել է ավիագնդի 1-ին էսկադրիլիայում։ Պարգևատրվել է Լենինի, Կարմիր դրոշի, Կարմիր աստղի շքանշաններով։ 1960 թվականին Պոդոլսկ քաղաքում Տալալիխինի հիշատակին կանգնեցվել է բրոնզե հուշարձան։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 543)։