Վէմ
| Վէմ | |
|---|---|
| Տեսակ | հանդես |
| Լեզու | հայերեն |
| Հիմնադրվել է | 2009 |
| Հրատարակիչ | Տիգրան Մեծ |
| Երկիր | Հայաստան |
| Հրատարակության պատմություն | 2009 թվականից |
| Գրախոսվող | այո |
| Տպաքանակ | 700 |
| ԱԳ | 0 |
| Հայկական ԱԳ | 0.22 |
| ISI | 0 |
| SCOPUS | 0 |
| ԲՈՀ ցանկ | 1 |
Վէմ, համահայկական պատմամշակութային եռամսյա հանդես։ Լույս է տեսնում Երևանում՝ 2009 թվականից։ 1933-1939 թվականներին Փարիզում Սիմոն Վրացյանի խմբագրությամբ լույս ընծայված «Վէմ. երկամսեայ հանդէս մշակոյթի և պատմութեան» գիտական պարբերականի շարունակությունն է[1]։
Պատմություն
[խմբագրել | խմբագրել կոդը]Լույս է տեսել 1933-1939 թվականներին Փարիզում և 2009 թվականից՝ Երևանում (որպես շարունակություն)։ Հիմնադիր-խմբագիրը եղել է Սիմոն Վրացյանը, խմբագիր՝ Գևորգ Խուդինյան (2009 թվականից)։ Առաջին շրջանում տպագրել է ՀՅԴ գործունեությանը վերաբերող նյութեր, դաշնակցական գործիչների հուշեր, նամակներ, անդրադարձել է Հայկական հարցին, ազգային-ազատագրական պայքարին, Մեծ եղեռնին, Առաջին համաշխարհային պատերազմին (1914-1918), Հայաստանյայց առաքելական եկեղեցուն, հայագիտության առանձին ճյուղերի, ՀԽՍՀ-ի և սփյուռքահայ գաղթավայրերի կյանքին, կրթամշակութային անցուդարձին։
Ներկայում տպագրում է հայագիտությանը, հայ գրականությանը, տնտեսագիտությանը, մշակույթին վերաբերող, ինչպես նաև գիտագործնական հոդվածներ, գրախոսություններ, հուշեր, վավերագրական նյութեր, ուշադրության կենտրոնում են Հայկական հարցը, Արցախյան հիմնախնդրի խաղաղ կարգավորման բանակցային գործընթացները, անդրադառնում է ՀՀ-ում և Սփյուռքում տեղի ունեցող կարևոր իրադարձություններին։ Առաջին համարում, որպես հավելված, զետեղվել է 1933-1939 թվականներին լույս տեսած թողարկումների մատենագիտությունը։
Ծանոթագրություններ
[խմբագրել | խմբագրել կոդը]- ↑ ««ՎԷՄ»-Ի ՊԱՏՄՈՒԹՅՈՒՆ — ՎԷՄ համահայկական հանդես / Vem Academic Journal». Վերցված է 2021 թ․ հունիսի 19-ին.
Աղբյուր
[խմբագրել | խմբագրել կոդը]- Գիտական տեղեկատվական վերլուծության և մոնիթորինգի կենտրոն, Հայաստանում հրատարակվող գիտական պարբերականների ցանկ Արխիվացված 2016-03-04 Wayback Machine
Արտաքին հղումներ
[խմբագրել | խմբագրել կոդը]Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|