Վերոնիկա Սուկոյան
Վերոնիկա Սուկոյան | |
|---|---|
| Ծնվել է | 1957 |
| Ծննդավայր | Մոսկվա, ԽՍՀՄ |
| Քաղաքացիություն |  ԽՍՀՄ և  Ռուսաստան |
| Կրթություն | Մոսկվայի գեղարվեստական ինստիտուտ |
| Մասնագիտություն | նկարչուհի |
| Անդամակցություն | ԽՍՀՄ նկարիչների միություն և Ռուսաստանի նկարիչների միություն |
| Հայր | Նիկոլայ Սուկոյան |
| Ամուսին | Նիկոլայ Կորոտկով |
Վերոնիկա Նիկոլայի Սուկոյան (1957, Մոսկվա, ԽՍՀՄ), հայազգի նկարչուհի։
Կենսագրություն[խմբագրել | խմբագրել կոդը]
Վերոնիկա Սուկոյանը ծնվել է 1957 թվականին Մոսկվայում, ճարտարապետ Նիկոլայ Սուկոյանի ընտանիքում։ 1970-1976 թվականներին սովորել է Մոսկվայի Վ.Ի. Սուրիկովի անվան գեղարվեստի պետական ակադեմիական ինստիտուտի գեղարվեստի դպրոցում, 1976-1983 թվականներին` Մոսկվայի Սուրիկովի անվան գեղարվեստի պետական ակադեմիական ինստիտուտում, պրոֆեսոր Միխայիլ Կուրիլկո-Ռյումինի ղեկավարությամբ գործող թատերական և դեկորատիվ նկարչության արհեստանոցում։ 1983-1991 թվականներին աշխատել է Ռուսաստանի գեղարվեստի ֆոնդի Մոսկվայի քաղաքային ընկերությունում։ Ստեղծագործական գործուղումների է մեկնել Թուրքմենստան, Կարակալպակստան (Ուզբեկստան), Տաջիկստան (Ռոգունի ՀԷԿ), Կրասնոյարսկի երկրամաս, Ռուսաստանի Յարոսլավլի և Տվերի մարզեր։ 1984-1988 թվականներին եղել է Ռուսաստանի նկարիչների միության Մոսկվայի բաժամունքին կից Երիտասարդ նկարիչների և արվեստագետների միության անդամ։ 1988 թվականից եղել է ԽՍՀՄ նկարիչների միության (այժմ ՝ Ռուսաստանի), Մոսկվայի գեղանկարիչների միության անդամ[1]։ 1991-1998 թվականներն աշխատել է Ռուսաստանի գեղարվեստի ակադեմիայի Մոսկվայի գեղարվեստի դպրոցում որպես նկարչության, գեղանկարչության և կոմպոզիցիայի ուսուցիչ։ 1994 թվականից եղել է Արվեստի միջազգային հիմնադրամի անդամ, Արվեստների պետական մասնագիտացված ինստիտուտի դասախոս, 2008 թվականի հոկտեմբերից` Մշակութային կենտրոնների հասարակական խորհրդի անդամ[Նշում 1][2]։
Աշխատում է բնանկարի, նատյուրմորտի, դիմանկարի ժանրերում յուղանկարչության տեխնիկայով։ Հիմնական աշխատանքների շարքը նվիրված է հետևյալ թեմաներին`
- Մոսկվա - Հարավ-Արևմուտք (բնանկարների շարք),
- Տվերի մարզի Պուշկինյան վայրեր (ինտերիերի և բնանկարների շարք),
- Ֆրանսիացի նկարիչների կտավներ (նատյուրմորտների շարքեր)։
Ստեղծագործություները գտնվում են պետական արվեստի թանգարաններում` Տուլայում, Կուրսկում, Տվերում (Բեռնովո) և մասնավոր հավաքածուներում։ Վերոնիկա Սուկոյանը հանդիսանում է Խորհրդային մշակույթի ֆոնդի նվիրատուներից։
Անհատական ցուցահանդեսներ[խմբագրել | խմբագրել կոդը]
- Ալեքսանդր Պուշկինի թանգարան Բեռնովոյում (1988)
- «Բիբլիո - Գլոբուս» առևտրի տուն (1997)
- Ռուսաստանի գեղարվեստի ակադեմիայի Մոսկվայի ակադեմիական արվեստի լիցեյ (1999)
- Մոսկվայի նկարիչների միության Գեղանկարիչների ընկերակցության գեղանկարչության արվեստի պատկերասրահ (2008 թվականի սեպտեմբեր)
- 1982 թվականից՝ «գեղանկարչություն» բաժնի բոլոր մակարդակների 50 մասնագիտական ցուցահանդեսների մասնակից։
Նշումներ[խմբագրել | խմբագրել կոդը]
- ↑ Создан по инициативе ряда известных деятелей культуры и искусства в связи с планами Московского правительства по строительству многофункционального комплекса «Апельсин» по проекту Нормана Фостера на месте здания ГТГ-ЦДХ в парке Искусств на Крымской набережной.
Ծանոթագրություններ[խմբագրել | խմբագրել կոդը]
- ↑ «Сукоян Вероника Николаевна (Sukoyan Veronika) - Каталог художников | Художники | Московские Живописцы». moscow-painters.ru. Վերցված է 2021 թ․ հունվարի 17-ին.
- ↑ Сукоян Вероника Николаевна